Display Style:
Column Style
लुँ वहः पेशा सञ्चालन सम्वन्धी सचेतना ज्याझ्वः
लहनान्युज | सिल्लागा द्धादशी ११३९ (माच ३ २०१९)
लुँ वहः ब्यवसायय् समस्या व समाधानयात ग्वाहालि जुइ कथंया उद्धेश्यं येँ ‘सुनचाँदी पेशा सञ्चालन सम्वन्धी सचेतना कार्यक्रम’या ज्याझ्वः जुगु दु ।
नेपाल सुनचाँदी ब्यवसायी महासंघया ग्वसालय् जुगु उगु ज्याझ्वलय् सरकारी निकायकया प्रतिनिधी नाप ब्यवसायीपिनिगु ख्यलय् खनेदुगुु समस्या व उकिगु निराकरणया बिषय खँय् ज्याझ्वः जुगु खः ।
उगु ज्याझ्वलय् मूपाँहा कथं गुणस्तर तथा नापतौल विभागया महानिर्देशक विश्ववावु पुडाशैनीं छु न पेशा ब्यवसाय यायेगु न्ह्यः उकिगु सम्वन्धी कानूनी पक्षया जानकारी दयेमाःगु खँ न्ह्थनादीगु खः । लुँ वहःया ब्यवसाय यायेत तौल गुणस्तर, जर्ति, ज्याला थे जाःगु बिषयलय् गंभिरतापुर्वक कायेत आग्रह न यानादीग खः ।
अथेहे गुणस्तर तथा नापतौल विभागया पुर्व महानिर्देशक डा. सिताराम जोशीं कार्यपत्र न्ह्यब्बयादीसे गुणस्तर व कारोवार सम्वन्धी मापदण्ड हे जक तःधगु मखु कयादीसे प्रभावकारी कार्यान्वयन पक्ष महत्वपूर्ण जुइ धका ब्यवसायीपिनिगु ध्यानाकर्षण यानादीगु खः ।
उगु ज्याझ्वलय् महासंघया अध्यक्ष मोहन कुमार सुनार, वरिष्ठ उपाध्यक्ष माणिकरत्न शाक्य व राष्ट्रिय उपभोक्ता मञ्चया अध्यक्ष प्रेमलाल महर्जन व महासंघया कानूनी सल्लाहकार शिव रिजालपिन्स न थःथःगु नुँगः खँ तयादीगु खः ।
महासचिव धर्मशुन्दर बज्राचार्य न्ह्याकादीगु उगु ज्याझ्वलय् महासंघया निवर्तमान अध्यक्ष मणिरत्न शाक्य, उपाध्यक्षपिं दियसरत्न शाक्य, मोहनकाजी शाक्य, शिव सर्राफ, कोषध्यक्ष महेन्द्ररत्न
शाक्य, सचिव किरणभाई बज्राचार्य व सुदिप श्रेष्ठ लगायत पिनिगु न ब्बति दुगु खः ।
भरतमोहन अधिकारी मन्त
लहनान्युज | सिल्लागा द्धादशी ११३९ (माच ३ २०१९)
पुलाम्ह उपप्रधान नाप अर्थमन्त्री भरतमोहन अधिकारी म्हिगः ८२ दँय् मन्त ।
मदुम्ह नेता अधिकारीे हृयाम्स अस्पताल वासः याकेगु झ्वलय् मदुगु खः ।
मदुम्ह अधिकारीयाःगु पार्थिव शरीरयात अन्तिम श्रद्धाञ्जलीया लागि थौं आइतवाः सुथय् ९ ताः निसे १२ ताः ई तक पार्टी कार्यालय धुम्बाराहीलय् तइ धकाः नेकपा नेता कृष्णगोपाल श्रेष्ठं जानकारी बियादिगुु दु ।
स्वक्वःगु विश्व नेवाः सम्मेलन नेपालय् जुइगु
लहनान्युज | सिल्लागा एकादशी ११३९ (माच २ २०१९)
हलिं नेवाः दबूया स्वक्वःगु सम्मेलन थ्व हे वइगु चिल्लागा अष्टमीनिसें दशमी अर्थात चैत्र १४ गतेनिसें १६ गते तक येँय् तःजिक याइगु जूगु दु ।
थौं शनिवाः नेवाः पत्रकार राष्टिय दबूया संयोजनय् स्वक्वःगु हलिं नेवाः दबू तःमुँज्या ग्वसाः खलःया ग्वसालय् जूगु पत्रकार सम्मेलनय् उगु कथंया जानकारी बिउगु दु । थुगुसी जइगु हलिं नेवाः दबूया स्वक्वःगु तःमुँज्याय् झिंगुलिं मल्याक मुलकपाखें सच्छिम्हं मल्याक प्रतिनिधितय्सं ब्वति कयादी धकाः ग्वसाः खलःया कजि पुस्करभक्त माथेमां कनादीगु दु ।
