Display Style:
Column Style
ललितपुर सुनचाँदी व्यवसायी संघं रजत जयन्ती हन
नृपेन्द्रलाल श्रेष्ठ | पोहेलाथ्व पंचमी ११३९ (जनवरी ११ २०१८)
ललितपुर सुनचाँदी व्यवसायी संघं रजत जयन्तीया लसताय् निम्ह पत्रकारयात सम्मान याःगु दु ।
उगु रजत जयन्तीया लसताय् निम्ह पत्रकार नेपाल भाषा टाईम्सया सम्पादक सुरेशकिरण मानन्धर व नेपाल समाचारपत्रया सहायक सम्पादक सुनील महर्जनयात छगु ज्याझ्वः दथुइ संघया अध्यक्ष किरणभाई बज्राचार्यं खादा न्यय्का, मूपाँहा उद्योग, वाणिज्य नाप आपूर्ति मन्त्री मातृका यादवं प्यंगु तोलाया वहःयागु मुद्रा दुगु सम्मान पत्र लःल्हागु खः ।
अथेहे ललितपुर सुनचाँदी व्यवसायी संघया संस्थापक नायः ज्ञानराज शाक्ययात नं संघया अध्यक्ष किरणभाई बज्राचार्यं दोसल्ला न्ययेका व मूपाँहा उद्योग, वाणिज्य नाप आपूर्ति मन्त्री मातृका यादवं हनापौ लःल्हानादीगु खः ।
उगु ज्याझ्वलय् यलया क्षेत्र नं ३ या सांसद् पम्फा भुसाल, प्रदेश नं ३ या सांसद् राजकाजी महर्जन, शोभा शाक्य, पूर्वमन्त्री बुद्धिराज बज्राचार्य, नेपाल उद्योग बाणिज्य संघ प्रदेश नम्बर ३ या संयोजक दिनेश श्रेष्ठ , पूर्व मुख्य सचिव तीर्थमान शाक्य, ललितपुर महानगरपालिकाया प्रमुख चिरिबाबु महर्जन, ललितपुर महानगरपालिका वडा नं १६ या वडाअध्यक्ष निर्मलरत्न शाक्य पिनिगु न उपस्थिति दुगु खः ।
प्रज्ञा ज्ञानमाला भजन संघय् पवन शाक्य
लहनान्युज | पोहेलाथ्व तृतिया ११३९ (जनवरी ९ २०१९)
प्रज्ञा ज्ञानमाला भजन संघ मकवानपुरया न्हुधाः जुगु दु ।
उगस भेलां पवन शाक्य नेतृत्वय् गुम्हेसियाःगु न्हुगु कार्यसमिति सर्वसहमत ल्यःगु दु ।
अथेहे प्रथम उपाध्यक्षय् सुनकुमार मानन्धर, द्वितिय उपाध्यक्ष शोभा बज्राचार्य, महासचिव नियमराज शाक्य, कोषाध्यक्ष प्रेम शाक्य, सहसचिवमा तेजलक्ष्मी शाक्य, सह–कोषाध्यक्ष रुपा बज्राचार्य च्वनादीगु दुसा दुजलय् सुमित्रा श्रेष्ठ व सानु शाक्य च्वनादीगु दु ।
प्रज्ञा महाविहारया अध्यक्ष रुपकराज बज्राचार्यया सभाध्यक्षताय् जुगु उगु ज्याझ्वलय् प्रज्ञा महाविहारया पूर्व सल्लाहकार पुष्पनन्द शाक्य, धर्मगुठी हेटौंडाया अध्यक्ष ज्ञानरत्न बज्राचार्यपिं पाँहा कथं झायादीगु खः ।
वि.सं. २०५६ सालय् गठन जुगु थुगु प्रज्ञा ज्ञानमाला भजन संघय् ३५ दुजः दु । मकवानपुरय् भगवान् बुद्धया उपदेश प्रचारप्रसार यायेगु संघयाना वया च्वंगु खः ।
