Display Style:
Column Style
सुगतरत्नयात हाकः पाकूगुलिं जागरण मञ्चपाखें घोर भत्सर्ना
लहनान्युज | पोहेलाथ्व पारु ११३ (जनवारी ६ २०१८)
नेपाल वायुसेवा निगमया महाप्रबन्धक सुगतरत्न कंसाकारयात हाकः पाकेगु ज्यायात कयाः नेवाः जागरण मञ्चं छगू प्रेस वक्तव्य सार्वजनिक यासें उगु ज्याखँयात कयाः थुज्वःगु ज्या क्वह्यंगु व घृणित ज्या जूगु खँ धाःगु दु ।
उगु वक्तव्यय् धयातःगु दु, ‘स्वनिगःया छम्ह आदिवासी नेवाः जुयाः देसया छम्ह कुशल प्रशासकया रुपय् थःत स्थापित यायेत ताःलाःम्ह नेपाल वायुसेवा निगमया महाप्रबन्धक सुगतरत्न कंसाकारयात वैद्य माओवादीया कार्यकर्ता्पिन्सं हाकः पाकेगु थुज्वःगु क्वह्यंगु व घृणित ज्यां यानाः नेपाःया आदिवासी जनजातिपिन्त अपहेलना व तिरस्कार यायेगु ज्या याःगु दु ।’
उगु वक्तव्यय् सुं नं मनू न्यायालयपाखें प्रमाणित मजुइकं दोषी ठहर जुइमखु धैगु विश्वन्यंकंया सार्वभौम मान्यता खः । थुगु मान्यतायात वांछ्वयाः थःपिन्त क्रान्तिकारी धाइपिन्सं संसदया सार्वजनिक लेखा समितिं नीस्वंगु उपसमितिया कार्यकर्ता कथं थःत न्ह्यब्वःगु स्वयं नं मछालेपुसे खँ जूगु धासें वक्तव्यय् थ्वया न्ह्यः नं सुगतरत्न कंसाकारयात भ्रष्टाचारया द्वपनय् फसे यायेगु षडयन्त्रयात कयाः नेवाः समुदायया हे सक्रियताय् असफल यानाब्यूगु व न्यायालयपाखें भ्रष्टाचार मजूगु ठहर याःगु खँ थु थाय् लुमंके बहः जू धकाः धयातःगु दु ।
वक्तव्यय् अन्तय् सुगतरत्न कंसाकारयात हाकः पाकेगु ज्या याःपिन्सं थुज्वःगु छुं हे खँयात ल्याः मतसे क्यंगु ज्यायात कयाः घोर भत्सर्ना यासें देसय् दूगु गुगु नं पक्षपाखें नेवाःतय्गु विरुद्ध जूगु अपहेलना व दमन नेवाःतय्गु नितिं सह्य जुइमखु धासें थ्व खँय् सकल नेवाःत जानाः विरोधया सः थ्वयेकेत नं इनाप यानातःगु दु ।
मोति पत्रकारिता सिरपाः लःल्हात
लहनान्युज | थिंलागा औंसी ११३९ (जनवरी ५ २०१९)
नेवाः प्रेस दबूया ग्वसालय् थौं छगु ज्याझ्वः दथुइ मोति पत्रकारिता सिरपाः लःल्हाःगु दु ।
दबूया नायः नरेन्द्र श्रेष्ठया सभाधक्ष्यताय् जुगु उगु ज्याझ्वलय् कुसुम बज्राचार्यं न्ह्याकादीगु खः ।
थौं जुगु उगु ज्याझ्वलय् यल क्षेत्र न. ३ या प्रतिनिधिया सांसद पम्फा भुसाल मूपाहाँ कथ झायादीगु खःसा सिरपाःदाता समाजसेवी मोति लाल शिल्पकारंं लसकुस यानादीगृु खः ।
उगु ज्याझ्वलय् ३ न प्रदेशसभाया सांसद शोभा शाक्य, नरेश ताम्राकार, तिर्थ मान शाक्य, ऋषि प्रसाद श्रेष्ठ, इश्वरी मैया श्रेष्ठ, कुमार रञ्जितपिसं थःथःगु नुगः खँ तयादीगु खः ।
पत्रकार कुमार रञ्जितयात मोति पत्रकारिता सिरपाः लःल्हासे १० द्वः तका दां लःल्हाःगु खःसा ईश्वरी मैया श्रेष्ठ, पुष्प चित्रकार, गणेश राम लाछि स्वम्हेसित नेपालभाषा ख्यलय् मदिक्क
