Display Style:
Column Style
शंखधर साख्वाःप्रतिष्ठानय् चन्दनकृष्ण
बाबुकाजी श्रेष्ठ | थिंलागा नवमी ११३९ (दिसेम्वर ३१ २०१८)
राष्ट्रिय विभूति शंखधर साख्वाः प्रतिष्ठानया स्व क्वःगु तःमुँज्यापाखें चन्दनकृष्ण श्रेष्ठयात प्रतिष्ठानया नायः पदय् निर्विरोध कथं ल्यःगु दु ।
प्रतिष्ठानया नायः श्यामकृष्ण मानन्धरया सभाध्यक्षताय् जूगु उगु तःमुँज्याय् प्रदेश नं. ३या सभासद् डा. राजेन्द्रमान श्रेष्ठं उलेज्या यानादीगु खः । \
उगु मुँज्यापाखें छ्याञ्जे ज्ञानराम श्रेष्ठं वार्षिक प्रगति प्रतिवेदन व ज्याझ्वः अथे हे दांभरि ज्ञानकृष्ण श्रेष्ठं आर्थिक प्रतिवेदनलिसें अनुमानित बजेट न्ह्यब्वयादीगु खःसा उगु प्रतिवेदन व प्रस्तावयात सर्वसम्मतं पारित याःगु खः ।
उगु मुँज्यापाखें चन्दनकृष्ण श्रेष्ठ नायः, ज्ञानराम श्रेष्ठ न्वकू, ज्ञानकृष्ण श्रेष्ठ छ्याञ्जे, बाबुकाजी श्रेष्ठ ल्यू छ्याञ्जे व दांभरिइ सुरेश प्रधानयात जुयादीगु दुसा दुजलय् निर्मलकुमार भट्टराई, कृष्णलाल गोजा श्रेष्ठ, जगतकृष्ण श्रेष्ठ, दिलकृष्ण प्रजापति, अन्जनादेवी मधिकःमि, नरगोविन्द शंखदेव, अम्बिरकाजी श्रेष्ठ व दिनेश कोजुयात ल्यःगु खःसा बालगोपाल श्रेष्ठ व रामकेशरी श्रेष्ठयात दुजलय् मनोनित याःगु दु ।
मुँज्याय् मध्यपुर थिमि नगरपालिकाया उपप्रमुख अन्जनादेवी मधिकःमि, प्रतिष्ठानया संस्थापक नायः मदनकृष्ण श्रेष्ठ, मध्यपुर थिमि नगरपालिका ४या वडानायः कुमार श्रेष्ठ व गरीबी निवारण कोषया न्वकू निर्मकुमार भट्टराईं भिन्तुना न्वचु बियादीगु खः ।
ज्याझ्वः प्रतिष्ठानया ल्यूछ्याञ्जे बाबुकाजी श्रेष्ठं न्ह्याकादीगु खः ।
निक्वःगु नेपालभाषा साहित्य नखः क्वचाःल
लहनान्युज | थिंलागा अष्टमी ११३९ (दिसेम्वर ३० २०१८)
नेपालभाषा टाइम्सया ग्वसालय् निक्वःगु नेपालभाषा साहित्य नखःया छगु ज्याझ्वः दथुइ येँ महानगरपालिकाया मेयर विद्यासुन्दर शाक्य व यल महानगरपालिकाया मेयर चिरीबाबु महर्जनं मंकाः कथं उलेज्या यानादीगुु दु ।
रमेशकाजी स्थापितया सभापतित्वय् जूगु उगु ज्याझ्वलय् शताब्दी पुरुष सत्यमोहन जोशीं समालोचक इन्द्र मालीया ‘नेपालभाषाया यासुधुकू’ विमोचन न यानादीगु खःस जनकवि दुर्गालाल श्रेष्ठं भूषणप्रसाद श्रेष्ठया ‘१०१ छन्द व १०१ गजल’ व राजेन मानन्धरया उपन्यास ‘हलहल बुंगद्यः’या विमोचन जनकवि दुर्गालाल श्रेष्ठं यानादीगु खःसा । उगु कृतियात कयाः नेवाः न्ह्यलुवा लिसें उपन्यासकार मल्ल. के सुन्दरं समीक्षा यानादीगु खः ।
‘नेपालभाषाया मञ्चन कला’ विषयय् गोरखापत्र न्हिपौया पुलांम्ह प्रधान सम्पादक पुष्कर माथेमां सहजीकरण यानादीगु अन्तक्र्रियाय् ख्यालि जुजु मदनकृष्ण श्रेष्ठ, घिमिरे युवराज, कलाकार रामकृष्ण खड्गी व कलाकार हिसिला महर्जनपिंसं ब्वति कयादीगु खः ।
अथेहे मेगु अन्तक्र्रिया ज्याझ्वः ‘नेपालभाषा सफूया बजाः व्यवस्थापन’ विषयय् नेपालभाषा टाइम्सया सम्पादक सुरेश मानन्धरं सहजीकरण यानादीगु अन्तक्र्रयाय् कुतः पिकाकया विमल ताम्राकार, मण्डला बुक प्वाइन्टया माधवलाल महर्जन, बुक हिलया भूपेन्द्र खड्का व सफू प्रकाशनया सुभानी सिंहपिंसं ब्वति कयादीगु खः ।