महागुथि सहकारीया प्रतिवेदन नेपालभाषां पिदन
लहनान्युज | पोहेलाथ्व दुतिया ११३९ (जनवरी ८ २०१९)
थनिं झिंगुदँ न्ह्यः ज्यापु महागुथिया सक्रियताय् नीस्वंगु महागुथि बहुउद्देश्यीय सहकारी संस्थाया झिंगुक्वःगु दँ मुँज्या क्वचाल ।
संस्थाया कार्यावाहक नायः मचाराजा महर्जनया सभाध्यक्षताय् जूगु उगु ज्याझ्वलय् येँ महानगरपालिकाया प्रमुख विद्यासुन्दर शाक्यमूपाहांकथं झायादीगु खःसा विशेष पाहांकथं महागुथिया केन्द्रीय नायः लोककवि राजभाइ जकःमि, संस्थाया संरक्षक रामबहादुर डंगोल, महागुथि येँ महानगर समितिया नायः बाबुराजा महर्जन, १८ वडाया अध्यक्ष न्हुच्छेकाजी महर्जन, २२ वडाया अध्यक्ष चिनिकाजी महर्जनपिं झायादीगु खः ।
लेखा समितिया दुजः हिराकाजी महर्जनं न्ह्याकादीगु व संचालक दुजः कुलबहादुर महर्जनं लसकुस यानादीगुउगु ज्याझ्वलय् संस्थाया आधिकारिक प्रतिवेदन व ल्याःचाः नं मुक्कं नेवाः भासं हे पिथनाः इनाब्यूगु खः । ज्याझ्वलय् प्रगति प्रतिवेदन व भावी योजना संस्थाया छ्याञ्जे मचाराजा महर्जन, आर्थिक प्रतिवेदन दांभरि बाबुराजा प्रजापति, लेखा समितिया प्रतिवेदन लेखा समितिया कजि रेणुका बासुकलां न्ह्यब्वयादीगु खः ।
ज्यापु महागुथि नेपाःया केन्द्रीय नायः राजभाइ जकःमि, संरक्षण रामबहादुर डंगोल, ऋण समितिया कजि राजभाइ ज्यापु, येँमहानगर समितिया नायः बाबुराजा महर्जनजपिंसं भिन्तुना बियादिसें महागुथि सहकारीं याना वयाच्वंगु ज्याझ्वःयात सुभाय् बियादिल । अथे हे मूपाहाँ येँ महानगरपालिकाया प्रमुख विद्या सुन्दर शाक्यंं बांलाःगु ज्याय् लगानी याय्त ऋण खनाः झी नेवाःत ग्याय् मज्यूगु कनादिल । ज्याझ्वलय् झिदँतक मदिक्क कर्मचारी जुयाः सेवा यानादीपिं सुमित्रा महर्जन प्रजापति व पूर्णिमा महर्जनपिन्त हनापौ व मतिनाया चिं मूपाहां शाक्यंं लःल्हाःनादीगु खः ।
महागुथि सहकारीयाप्रतिवेदन नेपालभाषां पिदन
थनिं झिंगुदँ न्ह्यः ज्यापु महागुथिया सक्रियताय् नीस्वंगु महागुथि बहुउद्देश्यीय सहकारी संस्थाया भिंmगुक्वःगु दँमुँज्या क्वचाल ।
संस्थाया कार्यावाहक नायः मचाराजा महर्जनया सभाध्यक्षताय् जूगु उगु ज्याझ्वलय् येँ महानगरपालिकाया प्रमुख विद्यासुन्दर शाक्यमूपाहांकथं झायादीगु खःसा विशेष पाहांकथं महागुथिया केन्द्रीय नायः लोककवि राजभाइ जकःमि, संस्थाया संरक्षक रामबहादुर डंगोल, महागुथि येँ महानगर समितिया नायः बाबुराजा महर्जन, १८ वडाया अध्यक्ष न्हुच्छेकाजी महर्जन, २२ वडाया अध्यक्ष चिनिकाजी महर्जनपिं झायादीगु खः ।
