Display Style:
Column Style
ज्यापु दिवसया पाःब्बः लःल्हात
नृपेन्द्रलाल श्रेष्ठ | दिल्लागा पारु ११३९ (जुलाई १७ २०१९)
ज्यापु संस्कृति विकास कोषं गुरुपुन्हीया लसताय् छगु ज्याझ्वः यासे ६३ गू त्वाःया बाजं गुरुपिन्त हनेज्या याःगु दु ।
उगु ज्याझ्वलय् मूपाँहा कथं येँ महानगरपालिकाया मेयर विद्यासुन्दर शाक्य व बिशेषपाहाँ उपमेयर हरिप्रभा खड्गी श्रेष्ठ पाँहा ज्यापु महागुथि नेपाःया नायः राजभाई जकःमि, येँ महानगर समितिया कार्यबाहक नायः नानीहेरा महर्जन झायादिगु खः ।
उगु ज्याझ्वलय् झिंखुक्वःगु ज्यापु दिवस हनेगु निंतिं मू पाहाँ येँ महानगरपालिकाया मेयर विद्या सुन्दर शाक्यं गोफः त्वाः माकः गल्ली ज्यापु समाजयात ने.सं. ११४० या ज्यापु दिवस हनेगु पाःब्वः लःल्हानादिगु खः ।
ज्याझ्वलय् गोफः त्वाःया नायः गोविन्द महर्जनयात पाःब्वः लःल्हाना कयादिगु खःसा कोषया न्वकु सन्त महर्जनं ज्यापु दिवस हनेगु निंतिं छगू लाख तकाया चेक नं लःल्हानादिगुु खः ।
ज्याझ्वलय् थःगु खँ तयादीसें मेयर शाक्यं थगुने निसें महानगरपालिकां बाजंगुरुपिंत हनेज्या सुरु यानागु खँ कयादिसे थुगु ज्यां निरन्तर न्ह्याइगु खँ धका बचं न बियादिल ।
उगु ज्याझ्वः विकास कोषया न्वकु सन्त महर्जनंया सभाध्यक्षताय् जुगु खः ।
इन्टरनेटया भाः थौंनिसे अप्वोइगु
लहनान्युज | दिल्लागा पारु ११३९ (जुलाई १७ २०१९)
थौं साउन १ गते निसे इन्टरनेटय् शुल्क भाः थःकागु दु ।
सरकारं दूरसञ्चार सेवा शुल्क इन्टरनेट सेवा प्रदायकं साउन १ निसे ग्राहकपाखे हे कायेगु निर्णय यागुलि सर्वसाधारणं पुलेगु इन्टरनेटया भाः शुल्क १३ प्रतिशत थिके जुइगु दु ।
वःगु दँय् सरकार व इन्टरनेट सेवा प्रदायकं ग्राहक पुले माःगु इन्टरनेट भाः अप्वो मकायेगु सहमति याःगुलि इन्टरनेट सेवा प्रदायकं उगु भाः ग्राहकपाखे कायेगु नर्णय याःगु खः ।
क्षत्रपाति चिकित्सालय नवनिर्वाचित जुपिन्स थौं शपथ काल
नृपेन्द्रलाल श्रेष्ठ | दिल्लाथ्व पुन्हि ११३९ (जुलाई १६ २०१९)
क्षत्रपाति निःशुल्क चिकित्सालय (अस्पताल )या न्हूम्ह नायः डा. मनोजमान श्रेष्ठं नाप न्हु निर्वाचित जुयादि पिन्स थौं छगु ज्याझ्वः दथइ थःपिनगिु कार्यभार लःल्हाना काःगु दु ।
थौं छगु औपचारिक ज्याझ्वः यासे न्हुपि निर्वाचित जुयादिपिन्त शपथ ग्रहण ज्या जुगु खः ।
निर्वतमान नायः नापं समाजसेवी विजयबहादुर मालीं न्हूम्ह नायः श्रेष्ठयात गं व मुगः लःल्हानाः कार्यभार लःल्हाःगु खः ।
उगु ज्याझ्वलय् ज्याझ्वःया सभापति विजय मालीं न्हुपिन्त लसकुस नाप कार्यकाल सुथा लाक्क न्ह्याका फयेमा धका भिंतुना न बियादीगु खः । पुलांम्ह मूछ्याञ्जे जलकृष्ण श्रेष्ठं न्हूम्ह मूछ्याञ्जे
