Display Style:
Column Style
साझा बस न्यायेत सरकारं ध्यवा बिल
लहनान्युज | दिल्लागा दृतिया ११३९ (जुलाई १८ २०१९)
सरकारं स्वसःगः विद्युतीय बस न्यायेगु लागि साझा यातायातयात ३ अर्ब ध्यवा बिउगु दु ।
थौं बिहीवाः येँ छगु ज्याझ्वः दथुइ भौतिक पूर्वाधार तथा यातायातमन्त्री रघुवीर महासेठं उगु ध्यवाः लःल्हानादिगु खः।
थुगु बस वइगु असोज महिना दुने येँय् नाप देय् या थीथी थासय् विद्युतीय बस सञ्चालनय् हयेगु लक्ष्य तया तःगु खः ।
उगु ज्याझुवलय् साझा यातायातया अध्यक्ष कनकमणि दीक्षितं सरकारं बिउगु थुगु ध्यवा पारदर्शी ढंगं विद्युतीय बस न्याःना संचालनय् हयेगु प्रतिवद्धता क्यनादिगु खः ।
रुपन्देहीइ तिलोत्तमाय् बुद्ध मूर्ति तोडफोड
लहनान्युज | दिल्लागा दृतिया ११३९ (जुलाई १८ २०१९)
बुटवल बेलहिया सतकय् दथुइ तयातःगु बुद्धमूर्ति तोडफोड जुगु दु ।
६ लेनया सतक शंकरनगर चुकय् निसे नयाँमिल तक न्याम्ह बुद्धमूर्ति ज्या हे लगे मजुइक तोडफोड याःगु दु ।
उगु थासय् प्रहरी वना घटनाया अध्ययन अनुसन्धान सुरु याये धुकगु दु ।
तिलोत्त नगरपालिकां सतक बांलाकेगु लागि बुद्ध जन्म जुगु थाय् लुम्बिनीइ ६ लेनया सतकय् योगिकुटी निसे मंगलापुर तक स्वंसः मिटर दुने थाय् थासय् बुद्ध मूर्ति तया तःगु खः ।
लुम्बिनी भ्रमण वर्षया अवसर लाका वःगु वैशाख १ गते प्रदेश ५ सरकारया उद्योग, पर्यटन वन तथा वातावरण मन्त्री लिला गिरीें बुद्धमूर्ति अनावरण याःगुु खः ।
उगु बुद्ध मूर्ति स्थापना यायेगु लागि नगरपालिकां ५० लाखया बजेट छुटे याःगु खः । वःगु आर्थिक वर्षय् तक २३ लाख खर्च जुइ धुकुगु दुसा बाँकी चालु आर्थिक वर्षय् यायेगु नगरपालिकां लक्ष्य तया तःगु खः।
निद्धः न अप्वो कर्मचारीयात कारबाहीया लागि सिफारिस
लहनान्युज | दिल्लागा दृतिया ११३९ (जुलाई १८ २०१९)
सतर्कता केन्द्रं वःगु आर्थिक वर्षय् निद्धः व ५६५ म्ह कर्मचारीयात कारबाहीया लागि सिफारिस याःगु दु ।
केन्द्रं ईयात पालना मयाइपिं द्धःछि व ९६१ म्ह व तोके याःगु पोशाक मपुपिं ६०४ म्ह कर्मचारीयात कारबाहीया लागि सिफारिस केन्द्रं याःगुु दु ।
केन्द्रं वःगु आर्थिक दँय् ५२ जिल्लाय् ९८० गु ज्याकूलय् अनुगमन याःगु खः । अथेहे, ९४० गु ज्याकूलय् नागरिक वडापत्र मतःगु व गन तया मतःगु न खनेदुगु धका धाःगु खः ।
केन्द्रं आर्थिक दँ २०७४ व ७५ य् ५४ गु जिल्लाय् द्धःछि व १४० गु ज्याकूलय् अनुगमन याना ईयात पालना मयापिं द्धःछि व ७०३ म्ह व तोके याःगु वसः मपूपिं ६१४ म्ह कर्मचारीयात कारवाहीया लागि सिफारिस याःगु दु ।
यल महानगरपालिकापाखें आव २०७६/७७या नितिं बजेट पारित