लेखा समितिया दुजः हिराकाजी महर्जनं न्ह्याकादीगु व संचालक दुजः कुलबहादुर महर्जनं लसकुस यानादीगुउगु ज्याझ्वलय् संस्थाया आधिकारिक प्रतिवेदन व ल्याःचाः नं मुक्कं नेवाः भासं हे पिथनाः इनाब्यूगु खः । ज्याझ्वलय् प्रगति प्रतिवेदन व भावी योजना संस्थाया छ्याञ्जे मचाराजा महर्जन, आर्थिक प्रतिवेदन दांभरि बाबुराजा प्रजापति, लेखा समितिया प्रतिवेदन लेखा समितिया कजि रेणुका बासुकलां न्ह्यब्वयादीगु खः ।
ज्यापु महागुथि नेपाःया केन्द्रीय नायः राजभाइ जकःमि, संरक्षण रामबहादुर डंगोल, ऋण समितिया कजि राजभाइ ज्यापु, येँमहानगर समितिया नायः बाबुराजा महर्जनजपिंसं भिन्तुना बियादिसें महागुथि सहकारीं याना वयाच्वंगु ज्याझ्वःयात सुभाय् बियादिल । अथे हे मूपाहाँ येँ महानगरपालिकाया प्रमुख विद्या सुन्दर शाक्यंं बांलाःगु ज्याय् लगानी याय्त ऋण खनाः झी नेवाःत ग्याय् मज्यूगु कनादिल । ज्याझ्वलय् झिदँतक मदिक्क कर्मचारी जुयाः सेवा यानादीपिं सुमित्रा महर्जन प्रजापति व पूर्णिमा महर्जनपिन्त हनापौ व मतिनाया चिं मूपाहां शाक्यंं लःल्हाःनादीगु खः ।
पत्रकार शिवहरिया ‘होचो ढोका’ सफू पितब्बज्या
नृपेन्द्रलाल श्रेष्ठ | पोहेलाथ्व पारु ११३९ (जनवरी ७ २०१९)
पत्रकार शिवहरि घिमिरे च्वयादीगु ‘होचो ढोका’ सफू छगु ज्याझ्वः दथुइ पुलाम्ह उपप्रधानमन्त्री नाप प्रतिनिधि सभा सांसद टोपबहादुर रायमाझीं पितब्बज्या यानादीगु दु ।
उगु ज्याझ्वलय् शब्तादी पुरुष डा.सत्यमोहन जोशी, पशुपति क्षेत्र विकास कोषया पूर्व सदस्य सचिव डा गोविन्द टण्डन, पाटन उच्च अदालतया न्यायाधीश बासुदेव आचार्य, नागरिक दैनिकया प्रधान सम्पादक गुणराज लुइटेल, अभिनेता सुनिल थापा, अभिनेत्री ऋचा शर्मा, कलाकार कमल सौरागपिं पाँहा कथं झायादीगु खः ।
उगु पितब्बज्या जुगु सफुतिइ पशुपति क्षेत्र विकास कोषया पूर्व सदस्य सचिव डा गोविन्द टण्डन समालोचना यानादीगु खः ।
ख्वप नगरपालिकाया ग्वसालय् धाँ बाजं कासा
हसना लवजु, ख्वप | पोहेलाथ्व पारु ११३९ (जनवरी ७ २०१९)
ख्वपया दत्तात्रय देगः दुगु तचपाः त्वालय तःजिक धेधेंबल्ला जुगु खः । थुकिइ ख्वप नगरय् दुगु थीथी वडापाखें मुक्कं स्वीछगू पुचलं ब्वति काःगु खः ।
