Display Style:
Column Style
प्रजातन्त्र दिवस, व्यवस्थापन उपसमितिया मुँज्या क्वचाल
नृपेन्द्रलाल श्रेष्ठ | सिल्लाथ्व दशमी ११३९ (फ्रेअवरी १५ २०१९)
थ्व हे वइगु फागुन ७ गते प्रजातन्त्र दिवसकया मूज्याझ्वलय् ब्बति काइपिनिगु लागि सम्माजनक च्वनेगु थाय्या लागि व्यवस्था यायेगु निर्णय यासें व्यवस्थापन उपसमितिया मुँ क्वचाःगु दु ।
बिहीवाः महानगरया प्रमुख नाप प्रजातन्त्र दिवस व्यवस्थापन उपसमितिया संयोजक विद्यासुन्दर शाक्यया अध्यक्षताय् च्वंगु मुँज्यां वःगु दँया समीक्षा यासें स्थानीय सरकारया प्रतिनिधियात आकर्षक सांस्कृतिक झाँकी नाप ब्बति कायेगु निर्णय यागु दु ।
महानगरं नेपाली सेना, नेपाल प्रहरी, सहरी विकास तथा भवन निर्माण विभाग, स्थानीय सरकार व नागरिक नाप समन्वयय् सम्पन्न यायेगु योजना दुगु महानगरया प्रमुख बिद्यासुन्दर शाक्यं जानकारी बियादीगु खः ।
थुुगु दँय् प्रजातन्त्र दिवस हनेत प्रधानमन्त्रीया अध्यक्षताय् मुल समारोह समिति गठन याःगु खःसा सूचना तथा सञ्चार मन्त्रीया संयोजकत्वय् प्रचार प्रसार उपसमिति, महानगर प्रमुखया संयोजकत्वय् मञ्च सजावट नाप व्यवस्था उपसमिति व येँ जिल्लाया प्रमुख जिल्ला अधिकारीया संयोजकत्वय् ग्राउण्ड, कवाज, व्यायाम, व्यवस्थापन समन्वय उपसमिति गठन याःगु खः ।
थुगु ज्याझ्वलय् राष्ट्रपति, उपराष्ट्रपति, प्रधानमन्त्री, उपप्रधान मन्त्री नाप मन्त्री, प्रधानन्यायाधीश, सुरक्षा निकायया प्रमुख, प्रदेश नाप स्थानीय सरकारया प्रमुख व स्थानीय सरकारया प्रतिनिधि लगायत जनसाधारणपिनिगु ब्बति दइ ।
इजरायलय् नेपाली राजदूत डा.अञ्जान शाक्ययात विशिष्ट सम्मान
नृपेन्द्रलाल श्रेष्ठ | सिल्लाथ्व दशमी ११३९ (फ्रेअवरी १५ २०१९)
इजरायलया लागि नवनियुक्त नेपाली राजदूत डाक्टर अन्जना शाक्यं म्हिगः विहीवा इजरायली राष्ट्रपतिया ज्याकुथि थःगु ओहोदाया प्रमाण–पत्र इजरायली राष्ट्रपति रेउभेन रिभ्लीनयात पेश याःगु दु
ओहोदाया प्रमाण–पत्र पेश यायेगु ज्याझ्वलय् इजरायली राष्ट्रपतिया ज्याकुथिं विशिष्ट सम्मान गार्ड अफ अनर इजरायली सरकारं नेपाली राजदूत डाक्टर शाक्ययात बिया अत्यन्त विशिष्ट सम्मान बिइगु ज्या न जुगु खः ।
नेपाली राजदूत डाक्टर शाक्य नाप लायेगु झ्वलय् इजरायली राष्ट्रपति रेउभेन रिभ्लीन नेपालय् न्ह्ययेगु हे प्रदेशय् इजरायलया सेन्टर अफ एक्सिलेन्सी अर्थात इजरायली प्रविधिया तालिम केन्द्र खोले यायेगु लागि प्रस्ताव तःगु खः ।
इजरायली उच्च प्रविधिया कृषि, सूचना–प्रविधि, कम्प्युटर इञ्जिनियरिङ, मेडिकल, शिक्षा नाप एडभान्स टेक्नोलोजीया सेन्टर अफ एक्सिलेन्सी खोल यानार नेपालयात ग्वाहालि यायेत याःगु इनाप राष्ट्रपति रिभ्लीनं सकारात्मक रुपं कयादिगु दु ।