उगु ज्याझ्वलय् २० म्ह साहित्यकारपिंसं थःपिनि रचना पाठ यानादीगु खः । ज्याझ्वःया लिपांगु ब्व कथं पद्मरत्न तुलाधरं च्वयादीगु अन्तिम ख्यालः ‘जातःगुरु’ सुरेश किरणं च्वयादीगु ‘ओम नमः शिवायः क्यनेगु ज्या नं जूगु खः । यलया भन्दाः क्यबय् जूगु उगु महोत्सवय् नेपालभाषाया सफू ब्वज्या लिसें नेवाः नसा ब्वज्या नं जूगु खः ।
न्ह्यम्ह तमु सञ्चाःकमि पत्रकारपि सम्मानित
नृपेन्द्रलाल श्रेष्ठ | थिंलागा षष्ठी ११३८ (दिसेम्वर २८ २०१८)
आदिबासी समुदायया हक अधिकार, भाषा संस्कृतिया उत्थानय् योगदान कदर यासें तमु (गुरुङ) सञ्चारकर्मी संघ, नेपालं न्ह्यम्ह आदिबासी पत्रकारपिन्त सम्मान याःगु दु ।
तमु (गुरुङ) ल्होसार २०७५ या ज्याझ्वलय् संघं पत्रकारयात सम्मान यानग् धका अध्यक्ष रविन गुरुङ धयादीगु खः ।
थौं सम्मानित जुयादीपिं पूर्व प्रधान सेनापति छत्रमानसिंह गुरुङ नाप कमला गुरुङ पत्रकारिता पुरस्कार पाखें राजबहादुर गुरुङ व गजुरधन राई सम्मानित जुयादीगु खः । उगु पुरस्कारया राशी म्हती २० द्धः नगद नाप हनापौ लःल्हानादीगु खः ।
सुश्री भद्रकुमारी घले पत्रकारिता पुरस्कार जुली गुरुङ, तमू आदिकवि हर्कबहादुर गुरुङ स्मृति पत्रकारिता पुरस्कार मिलन तमूयात १० द्धः नगद नाप हनापौ लः ल्हागु खः ।
अथेहे लक्ष्मी गुरुङ पत्रकारिता पुरस्कार असिफ गुरुङ, सीआई टेकबहादुर गुरुङ नाप रसकुमारी गुरुङ पत्रकारिता पुरस्कार आश गुरुङ व तमु पत्रकारिता पुरस्कार आनन्द गुरुङयात हनापौ नाप १० नगद लःल्हागु खः ।
पत्रकार डण्ड गुरुङया संयोजकत्वय् छनौट समितिया सिफारिसया आधारय् पत्रकारपिन्त थौं हने ज्या जुगु खः ।
सरुना व रियाया द इसेन्स ब्बज्या
नृपेन्द्रलाल श्रेष्ठ | थिंलागा षष्ठी ११३८ (दिसेम्वर २८ २०१८)
पाटन संग्राहलयय् लाईट व द इसेन्स नांया नीम्हेसीया एकल चित्रकला ब्बज्या जुगु दु ।
योङ् पिकासोया ग्वसालय् चित्रकार सरुनादेवी महर्जनया लाईट व रिया बज्राचार्यको द इसेन्स नाया नीम्हेसीयागु मंकाः एकल चित्रकला ब्बज्या जुगु खः ।
उगु ज्याझ्वःया उलेज्षा ललितपुर उद्योग बाणिज्य संघया अध्यक्ष कृष्णलाल महर्जनं छगु ज्याभ्वः दथुइ उलेज्या यानादीगु खः । मूपाँहा बाणिज्य संघका अध्यक्ष महर्जनं थःज्यागु ब्बज्यां कलाकार पिनिगि हौसला थःहा वइगु धका कनादीगु खः ।
उगु चित्रकला ब्बज्याय् सरुनादेवी महर्जनया लाईट नांया १४ गु चित्र दुथ्या । महर्जनया चित्रय् मिसा तयेगु संवेदनामा आधारित व मिसा पिनिगुु दुःखं संसार न्ह्यानाच्वंग थःगु चित्रं न्ह्यब्बयेगु प्रयास यानागु धकाः चित्रकार महर्जन लहनान्युजयात कनादीगु खः ।
अथेहे चित्रकार रिया बज्राचार्यया १४ गु चित्रय् जीवनया उमंग व उत्साह न्ह्यब्बयेगु दु धकाः लहनान्युजयात कनादीगु खः ।
उगु ज्याझुवलय् ग्वसाः खलः योङ् पिकासोया निर्देशक अजय देशारं न्हुगपि चित्रकार न्ह्यब्बयेगु हे थःपिनगु लक्ष्य खः धयादीगु खः । ब्बज्या आइतवाः तक जुइ ।
नरः देशय् नेवाःलिपि
नृपेन्द्रलाल श्रेष्ठ | थिंलागा द्धितीया ११३९ (दिसेम्वर २४ २०१८)
हनेबहःम्ह पुण्ण भन्तेया ग्वाहालिकथं नरः बुद्ध विहारया ग्वसालय् नेपालभाषा व नेपाललिपि स्यनेज्या वंगु ११३९थिंलाथ्वनवमिनिसें न्ह्यात ।
थुगु ज्याझ्वःया संयोजन नरेश डंगोल व उगु वडाया वडा दुजः मय्जु मीना सिं प्रजापतिं यानादीगु दुसा स्यनेकने ज्या बाखं च्वमि राजाशाक्यं यानादीगु दु ।
नेपाललिपि स्यनेज्या धुंकाः ‘भुजिंम्वः’ व ‘रञ्जनालिपि’ नं स्यनीगु खँधाःगु दु ।
