म्हिगः ६४ ल्याखं थहावःगु शेयर बजाः थौ भचा कुहावःगु दु। न्हिच्छियकं थहाकुहा जुगु शेयर बजाः परिसूचक नेप्से १२ बजे जूया ३८ मिनेटइ २ हजार ८ सय ५ विन्दुइ थ्यःगु खः।

बन्द जुगु इलय् नेप्से ५ दशमलव २९ ल्याखं कुहावया२ हजार ७ सय ५५ दशमलव ६२ विन्दुइ कुहावःगु खः। थौ फाइनान्स, होटल, लगानी, बीमा व म्युचल फन्ड बाहेक दक्को समूहया शेयर कुहावःगुलि व्यापार, उत्पादन, जलविद्युत् समूहया शेयर तसक कुहावःगु दु।

पिपुल्स हाइड्रोपावर कम्पनीया शेयर ९ प्रतिशत स्वया अप्पो कुहावःगु दु। समग्र बजाः कुहावसा खुगु कम्पनीया शेयर धाःसा झीगु प्रतिशतं कुहावःगु दु। थौ ३३२ गु कम्पनीया ५ करोड १३ लाख कित्ता शेयर २१ अर्ब ७१ करोड ३४ लाख तकाया कारोबार जूगु दु।

म्हिगः छन्हु हे २१ अर्ब ९१ करोड तका बराबरया शेयर कारोबार जूगु ऐतिहासिक रेकर्ड कायम जूगु खः।

नेकपा एमालेया स्थायी कमिटीइ निम्ह थपे याःगु दु। बिहीवाः च्वंगु सचिवालय बैठकं मुकुन्द न्यौपाने व लिला श्रेष्ठयात स्थायी कमिटी सदस्य मनोनीत याःगु दु।

न्यौपाने पुलाम्ह नेता खः। एकीकृत समाजवादीपाखे हाकन एमालेय् लिहावःगु खः। एमाले लिहावम्ह न्यौपानेनाप सिराहाया श्रेष्ठयात न स्थायी कमिटीइ हःगु खः।

श्रेष्ठयात मधेश प्रदेशय् इन्चार्ज न दयकूगु दु

नेकपा एमाले प्रदेश इन्चार्जपि हिलाबूला याःगु दु। बिहीवाः च्वंगु सचिवालय बैठकं सचिव निम्ह पद्मा अर्याल व लेखराज भट्ट बाहेक मेपि प्रदेश इन्चार्जपि हिगू दु।

पार्टी सचिव अर्याल लुम्बिनी व भट्ट सुदूरपश्चिम प्रदेश इन्चार्जय् याःगु खः।ल्यः दुगु प्रदेशय् न्हुपि इन्चार्जपि हःगु दु। कोशीया इन्चार्जय् शेरधन राई, मधेशय् लीलानाथ श्रेष्ठ, बागमतीइ राजन भट्टराई व कर्णालीइ गोरखबहादुर बोगटी प्रदेश इन्चार्ज याःगु दु।

थ्व स्वया न्ह्यः कोशीइ रघुवीर महासेठ, मधेशय् योगेश भट्टराई, बागमतीइ गुरुप्रसाद बराल व गण्डकीइ गोकर्ण विष्टपिन्त इन्चार्ज याःगु खः। बराल बढुवा जूया उपाध्यक्षय् मनोनित जूगुलि इन्चार्जपि जिम्मेवारीं चिइकूगु खः।

सचिवपि गोकर्ण, योगेश, रघुबीर व छबिलाल विश्वकर्मापिन्स धासा चुनाव त्याकूलि निगु जिम्मेवारी मकिइगु नीति कथं इन्चार्जं चिइकूगु धका छम्ह नेतां धाःगु दु।

नेकपा एमाले उपाध्यक्षय् गुरुप्रसाद बराल मनोनीत जूगु दु।

थौ च्वंगु होटल बसेराय् सचिवालयया बैठकं बरालयात उपाध्यक्षय् मनोनीत याःगु खः।

सुवास नेम्वाङ मदया खालि जूगु थासय् बरालयात मनोनीत याःगु खः।

सेयर बजाः थौ २८०० ल्याखं थहावंगु दु। बिहीवाः कारोबार जुयाच्वंगुलि आःतक नेप्से परिसूचक २८०२ ल्याखं थहावःगु दु।

आःतक ८ अर्ब ४४ करोडया कारोबार जुइ धुकुगु दु। १५८ कम्पनीया भाः थहावंगु दु सा ७८ कम्पनीया भाः कुहावःगु दु। अथेहे न्यागु कम्पनी स्थिर जूगु दु। बिहीवाः बीमा सेक्टरं बजाःया नेतृत्व याउगु दु।

जीवन बीमा समूह दकलय् अप्पा ५.८९ प्रतिशत थहावःगु दु। अथेहे लगानी समूह ४.२८ व निर्जीवन बीमा समूह ४.३१ प्रतिशत थहावंगु दु। हाइड्रोपावर समूह १ प्रतिशत क्वय् कुहावःगु दु।

सिटी होटल, कुथेली बुकरी स्मल हाइड्रोपावर, श्रीइन्भेस्टमेन्ट फाइनान्सया भाः १० प्रतिशत थहावःगु दु। कारोबार रकमया आधारय् हिमालयन रिइन्स्योरेन्स, एचआईडीसीएल, प्रोग्रेसिभ फाइनान्स, सीईडीबी हाइड्रोपावर व निफ्रा आःतक न्ह्यने खनेदुगु दु।