राष्ट्रपति रामचन्द्र पौडेलं छठ पर्व २०८१ य् थौ पूजा यानादीगु दु। राष्ट्रपति पौडेलं थौ गौरीघाट व कमलपूखुलि छठी माताया पूजा यानादीगु दु धका राष्ट्रपतिया स्वकीय सचिवालयं धाःगु दु।

राष्ट्रपति पौडेलं सूर्ययात अर्घ्यदान यानादीगु खः।राष्ट्रपति पौडेल सुरुइ पशुपति क्षेत्रस्थित गुह्वेश्वरी द्यःया थाय् बागमती खुसि सिथय् छठ पूजास्थल झायादीगु खः। अन वयकलं सुद्यःयात नाप छठी माताया पूजा यानादीसे अर्घ्यदान यानादीगु खः राष्ट्रपति पौडेलं गुहृेश्वरी व कमलपूखुली छठ पूजा आयोजक समितिया पदाधिकारी तय्स लसकुस याःगु खः।

दोलखाय् भुखाय् ब्बःगु दु।

बिहीवाः थौ बहनि ७ः५६ बजे दोलखाया ओराङय् ४.६ म्याग्निच्युडय् ब्बःगु दु धका राष्ट्रिय भूकम्प मापन लिसे अनुसन्धान केन्द्रं धाःगु दु।

लुँया भाः थौ प्यद्धः कुहावःगु दु।लुँ तोलां थौ प्यद्धः कुहावया १ लाख ६४ हजार ५ सय तका न कारोबार जुगु दु धका नेपाल सुनचाँदी व्यवसायी महासङ्घं धाःगु दु।

अथेहे, वहः तोलां न न्यय् न्यातका कुहावःगु दु।वहः तोलां न्यय् न्यातका कुहावया १ हजार ९ सय ६० तका न कारोबार जुयाच्वंगु दु धका महासङ्घं धाःगु दु।

थुगुसि स्वन्तिइ ५० करौड तकाया स्वाया ब्यापार जुगु दु धका फ्लोरिकल्चर एशोसिएसनया नायः दिलीप बादें धयादीगु दु। थुगुसि छमाः स्वाँमाःया सच्छि तक पुले माःगु खः।

बजाःया माग दँय्दसं १५ निसें २० प्रतिशततक अप्वःया वनाच्वंगु जुसां नं अप्वःयां अप्वः १० प्रतिशतजक स्वाँ ह्वयेके फयाच्वंगु दु। विशेषयाना स्वन्तिबलय् ग्वय्स्वाँ व गोदावरी स्वाँ स्वदेशी उत्पादनं हे गानाच्वंगु दुसां तफ्वःस्वां व ह्यांगु गुलाफ धाःसा भारतं हयेमाःगु बाध्यता दूगु खँ बादें धाःगु दु।

स्वनिगः नाप कास्की, चितवन, मकवानपुर, काभे्रपलाञ्चोक, गुल्मी, पाल्पा, धादिङ, मोरङ नापनापं मेगु ५२ गू जिल्लां स्वाँ ह्वयेका मिइगु याना वयाच्वंगु दु। व्यावसायिक कथं प्यसः व न्यय्गु प्रजातिया स्वाँ ह्वयेका च्वंगु वय्कलं कनादिल। स्वाँया बजाःपाखें ४४ द्वः सिबें अप्वस्यां लबः कयाच्वंगु दुसा निसः व २१ हेक्टरय् थ्यंमथ्यं झिंनिसः व्यवसायीपाखें स्वाँ ह्वयेका मीगु यानाच्वंगु दु।

थौ बुधवाः सेयर बजाःया परिसूचक नेप्से १.८८ ल्याखं कुहावःगु दु।थौ १२१ गु कम्पनीया भाः थहावंगुलि ११७ गु कम्पनीया भाः कुहावःगु दु सा खुगु कम्पनीया भाः स्थिर जुगु दु।

औसत तधःगु पूँजी जुगु कम्पनीया भाः घटे जुगु दु। थौ कारोबार रकम धाःसा छु भचा अप्पोगु दु।म्हिगः स्वया ४ अर्ब २० करोड कारोबार जुगुलि थौ ५ अर्ब २२ करोडया कारोवार जुगु खः।होटल व पर्यटन समूह ०.७५, बैंकिङ ०.१६, लगानी ०.३७, जीवन बीमा ०.१३, उत्पादन ०.२९, माइक्रोफाइनान्स ०.०९, निर्जीवन बीमा ०.८७ व मेमेगु समूह सूचक ०.१४ प्रतिशत घटे जुगु दु।

अथेहे म्युचुअल फन्ड १.०९, व्यापार ०.२९, हाइड्रोपावर ०.४६, फाइनान्स ०.७९ व विकास बैंक समूह ०.७३ प्रतिशत बढे जूगु दु। नारायणी डेभलपमेन्ट बैंक व बलेफी हाइड्रोपावरया भाः १० प्रतिशतं थहावःगु दु। पिपुल्स हाइड्रोपावरया ९.१, समृद्धि फाइनान्स ८.७, राप्ती हाइड्रोया ७.८ प्रतिशत थहावःगु दु।

कुथेली बुकरी स्मल हाइड्रोपावरया भाः दकलय् अप्पो ९.५ प्रतिशत घटे जूगु दु। नेपाल फाइनान्सया ८.२, समाज लघुवित्तया ६.२, युनाइटेड मोदीया ४.०३ व सुपरमादी हाइड्रोया ३.५ प्रतिशतं घटे जूगु दु। कारोबार रकमया आधारय् नेपाल फाइनान्स, पिपुल्स हाइड्रोपावर, समृद्धि फाइनान्स, सानिमा जीआईसी इन्स्योरेन्स न्ह्यने खने दुगु दु।