सेवायाना वया च्वनादीगुलिं दोसल्लां नाप हनापौ लःल्हागु खः ।
पाहाँ कथं रामकृष्ण कर्माचार्य, विजयरत्न असंबरे, डा.पुष्प राज राजकर्णिकार, राजा शाक्य, जुजुकाजी रञ्जित, शान्त राज शाक्य, जुलुम चित्रकार, सुवर्ण केशरी चित्रकार लगायत थीथी
मिडियाया पत्रकारपिसं ब्वति कयादीगु खः ।
बुखँ नेवाः सूचना केन्द्र किपा नातिकाजी महर्जन
यल ३ न वडाय् फोहरमैला चेतना अभियान न्ह्याइगु
नृपेन्द्रलाल श्रेष्ठ | थिंलागा औंसी ११३९ (जनवरी ५ २०१९)
यल महानगरपालिका ३ न वडाय् कन्ह्यनिसें फोहरमैला चेतना ज्याझ्वः अभियान न्ह्याइगु जुगु दु । उगु ज्याझ्वः कथं प्लाष्टिक झोला छ्यला बुलाय् बन्द याये त्यःगु दु । थौं छगु पत्रकार सम्मेलनया थुगु खँया जानकारी बियादीगु खः ।
थःगु थाय् थःम्हेसिया हे सफा याये धइगु नारा ज्वना कन्ह्य छगु ज्याझ्वः दथुइ यल क्षेत्र न. ३ या सांसद पम्फा भुषाल उलेज्या यानादीगु ज्याझ्वः दु ।
यल मनपा वडा ३ या २५ गु संघ संस्थाया सक्रियताय् जुइगु उगु ज्याझ्वलय् कन्ह्य निसें ध्वगिइगु फोहर वांछ्यत वाःगु बाल्टिन व ध्वगिइगु फोहर वांछ्यत ह्यागु बाल्टिन वडाय् इनिगु ज्याझ्वः
दु ।
थुगु वडां याकन हे न्हुगु ज्याझ्वः कथं ३ नम्वर वडा गज्यागु जुइमा धइगु छगु ज्याझ्वः यायेत्यःग्ु दु । उगु योजना न्ह्यब्बम्हेसित २५ द्धः तका नगदया सिरपा न बिइगु दु ।
यलया ल्यायम्हपिनिगु सक्रियताय् सरसफाइ न्ह्यात
लहनान्युज | थिंलागा औंसी ११३९ (जनवरी ५ २०१९)
थौं यलया लायकू न्ह्यने महारानी पूखू पाखें यल महानगर पालिकाया वडा न.१६ ल्याम्हपि व रोट्राक्ट क्लब यलया मंकाः ग्वसालय् सूचुपिचू ज्याझ्वः याःगु दु ।
थौंया उगु ज्याझ्वलय् यल मनपा १६ वडाया बडा अधक्ष्य निर्मलरत्न शाक्यनाप स्थानिय पिन्स न ब्बति काःगु खः ।
नेवाः तयेगु सरोकारया बिषय अन्तरक्रिया
नृपेन्द्रलाल श्रेष्ठ | थिंलागा चतर्दशी ११३९ (जनवरी ४ २०१९)
हलि नेवाः दबू, नेपाः देय् मुकवःया ग्वसालय् थौं हलि नेवाः सहलह ज्याझ्वः कथं “स्वनिगःया नेवाः तय्त वैच्वंगु बिस्थापनया चुनौति” बिषय् छगु अन्तरक्रिया ज्याझ्वः जुगु दु ।
थौंया ज्याझ्वलय् थौं नेवाः तयेत वयाच्वंगु समस्या सतक बिस्तार, फास्टट्रायक, धरहराया सास्कृतिक अतिक्रमिण, चाबःहिया मसान, लगंख्यःया सप्तपातल व थँबहिया छाँयादेवि कम्प्लेसया विषय खँय् ल्ह्वःनेगु ज्या जुगु दु ।
दबूया नायः शाक्य सुरेन लसकुसयाना न्ह्याःगु उगु ज्याझ्वलय् वटुक भैरवया बिषयलय् पूर्ण स्थापित, चाबःहि मसानया बारे सचिन शाक्य, थँबहिया छाँयादेवि कम्प्लेसया बारे भागवत नरसिंह
प्रधान, धरहराया सास्कृतिक अतिक्रमिण यादवलाल कायस्थ नाप ख्वनाया बारे अशोक महर्जन खँ तयादीगु खः।
दबूया दुजः सुदय शिलाकार न्ह्याकादीगु उगु ज्याझ्वलय् अधिवक्ता जितेन्द्र बज्राचार्य न खँ तयादीगु खः।