स्वन्हु तक जुइगु थुगु सम्मेलनया झ्वलय् नेपाःया थीथी जिल्लायापिं याा न्यासःम्ह नेवाःतय्सं ब्वति कयादीगु, नेपाःया जक मखु हलिं न्यकंया नेवाःतय्गु सवालयात कया सहलह ब्याकेगु, स्वदँया नितिं न्हूगु नेतृत्व ल्ययेगु नापं नेवाः सभ्यतायात न्ह्यब्वइगु कथंया थीथी ज्याझ्वः यायेगु जानकारी बियादीगु खः ।
हलिं नेवाः दबू नेपाः देय् मू कवःया कार्यबहाक नायः शाक्य सुरेनया नायोसुइ जूगु उगु ज्याझ्वलय् ग्वसाःखलःया ल्यूकजिपिं रश्मिला प्रजापति व सुरेन्द्रभक्त श्रेष्ठ, नेवाः पत्रकार राष्टिय दबूया नायो श्रीकृष्ण महर्जन, रत्नकाजि लूनिभाःपिन्सं विश्व नेवाः सम्मेलनया बारे जानकारी बियादीगु खः ।
थीथी संचार माध्यमया पत्रकारपिं सहभागी जुयादीगु उगु पत्रकार सम्मेलन ज्याझ्वः सुदय शिलाकारं संचालन यानादीगु खः ।
छायाँदेवि कम्पलेक्सय् संघीय सामाजादी च्युता
लहनान्युज | सिल्लागा अष्टमी ११३९ (फ्रेअवरी २६ २०१९)
पर्यटकीय क्षेत्र ठमेलय् नकतिनि सञ्चालन ज्ुगु छायाँदेवि कम्पलेक्स प्रा.लि.या छायाँ सेन्टरं एतिहासिक सम्पदाया कमलपूखु अतिक्रमण जुगु धासे विश्व नेवाः संगठन व संघीय सामाजादी फोरम येँपाखे आपत्ती प्वकुगु दु ।
नेवाः सरोकारया लागि स्थापित विश्व नेवाः संगठनं व्यपारिक प्रायोजनया लागि ऐतिहासिक सम्पदाया पुखू अतिक्रमण याना निर्माण याःगु छायाँ सेन्टरप्रति संगठनया आपत्ती ज्ुगु धका छगु विज्ञप्ती जारी यासें विरोध याःगु खः ।
नेवाः गुठी व संस्कृतिया महत्व दुगु थुगु पुखू अतिक्रमण याना व्यापारिक कम्पलेक्स निर्माण यायेगु नेपाल सरकार, गुठी संस्थान व सरोकारबाला नाप अविलम्ब वार्ता याना समाधान यायेत नेवाः संघं आग्रह यासें विज्ञप्ती मार्फत इनाप यागु दु ।
कन्ह्य सार्वजनिक विदा
लहनान्युज | सिल्लागा अष्टमी ११३९ (फ्रेअवरी २६ २०१९)
कन्ह्यय बुधवाः नेपाल सरकारं सार्वजनिक विदा बिइगु जुगु दु । हेलिकप्टर दुर्घटनाय् लाना मदुम्ह संस्कृति पर्यटन तथा नागरिक उड्डयन मन्त्री रवीन्द्र अधिकारीया शोकय् विदा बिइगु निर्णय जुगु धका गृहमन्त्री रामबहादुर थापां जानकारी बिगु दु ।
‘थौं बहनिे मन्त्रिपरिषदया बैठकं फागुन १६ गते बिहीवाः राष्ट्रिय शोक दिवस कथंमनाउने निर्णय सार्वजनिक बिदा याये त्यःगु खः ।
कन्ह्य राष्ट्रिय शोक न्यायेके कथं सरकारी कार्यालय, शैक्षिक संस्था, कलकारखाना दक्को विदा जुइ धका मन्त्रिपरिषदया निर्णय न्यकुसे थापां धाःगु खः ।
थौं न्हिनय् ताप्लेजुङया पाथीभरा द्यया थाय् न्ह्यने डाइनेस्टी हेलिकप्टर दुर्घटना लाना मन्त्री अधिकारी नाप ७ म्ह सिगु खः ।
मन्त्री अधिकारीयात कन्ह्य राजकीय सम्मानया साथ अन्तिम संस्कार याइगु जुगु दु ।
