लोकह्वाम्ह साहित्यकार लीलबहादुर क्षेत्री मन्त। सन् १९३३ मार्च १ य् भारतया गुवाहाटी टकौबारीइ अबु प्रेमबहादुर व मा पवित्राया सन्तान कथं बुम्ह क्षेत्री ९३ दँय् चान्ह्यः मदुगु खः।

विद्यालय इलय् हे साहित्य साधना यानादीम्ह क्षेत्रीया न्हापागु प्रकाशित चिनाखँ ‘शिवस्तुति’ १६ दँय् प्रकाशित जूगु खःसा न्हापागु उपन्यास ‘बसाइँ’ २४ दँय् सन् १९५७ य् प्रकाशित जुगु खः।

‘बसाइँ’ उपन्यास भारतं पिहावःगु उपन्यास खः। थुगु नेपाली आख्यान साहित्यय् दकलय् अप्पो ब्बःगु व लोकह्वाःगु नाप प्रकाशित उपन्यास खः।वयकलं ‘अतृप्त’, ‘ब्रह्मपुत्रको छेउछाउ’, ‘प्रतिध्वनिहरू विस्मृतिका’ लगायतया उपन्यास च्वयादीगु खः। ‘लीलबहादुर कथाहरू’ व ‘छरिएको बिस्कुन’ न च्वयादीगु दु।

ख्वपय् गाडी दुर्घटना जुगुलि च्याम्ह मनू घाःपाः जूगु दु।बिहीवाः थौ न्हिनय् सूर्यविनायक नगरपालिका–७ स्थित सुवर्णस्वरपाखे गुण्डुपाखे वनाच्वंगु बीएए ०८३४ नम्बरया स्कार्पियो दुर्घटना जूगु खः।

उगु गाडी च्वनावःपि सविन अछामी, कमल अछामी, सुबोध अछामी, विनोद खत्री, राजेश पोख्रेल, विवेक बस्नेत, रुपा पन्त व आशिष अछामीपि घाःपा जूगु खः।

उमित मध्यपुर थिमीस्थित मध्यपुर अस्पतालय् उपचार वासः जुयाच्वंगु दु धका ख्वपया प्रहरीं धाःगु दु। गाडी तसकं ब्बाका हःगुलि अनियन्त्रित जूया गाडी पल्टे जूगु धका प्रहरीं धाःगु दु।

स्वनिगलय् थौ होली नखःयात ध्यानय् तया सुरक्षा व्यवस्था कडा याःगु दु।

थौ सुथनिसे ट्राफिक जाँच अभियान न्ह्याकगु दु धका काठमाडौँ उपत्यका ट्राफिक प्रहरी कार्यालयया प्रमुख, प्रहरी वरिष्ठ उपरीक्षक विनोद घिमिरे धाःगु दु।वयकःया कथं थौ ट्राफिक कारबाही जूपिन्त न्हिच्छि तक सतकय् तया तइगु धका धयादीगु खः।

उकिया निति स्वनिगलय् १२० स्वया अप्पो थासय् जाँच यायेगु थाय् तया प्रहरी परिचालन याःगु दु। ट्राफिक प्रहरी व जनपथ प्रहरीपिन्स मंकाः कथं जाँच अभियान न्ह्याकूगु दु।

थौ होली स्वनिगलय् तःजिक हने ज्या जूगु दु। रंगया नखः होली नेपाःमि जक मखु विदेशी नागरिकपि न म्हितुगु दु।

थौ येँ, यल व ख्वपय् होली बसन्तपुर, ठमेलय् बिदेशीपि तक म्हितूगु दु। हथेहे कन्ह्यः तराई–मधेशया जिल्लाय् हनिइगु याइ।

किपुली च्वंगु त्रिभुवन विश्वविद्यालय (त्रिवि) केन्द्रीय क्याम्पसय् स्वतन्त्र विद्यार्थी युनियन (स्ववियु) निर्वाचनया नायः पदया निंतिं १७ म्हेसिया उम्मेदवारी ब्यूगु दु।

क्याम्पसं पिकाःगु अन्तिम उम्मेदवारया धलखय् अनेरास्ववियु, नेपाल विद्यार्थी सङ्घ, अनेरास्ववियु क्रान्तिकारी व स्वतन्त्र विद्यार्थी समूहलिसें स्वतन्त्र तय्सं नायः पदया निंतिं उम्मेदवारी ब्यूगु क्याम्पस निर्वाचन अधिकृत प्राडा कृष्णप्रसाद न्यौपानें कनादिगु दु।

वय्कःया कथं अनेरास्ववियुपाखें सिद्धान्त भट्ट, नेपाल विद्यार्थी सङ्घपाखें दीपकराज जोशी, अखिल (क्रान्तिकारी)पाखें प्रवीन दाहाल, स्वतन्त्र विद्यार्थी समूहपाखें दिनेश कार्की, नेपाल क्रान्तिकारी विद्यार्थी सङ्घपाखें विलम सुवाल, नेपाली विद्यार्थी मञ्चपाखें अक्कल रानाभाट, नयाँ शक्ति विद्यार्थी युनियनपाखें नरेन्द्र सिंह महरा, स्वतन्त्र विद्यार्थी (त्रिवि)पाखें उज्जल वहादुर खड्का, स्वतन्त्र कथं पद्मा भुसाल, सनम वली व दिप्रसन केसीलिसें तय्सं उम्मेदवारी दर्ता याःगु खः। त्रिवि केन्द्रीय क्याम्पसय् ६ हजार १ सय व ४६ म्ह मतदाता दु।

थौं सनिलया ४ ता इलय्तक उम्मेदवारतय्त दावी विरोध व लितकायेगु ई क्वःछिनातःगु नापं थौं हे सनिलया ७ ता इलय् उम्मेदवारया अन्तिम नां धलः पिकाइगु ज्याया धलः दु। त्रिविं स्ववियु निर्वाचनया प्रचार प्रसारया ई फागुन २९ गते न्हिेनिसया २ ता इलंनिसें चैत २ गते चान्हय् १२ ता इलय् तक क्वःछिनातःगु दु।

स्ववियु निर्वाचन थ्व हे वइगु चैत ५ गते त्रिवि अन्तर्गतया क्याम्पसय् जुइत्यंगु दु।