धेधेबल्लाय् नासः हैमा बाजा खलः न्हाप लाःगु खः । नृत्यनाथ दाफा भजन खलः ल्यू लाःगु खःसा एभरेष्ट ईङ्गिलस स्कूलया धाँ बाजं खलः लियाँल्यू लाःगु खः । अथेहे राइजिङ्ग कल्चर ग्रुप व आकाश भैरव नौ बाजा भजन गुठी ‘क’ पाखें सान्त्वना शिरपा त्याकेत ताःलाःगु खः ।
ज्याझ्वःया मू पाहाँ नेपाल मजदुर किसान पार्टीया नायः नारायणमान बिजुक्छेँ त्याःगु नापं ब्वति काःगु सकल पुचःयात शिरपा लःल्हानादीगु खः । न्हाप लाःगु पुचःयात शिरपा कथं स्वीद्वँतका ध्यबा नापं छगः धाँ बाजं व छज्वः छज्वः भुछ्या व सिछ्या लःल्हाःगु खः ।
अथेहे ल्यू लाःगु पुचःयात नीन्याद्वँतका ध्यबा नापं धाँ बाजं व भुछ्या लःल्हाःगु खःसा लियाँल्यू लाःगु पुचःयात नीद्वँतका ध्यबा नापं धाँ बाजं व सिछ्या लःल्हाःगु खः । सान्त्वना शिरपा त्याकूगु निगू पुचःयात म्हतिं झिद्वँ भिद्वँतका ध्यबा व धाँ बाजं लःल्हाःगु खः ।
नाप धेधेबल्लय् ब्वति काःगु दक्व पुचःयात प्रोत्साहन कथं छगः छगः धाँ बाजं शिरपा कथं लःल्हाःगु खः । ज्यझ्वलय् न्ववानादिसें मू पाहाँ बिजुक्छेँ ख्वपय् बाजागाजाय् तसकं हे सःपिं गुरुपिं दुगु धयादिसें ख्वपयात बाजागाजाया अथवा संगीतया विश्वविद्यालय दयेकेगु सम्भावना तकं दुगु न्ह्यथनादिल ।
ख्वपया नेवाःतय्सं परम्परागत शीप छ्यलेगु ज्यायात न्ह्याकाच्वंगु धयादिसें मेमेगु थासय् च्वँपिं सिबें नं ख्ववासीपिन्सं थःगु संस्कृतियात बाँलाक न्ह्याकाच्वंगु खँ नं वय्कलं तयादीगु खः । येँ यलय् व मेथाय् गननं देगः व सम्पदा दयेकेमाःसा पुरातत्व विभागं अज्वःगु ज्याया शीप दुपिं मनूत ख्वपय् माःवयेमालीगु धयादिसें बिजुक्छेँ गर्व यानादिल ।
झिम्ह बाजं गुरुपिन्सं थुगु धेधेंबल्लाया निर्णायक जुयामूल्यांकन यानादीगु खः । ज्याझ्वलय् न्ववानादिसें मूल्यांकन समितिया सदस्य विष्णु बहादुर मानन्धरं धार्मिक बोल नापं मनोरञ्नात्मक बोल दुगु अले थायेत यक्व मनूत माः धइगु मदुगुलिं युवा पुस्ता धाँ बाजंप्रति आकर्षित जुयावःगु खँ कनादिल ।
छुं नं कथंया धेधेंबल्ला जुइबले धाँ बाजं थाना थःगु पक्षया मनोबल अप्वकेगु व शत्रु पक्षया नुगलय् धाःसा ग्याचिकु व भ्रम ब्वलंकिगु धयादिसें थुगु बाजंया सांस्कृतिक पक्षयात कयाः न्ववानादीगु खः ।
ख्वप नगरपालिकाया वडा नम्बर ९ या नायः रबिन्द्र ज्याख्वं ज्यझ्वः न्ह्याकादीगु खः ।
किपाः –हसना लवजु, ख्वप