लहना न्यूज | ने.सं. ११३९ दिल्लागा पारु (१७ जुलाइ, २०१९), बुधवाः
यल महानगरपालिकाया आर्थिक वर्ष २०७६/७७ या नितिं ५गू अर्ब ३१गू करोड ४३गू लख ५७द्वः तकाया बजेट पारित याःगु दु ।
महानगरया म्हिगः मंगलवाः च्वंगु प्यक्वःगु नगरसभापाखें पूर्वाधार, मूर्त व अमूर्त सम्पदा संरक्षण, हरियाली संरक्षणलिसेयात प्राथमिकताय् तयाः उगु बजेट पास याःगु खः ।
पूर्वाधार निर्माण व हरियाली प्रबद्र्धन प्राथमिकताय् तःगु महानगरपालिकाया प्रमुख चिरीबाबु महर्जनं धयादीगु दु । महानगरया हरेका वडायात विकास सूचांकया लिधंसाय् स्वंगू कथं वर्गिकरण यानाः बजेट फ्याःगु खः । गुकी मध्ये न्हापांगु वर्गय् लाःगु वडा ल्याः १, ६, ७, ८, १०, ११ व १९य् १गू करोड ६५गू लखतका बजेट विनियोजन याःगु दु । निगूगु वर्गय् लाःगु वडा ल्याः २, ३, ४, ५, ९, १३, १४, १५ व १७ य् २गू करोडतका व स्वंगूगु वर्गय् लाःगु वडा ल्याः १२, १६, १८, २०, २१, २२, २३, २४, २५, २६, २७, २८ व २९यात २गू करोड ७५गू लखतका बजेट फ्याःगु दु ।
महानगरया फुक्क वडाया विकास समान गतिइ मजूगुलिं वर्गीकरण यानाः विकास खर्च बजेट फ्यानागु महानगर प्रमुख महर्जनं धयादीगु दु ।
क्षत्रपाटी अस्पतालय् थौंनिसे डा.मनोजमानं ज्या न्ह्याकल
नृपेन्द्रलाल श्रेष्ठ | दिल्लागा पारु ११३९ (जुलाई १७ २०१९)
क्षत्रपाटी निःशुल्क अस्पतालया गुक्वःगु साधारण सभां निर्वाचित जुयादिपि न्हुगु कार्यसमितिं थौं न्हापांगु मुँज्या च्वंगु दु । वःगु जेष्ठ ३२ गते जुगु निर्वाचनय् डा.मनोजमान श्रेष्ठया नेत्वृतय् न्हुगु कार्यसमिति निर्वाचित जुगु खः ।
उगु कार्यसमितिइ उपाध्यक्ष कुमारदेव मानन्धर, महासचिव राजेन्द्रप्रसाद मानन्धर, सचिव हरि ॐ महर्जन, कोषाध्यक्ष सजनी जोशी व सहकोषाधक्ष्यय् कृष्णप्रसाद मानन्धर निर्वाचित जुयादिगु खः । अथेहे दुजलय् सुमनकृष्ण श्रेष्ठ, जुजुकाजी महर्जन, जगदीस माली, सुचेनमान माली व कपिल श्रेष्ठपिं निर्वाचित जुःगु खः ।
म्हिगः छगु ज्याझ्वःया दथुइ शपथग्रहण यासे दथुइ थःथपिनिथगु कार्यभार लःल्हाना कयादिगु खः ।
थौं न्हुम्ह नायः डा.मनोजमान श्रेष्ठया सभाध्यक्षताय् न्हगु कार्यसमितिया न्हापांगु मुँज्या च्वंगु दु । उगु कार्यसमितिं थौं निम्हेसित दुजलय् मनोनित याःगु दु ।
थौं जुुगु मुँज्या डा.प्रेमलकुमार जोशीयात क्षत्रपाटी निःशुल्क अस्पतालया न्हुम्ह मेडिकल डाइरेक्टय् नियुक्तिm याःगु दुुसा कार्यसमितिया न्हुपि दुजलय् सुरज श्रेष्ठ व जमुनादेवी मालीयात मनोनित याःगु खः ।
थौं हे क्षत्रपाटी निःशुल्क अस्पतालया न्हुम्ह नायः डा.मनोजमान श्रेष्ठं न्हुपि दुजःपिन्त शपथग्रहण याकुगु खः ।