उगु भेटवार्ताय् नेपाली राजदूत डाक्टर शाक्यं नेपालया राष्ट्रपति विद्यादेवी भण्डारी नाप प्रधानमन्त्री केपी शर्मा ओलीेया सन्देश व नेपाल भ्रमणया ब्बनापौ न्ह्यब्बयादीगु खः ।
हस्तकला व संस्कृतिया विकासय् चीन ग्वहालि याइगु
नृपेन्द्रलाल श्रेष्ठ | सिल्लाथ्व अष्टमी ११३९ (फ्रेअवरी १३ २०१९)
यलया कला, संस्कृतिया विकासया लागि चीनं ग्वहालि यायेत सांस्कृतिक अध्येयतापिं तयार दु ।
वल्ड क्राफ्ट काउन्सिलपाखें यलयात विश्वया ३५ औं कलाया नगरी घोषणा जुगु कथं माःगु ज्यायायेत सहकार्य यायेगु इच्छा प्वःकुगु दु ।
निवृत प्राध्यापक सु हाओया नेतृत्वय् वल्गु चिनिया“ टोलीं थौं बुधवाः यलया लाय्कु लागाय् यल महानगरपालिका– १६ या वडाअध्यक्ष निर्मलरत्न शाक्यं खादा न्ययेका लसकुस यानादीगु खः ।
उगु ज्याझ्वलय् चिनिया“ टोलीं हस्तकला, संस्कृतिया प्रर्वद्धन यायेत सहकार्य यायेगु इच्छा व्यक्त याःगु खः । वडाअध्यक्ष शाक्यं १६ वडा कला, मूर्त, अर्मूत संस्कृति दुगु थाय् खः । अन वडाय् ६० प्रतिशत स्वया अप्वो हस्तकला व्यवसायी दुगु लि बृहत कला व सांस्कृतिक महोत्सव यात्यःनागु धका जानकारी न बियादीगु खः
थुगु पुचलं विश्वसम्पदा सूचीकृत यलाया लाय्कु अवलोकन यासें बखुबहालय् वना वरिष्ठ संस्कृतिविद् सत्यमोहन जोशीयात न नाप लानादीगु खः । टोलीया नेतृत्व यानादीम्ह प्राध्यापक सुहाआें जोशीपाखें सन् १९६३ सालय् नेपाली व नेपाल भाषा सयेकादीगु खः । उगु इलय् नेपाली भाषा स्यनेत जोशी पेकिङ्ग झायादीगु खः । उगु पुचलं हिरण्यवर्ण महाविहार गोल्डेन टेम्पलय् न अवलोकन याःगु खः ।
‘हस्तकला नगरीको उत्सव, कला संस्कृतिको महोत्सव’ धइगु नारा ज्वना थ्वहे वइगु चैत्र १३ निसे १७ गते तक महोत्सव जुइ त्यःगु खः ।
पत्रकार दबूपाखें प्यम्ह पत्रकारयात
नृपेन्द्रलाल श्रेष्ठ | सिल्लाथ्व षष्ठी ११३९ (फ्रेअवरी २०१९)
नेवाः पत्रकार राष्ट्रिय दबूपाखें खुक्वःगु दँमुज्याया झ्वलय् पत्रकारिता ख्यलय् ज्वःमदुगु योगदानयापिं प्यम्ह पत्रकारपिन्त सिरपाः देछागु दु ।
येँ महानगरपालिकाया मेयर विद्या सुन्दर शाक्य मूपाहां व प्रदेश नं ३ या सांसद राजेश शाक्य विशेष पाँहापाखें नेपालभाषाया थौंकन्हय् लय्पौया सम्पादक रुक्मिणी श्रेष्ठयात वाडमय शताब्दी पुरुष डा. सत्यमोहन जोशी पत्रकारिता सिरपाः, राससया सम्पादक राजु शाक्ययात भिक्षु कुमार काश्यप स्मृति पत्रकारिता सिरपाः, चितवन विविसिया पत्रकार ईश्वर कुमार जोशीयात ज्ञानदेवी स्मृति पत्रकारिता सिरपाः,नाप फोटोपत्रकार नातिकाजि महर्जनयात बाबुराजा ज्यापु फोटोपत्रकारिता सिरपाः लःल्हाःगु खः ।
उगु सिरपाय् हनापौ नाप नगद झीद्धः लःहागु खः ।
अथे हे उगु ज्याझ्वलय् जलास्येँ पीडित फोटोपत्रकार आशाकाजी महर्जनयात वासः यायेत थप छगू लख व स्वीन्याद्धः तका दां लःल्हायेगु ज्या तकं जूगु दु ।