राजेन्द्रप्रसाद मानन्धरयात चिकित्सालयया माइन्यूट व पुलांम्ह दांभरी दिनकर मानसिंह प्रधानं आर्थिक नियमावली न्हूम्ह दांभरी सजन जोशीयात लःल्हानादिगु खः ।
उगु ज्याझ्वलय् पुलांम्ह न्वकू विद्यावन माली प्रधान व येँमनपा १७ या वडाध्यक्ष नवीन मानन्धरं न्हूपिं पदाधिकारीपिनिगु कार्यकाल सुथां लायेमाः धकाः कामना यासें भिंतुना देछानादीगु खः ।
उगु ज्याझ्वलय् न्हूम्ह नायः डा. श्रेष्ठं आ क्षत्रपाति चिकित्सालयय् नं ७५ दँया जेथाजेथिपिन्त छेय् छेँय् वना सेवा बिइगु धका घोषणा यानादिसे थःत त्याकादिगुलि सकल सित सुभाय् न बियादिगु खः ।
न्हुपि निर्वाचितपिन्स कन्ह्यनिसे थःपिननिगु ज्या शुर याइ ।
प्यंगू सफू पितब्वज्या व गुरु पुन्हि हन
लहनान्युज | दिल्लाथ्व पुन्हि ११३९ (जुलाई १६ २०१९)
गुरु पुन्हि व चैन लाकौलया बुदिंया लसताय् लुमन्ति दबूया ग्वसालय् नेपालभाषा केन्द्रीय विभागय् मंगलवाः प्यंगू सफू पितब्वज्या जूगु दु ।
उगु ज्याझ्वः विभागया प्रमुख प्राडा. ओमकारेश्वर श्रेष्ठया सभाध्यक्षताय् जुगु थगु ज्याझवलय् काशिनाथ तमोट, उपप्राध्यापक बज्रमुनि बज्राचार्य, उपप्राध्यापक राजन लाल जोशी, उपप्राध्यापक राजितबहादुर श्रेष्ठ, उपप्राध्यापक रवि शाक्य, शिक्षक जीवनकुमार महर्जन, लुमन्ति दबूया नायः किरण केन रञ्जित व सफूया च्वमिपिं छसिंकथं ‘खोपया ज्यापु कुनां’ रविन श्रेष्ठ, ‘तुंख्यःया बज्रवीर महाकालया सांस्कृतिक अध्ययन’ बिमलप्रभा बज्राचार्य, ‘लुँभुया महालक्ष्मी जात्रा’ रामबहादुर श्रेष्ठ व ‘निति सार संग्रह अभिलेख सम्पादन’ गोविन्दहरि श्रेष्ठपिन्सं मंकाःकथं पितब्वज्या यानादीगु खः ।
ज्याझ्वलय् प्राडा. श्रेष्ठं छुंनं ज्याया समीक्षा व समालोचना जुइमा धयादिलसा सफूया च्वमिपिंपाखें बिमलप्रभा बज्राचार्यं नुगःखँ तयादीगु खः ।
बुखँ–नेवाः सूचना केन्द्र
किपा–अमिर मैया रञ्जित
थौं चन्द्रग्रहण
लहनान्युज | दिल्लाथ्व पुन्हि ११३९ (जुलाई १६ २०१९)
थौं खण्डग्रस चन्द्रगहण चान्ह्यः एक बजे जुया ४६ मिनेट निसे सुरु जइ ।
उगु ग्रहण तीन बजे जुया पन्ध्र मिनेटय् मध्य जुया ४ बजे जुया ४५ मिनेट तक जुइ । थौं कुल अवधी निघौं व ५९ मिनेट तक चन्द्रग्रहण लगे जुइ ।
चन्द्र ग्रहणय् छु याये जु ज्युइ छु याये मज्यु ?
चन्द्र ग्रहण जइगु इलय् छु याये जु ज्युइ छु याये मज्यु धइगु ध्यान बिइमा । चन्द्रग्रहण जुइगु स्वा न्ह्य निसे अथे धइगु ४ बजे जुया ४६ मिनेट नयेगु निषेध यायेमाः ।
अथेहे द्यःया थाय् वनिगु व पूजापाठ याये मज्यु धइगु धार्मिक परम्परा दु ।
थुगु ग्रहण पाखे बा ंलाइगु प्यंगु राशी थुकथ दु
कर्कट : सुख प्राप्ति
तुला : श्री प्राप्ति
कुम्भ : लाभ
मीन : सुख
