Display Style:
Column Style
ज्यापु संस्कृति विकास कोषया १७ क्वःगु दँ मुँज्या
लहनान्युज | थिंलाथ्व सप्तमी ११३९ (दिसेम्वर १४ २०१८)
ज्यापु संस्कृति विकास कोषया झीं न्ह्य्क्वःगु साधारण सभा क्चाःचागु दु ।
कोषया नायः मंगल कृष्ण सिंहया सभाधक्ष्यताय् जुगु उगु ज्याझ्वलय् दांभरिं निरज कुमार महर्जन ल्याःचाः व मूछ्यञ्जे रमेश महर्जनं प्रगति प्रतिवेदन न्ह्यःब्वयादीगु खः ।
थौं जुगु उगु ज्याझ्वलय्ं कोषया न्वकु सन्त महार्जनं लसकुस न्वचु बिया न्ह्याःगु खःसा कोषया मू दूजः सत्यनारायण डंगोलं आः कोषं नीस्वना वनेमाःगु प्यंगू समितिया बारे थःगु नुखः खँ तयादीगु खः ।
थुकथं हे सभाय् भिन्तुना न्वचु ज्यापु महागुथिया नायः लाकेकवि राजभाई जकःमि, तीर्थ नारायण महर्जन, प्रचण्ड बज्राचार्यपिन्सं बियादीगु खः ।
कोषया छ्याञ्जे धनबहादुर तिमिलां न्ह्याकादीगु दँ मुँज्याय् न्यतभलु अजिमाया मू धामि देवकृष्ण महर्जनया नं उपस्थिति दुगु खः ।
किपा सुगतरत्न सिन्दुराकार
कन्हय निसे स्वन्हुयंकं महानगर महोत्सव
नृपेन्द्रलाल श्रेष्ठ | थिंलाथ्व सप्तमी ११३९ (दिसेम्वर १४ २०१८)
येँ महानगरपालिकां कन्हय् महानगर दिवस हने त्यःगु दु । वि.सं. २०५२ साल मंसिर २९ गते तत्कालिन येँ नगरपालिकायात महानगरपालिका घोषणा याःगु न्हियात लुमंकाः महानगर दिवस हनेगु याना वयाच्वंगु खः ।
कन्हय् सुथय् बसन्तपुरय् जुइगु उगु ज्याझ्वलय् प्रधानमन्त्री केपी ओलीं महानगर दिवसया उलेज्या यानादी ।
म्हिगः महानगरपालिकाया ज्याकुथी जूगु पत्रकार सम्मेलन याना मेयर विद्यासुन्दर शाक्यं महानगर दिवस बारे जानकारी बियादीगु खः ।
कन्हय जुइगु उगु दिवसय् येँ देय्या न्हापांम्ह मेयर जनकमान श्रेष्ठयात हनेगु, उत्कृष्ट सामुदायिक व निजी स्कूलयात हनेगु, सुशासन पत्रकारिता पुरस्कार लःल्हायेगु, बाजं गुरुपिंत हनेगु ज्याझ्वः द ।
उगु दिवसया कन्हय निसे स्वन्हुयंकं महानगर महोत्सव नं याइगु जूगु दु । महोत्सवय् मरु, असं, वन्दे, किलागः, लगं आदि लागाय् नेवाः नसा ब्वज्या लिसें प्रदर्शन नं याइगु ग्वसाः दु ।
अथेहे बसन्तपूया दबुली ज्यापु महागुथि येँ जिल्लापाखें सांस्कृतिक ज्याझ्वः नं यायेत्यंगु दु ।
श्यामदास प्रजापतिया स्मृति ग्रन्थ पित ब्बज्या
लहनान्युज | थिंलाथ्व सप्तमी ११३९ (दिसेम्वर १४ २०१८)
पलिस्थाया ग्वसालय् थौं साहित्यकार श्यामदास प्रजापतिया बार्षिक पुण्य तिथिइ छगु ज्याझ्वः जुुगु दु ।
उगु ज्याझ्वलय् नांजाम्ह साहित्यकार डा योगेन्द्र प्रधानं साहित्यकार श्यामदास प्रजापतिया स्मृति ग्रन्थ पित ब्बज्या यानादीगु दु ।
पलिस्थाया नायः पूर्ण तामर्कारया सभाधक्ष्यताय् जुगु उगु ज्याझ्वलय् श्यामदासया म्ह्याय रश्मिला प्रजापती व काय सुरज प्रजापति पिन्सं नुगः खँ तयदीगु खः ।
थौं पित ब्बज्या जुगु उगु लुमन्ती सफु या सम्पादक पुर्न ताम्राकारं यानादीगु खःसा मूकं ३७ म्हसियाःगु च्वसु उगु स्मृति ग्रन्थय् दुथ्याका तःगु दु ।
सफूया पिकाक पलिस्थां याःगु खःसा पिथनाया नीति व्यवस्थापन धाःसा रत्नदेबी श्याम दास साहित्य गुथी याःगु खः ।
तःजिक २४ क्वःगु महानगर दिवस हनिगु
नृपेन्द्रलाल श्रेष्ठ | थिंलाथ्व षष्ठी ११३९ (दिसेम्वर १३ २०१८)
येँ महानगरपालिकां थौं छगु पत्रकार सम्मेलनयाना थ्वहे वइगु मंसीर २९ गते संञ्चवाः कुन्हु तःजिक २४ क्वःगु महानगर दिवस येँया बसन्तपुरया दमकल न्ह्यने सुथसिया ८ः३० ताः इलय् हने जानकारी बिइगु ज्या जुगु दु ।