लच्छि न्ह्यः पत्रकार दबूया अभियान कथं पत्रकार आशाकाजि महर्जनयात न्यय्गुद्धलं मल्याक ध्यबा लःल्हाये धुंकूगु खःसा खुक्वःगु दँमुज्याय् हङ्ककङ्क नेवार समाजया नायः रचना प्रधानपाखें छगु लाख व पत्रकार आशाकाजि महर्जन सहयोग अभियानया कजि नापं पत्रकार दबूया न्वकू नृपेन्द्रलाल श्रेष्ठं स्वीन्याद्धः नगद लःल्हागु खः ।
दबूया नायः श्रीकृण महर्जनया सभाधक्ष्यताय् जुगु उगु ज्याझ्वलय् नेपाल प्रेस काउन्सिलया कार्यवाहक अधक्ष्य किशोर श्रेष्ठ, नेपाल आदिवासी जनजाती पत्रकार महासंघया अधक्ष्य डण्ड गुरुङ्क, येँ महानगरपालिकाया प्रवक्ता ईश्वरमान महर्जन, हङ्ककङ्क नेवार समाजया नायः रचना प्रधानपाखें न थःथगु बिचाः तयादीगु खः ।
विरोधया नितिं विरोध जक यायेगु ज्या दिकेमाः
नृपेन्द्रलाल श्रेष्ठ | सिल्लाथ्व षष्ठी ११३९ (फ्रेअवरी २०१९)
येँ महानगरपालिकाया मेयर विद्या सुन्दर शाक्यं स्थानीय सरकार धइगु संघीय सरकार थें मखु धयादीसे स्थानीय सरकारय् पक्ष व विपक्षया रुपय् नाला वने मजिउ नाप जनतालिसे तप्यंक हे स्वाप विरोधया नितिं विरोध जक यायेगु ज्या दिकेमाः दुगु सरकार जूगुलिं पक्ष विपक्ष धकाः मकासे महानगरवासीया सकलसिगु मंकाः सरकारया रुपय् कया महानगरया विकास व समृद्धिया नितिं सकलें छप्पँ जुया वनेमाः धकाः धयादिल ।
नेवाः पत्रकार राष्ट्रिय दबूया खुक्वःगु दँमुँज्याय् मूपाहां जुया न्वंवासें नापं पत्रकारतलिसे खँ ल्हायेगु झ्वलय् वय्कलं अथे धयादीगु खः । मेयर शाक्यं राजनीति यायेगु नामय् धकाः धयादिल ।
म्हिगः थःम्हं रानी पुखू दयेकेगु धयागु इलय् गुगु नं हालय्त महानगरपालिकाया मेयरयात दयेके बिइगु जुइमखु धयाजूपिं हे आः वया रानी पुखू सरकारं दयेकेगु धकाः क्याबिनेटं निर्णय याये धुनेवं इपिं हे मनूत आः येँ महानगरपालिकाया मेयर विद्या सुन्दर शाक्ययात हे दयेके बिइमाः धकाः गुगु कथं खँ तयाच्वन थ्व बास्तवय् द्धैद्ध चरित्रया खः धकाः धयादिल ।
थौं वया संघीय सरकारया निर्णययात विरोध याना थःगु साहनुभुति कायेगु कुतः याना थःम्हं दयेकेमाः धकाः धाःगु थ्व धैगु बांलाःगु ज्या मखु धकाः धयादिल । थज्वःगु ज्यां येँया सम्पदा संरक्षण यायेत थाकुइ धकाः तकं धयादिल ।
येँय् जूगु पत्रकार दबूया खुक्वःगु दँमुँज्याय् वय्कलं येँ महानगर नापं सकलसिगु साथ महानगरपालिकायात आवश्यकता दु धकाः धयादिसें पत्रकार दबूपाखें हइगु बांःलाःगु ज्यायात महानगरपालिकां अःपुक हे स्वीकार याना नापं जाना वनेगु जुइ धकाः तकं महानगरपालिकाया मेयर शाक्यं बचं बियादिल ।
वयकलं पत्रकारिता ख्यलं नं महानगरया नितिं भूमिका म्हितेमाः धकाः धयादिसें वय्कलं उकिया नितिं पत्रकार दबूलिसे जाना वनेगु जुइ धकाः नं धयादिल ।