येँया बसन्तपुरय् प्रधानमन्त्री केपी शर्मा ओलीया मूपाँहासुइ जुइगु उगु ज्याझ्वलय् बिशिष्ट पाँहा कथं प्रदेश न.३ या मुख्यमन्त्री डोरमणी पाण्डे व पाँहा कथं येँया झीगु क्षेत्रया प्रतिनिधि सभाया सांसद नाप प्रदेशसभाया सांसद पिनिगु उपस्थीति जुइ त्यःगु खः ।
उगु महानगर दिवसया लसताय् येँया न्हापाम्ह मेयर जनकमान श्रेष्ठयात सम्मान, उत्कृष्ट स्वंगु सामुदायीक ब्बःनेकुथियात सम्मान उत्कृष्ट करदाता सम्मान, कर्मचारी दीर्घ सेवा पदक लःल्हाइगु नाप न्यय् द्धः नगद राशी दुगु महानगरीय सुशासन पत्रकारीता सम्मान झीम्हेसित, येँया परम्परागत बाजं गुरुपिन्त सम्मान स्वरुप नीन्याद्धः तका नगद न लःल्हाइगु ज्याझ्वः तयातःगु दु धकाः थौ जुगु पत्रकार सम्मेलन पाखे येँमनपाया मेयर बिद्यासुन्दर शाक्यं जानकारी बियादीगु खः ।
थुगु महानगर दिवसया लसताय् ज्यापु महागुथि नेपाःपाखें बसन्तपुरय् सांस्कृतिक ज्याझ्वः नाप बसन्तपुरया दबुलि हनुमानढोका, टेगः, किलागः, असं, लगं, थहिति व ओण्डो त्वालय् नसाँ त्वसाँया पसः तयगु ग्वसाः दु ।
बि स २०५२ साल मंसीर २९ गते महानगर घोषण यागु स्मरणय् दँय् दँस महानगर दिवस हना वयाच्वंगु खः ।
येँमनपा “स्मार्ट सहरी प्रविधि प्रतिस्पर्धा – २०७५” ज्याझ्वःया जानकारी
नृपेन्द्रलाल श्रेष्ठ | थिंलाथ्व पंचमी ११३९ (दिसेम्वर १२ २०१८)
नेपालय् यक्को बेरोजगारी व थुकिया कारण ल्याम्हत विदेश पलायन जुइगु समस्यायात समाधान यायेगु न्हगु बिचाःया माध्यमपाखें प्रविधियुक्त उद्यमशीलता प्रवद्र्धन यायेर्दिगु शापाखे न्ह्यने वनेत न्हुगु ज्ञान, सीप व क्षमता दुपि उद्यमीयात व्यवसाय सञ्चालन यायेत प्रोत्साहन व प्रश्रय बिइत येँ महानगरपालिका मेयर बिद्यासुन्दर शाक्यं थौं छगु पत्रकार सम्मेलन जानकारी बियादीगु खः ।
उगु ज्याझुवलय् प्रविधिमैत्री व्यापारशैली अबलम्बन यासें येँ महानगरपालिकां स्वदेशय् हे च्वना उद्धमशीलता प्रबद्र्धन याये फइगु सामुहिक प्लेटफर्म विकास यायेगु उदेश्यं “हाम्रो काठमाडौं हामी बनाउँछौं” नारा बिया “स्मार्ट सहरी प्रविधि प्रतिस्पर्धा – २०७५” या ग्वसाः ग्वःगु खः ।
येँ महानगरपालिका सहरी योजना आयोगया सक्रियताय् जुइ त्यःगु थुगु प्रतिस्पर्धापाखे क्षमतावान वेरोजगार ल्याम्हपिन्त थःगु हे देशय् स्वरोजगारिया अवसर दइगु नाप स्वदेश व विदेशय् हाँसिल याःगु न्हुगु ज्ञान, सिप, प्रविधि एवं कला–कौशलयात थःगु हे देशय् छ्यले फइगु कथं थुगु ज्याझ्वः जुइ त्यःगु दु धकाः पत्रकार सम्मेलन पाखे जानकारी बिगु खः ।
थुगु प्रतिस्पर्धाय् समुदाय व वातावरण, सहरी पूर्वाधार विकास, महानगरीय सामुदायिक सेवा व महानगरपालिकाया सार्वजनिक प्रशासन तथा व्यवस्थापन याना मूख्य प्यंगु विषय दुथ्याइ ।
थुगु छनौट जुपि १०० प्रतिस्पर्धी पाखे ४ विषयया २४ गु प्रतिस्पर्धी समूहयार्त फाईनलय् छनौट याइ ।
उत्कृष्ट जुपि न्हुगु सोचपिन्त निम्नानुसार पुरस्कारया समेत व्यवस्था यानातगु दु । च्यालेन्ज विजेता ९समूहगत विजेता मध्ये छम्ह० – रु ५,००,००० विषयगत विजेताः– समुदाय तथा वातावरण – रु २,००,००० विषयगत विजेताः– सहरी पूर्वाधार – रु २,००,००० विषयगत विजेताः– महानगरीय सामुदायिक सेवा – रु २,००,००० विषयगत विजेताः– महानगरीय सार्वजनिक प्रशासन तथा ब्यवस्थापन – रु २,००,००० विषयगत उपविजेताः– समुदाय र वातावरण – रु १,००,००० विषयगत उपविजेताः– सहरी पूर्वाधार – रु १,००,००० विषयगत उपविजेताः– महानगरीय सामुदायिक सेवा – रु १,००,००० विषयगत उपविजेताः– महानगरीय सार्वजनिक प्रशासन तथा ब्यवस्थापन– रु १,००,०००
