Display Style:
Column Style
विधेयकया विरोधय् जनप्रतिनिधिपि
नृपेन्द्रलाल श्रेष्ठ | बछलाथ्व नवमी ११३९ (जुन ११ २०१९)
परम्परागत ङत त्वाः, न्यतया ग्वसालय् सरकारं संघीय संसदमा दर्ता याःगु गुठी सम्बन्धी कानुन एकीकरण व संशोधन यायेत दयेकुगु विधेयकया विरोधय् छगु ज्याझ्वः जुगु दु ।
उगु ज्याझ्वलय् येँया क्षेत्र नम्बर ८ या सांसद जीवनराम श्रेष्ठ, क्षेत्र नम्बर ७ या रामवीर मानन्धर, क्षेत्र नम्बर ६ या भीमेनदास प्रधान, समाजवादी पार्टी नेपालया सहअध्यक्ष सांसद राजेन्द्र श्रेष्ठ नाप प्रदेश ३ या सांसद राजेश शाक्य व जीवन डंगोल गुठी सम्बन्धी संशोधन विधेयकय् थ थःगु बिचाः तयादिगु खः ।
उगु ज्याभ्वलय् थःगु बिचाः तयादिसे सांसद जीवनराम श्रेष्ठं गुठी विधेयक दुने थःत न षड्यन्त्र जुगु महसुस जु धयादिसे थुगु बिधेयकं किसान व मोहीया हितय् मदु धयादिगु खः ।
अथेहे समाजवादी पार्टीया सह अधक्ष्य राजेन्द्र श्रेष्ठं सदनपाखे जबरजस्ती विधेयक पारित यासा सतक संघर्षया बाहेक मेग्ु विकल्प मदु धयादिसे थुगु विधेयकं नेवाः तयेगु जकः मखुसे नेपाःया हे पहिचान व आस्थाय् प्रहार याःगु बिचाः तयादिगु खः।
पूर्व रक्षामन्त्रीनाप नेपाली कांग्रेसया सांसद भीमसेनदास प्रधानं सरकारं पेले याना विधेयक पासयात धासा थःपि सुकः मच्वनिगु धयादिसे देय् या संस्कृ ितबचे यायेगु निति थःपिन्स अन्तिम तक सर्घष यायेगु जुइ धका न धयादिल ।
अथेहे मेम्ह सांसद रामवीर मानन्धरं सरकारं विधेयक लित कायेगु बाहेक मेगु विकल्प मदु धका धयादिसे आतक प्रधानमन्त्री जुपि नेतापिं येँय् डेराय् हे हुर्के जुगु लिपा सत्ता कब्जा याना थनया संस्कार व संस्कृतिइ आक्रमण याःगु आरोप लगे यानादिसे थपिनिगु पुर्खा ल्यःका तःगु गुठी न्हका छ्येगु स्वल धासा थः सुकः च्वने जु मखु धयादिगु खः ।
उगुु ज्याझ्वलय् प्रदेश न ३ या सांसद राजेश शाक्यं सरकारं आ हःगु विधेयक गुठी व्यवस्थापन यायेगु मखुसे जग्गा हडेपे यायेगु विधेयक ख धयादिगु खः धयादिसे थःपि सत्तापक्ष जुसा विधेयकया विरुद्धय् सतकय् कुहा मवसा थःपिे जनप्रतिनिधि जुगुया छु हे अर्थ मदु धका धयादिल ।
गुथि विधेयकया विरुद्धय् असनय् बिरोध सभा
नृपेन्द्रलाल श्रेष्ठ | तछलाथ्व नवमी ११३९ (जुन ११ २०१९)
नेपाल कम्युनिष्ट पार्टी क्रान्तिकारी माओवादीया भ्रातृ संगठन नेवाः राष्ट्रिय मुक्ति मोर्चाया ग्वसालय् थौं मंगलवाः असनय् छगु बिरोध सभा याःगु दु ।
वःगु जेठ २६ गते आइतवाः येँया माइतीधर मण्डलाय् गुथि विधेयकया विरुद्धय् शान्तिपूर्ण धर्ना व विरोध ज्याझ्वलय् प्रहरी दमन याःगु विरोधय् व सरकारं हःगु गुथि ऐनयात कयाः उगु ज्याझ्वः जुगु खः ।
थौं जुगु उगु ज्याझ्वलय् देशभक्त जनगणतान्त्रिक मोर्चाया केन्द्रीय नायः सीपि गजुरेल, नेवाः राष्ट्रिय मुक्ति मोर्चा नायः पवनमान श्रेष्ठ व डा. ओम गुरुङ पिन्सं गुथि विधेयकं जनविरोधी ऐन दयेकेगु षडयन्त्र खः धका धयादिगु खः ।
मुक्ति मोर्चाया ग्वसालय् छगु जुलुस न याःगु खः । सभा लिपा संसदय् दर्ता जुगु विधेयक च्याकाः बिरोध याःगु खः ।
पत्रकार महासंघपाखें स्वंगूगु चरणया आन्दोलनया घोषणा
लहनान्युज | ने.सं. ११३९ तछलाथ्व नवमि (११ जुन, २०१९), मंगलवाः
नेपाल पत्रकार महांघपाखें सरकारं संसदय् दर्ता याःगु मिडिया काउन्सिल विधेयक लित कायेत माग यासें स्वंगूगु चरणया आन्दोलनया घोषणा याःगु दु ।
थौ मंगलवाः येँय् दुपिं केन्द्रीय दुजःपिनिगु मुँज्यां असार ३ गते निसें ३० गतेतक स्वंगूगु आन्दोलनया घोषणा याःगु खः ।
स्वंगूगु चरणया आन्दोलनय् प्रेस स्वतन्त्रताया पक्षय् ल्हाःचिं अभियाननिसें सिट्ठी जुलुस व सभा यायेगुतकया ज्याझ्वः दु ।
महासंघं असार ३गते प्रेस स्वतन्त्रताया पक्षय् ल्हाःचिं मुंकेगु, ६ गते उगु ल्हाःचिं जिल्ला प्रशासन ज्याकूपाखें प्रधानमन्त्रीयात छ्वयेगु, १० गते मिडिया काउन्सिल विधेयक विरुद्ध कार्टुन ब्वज्या यायेगु ज्याझ्वः घोषणा याःगु दु ।
अथे हे असार १५ गते फुक्क जिल्ला कचापाखें थःथःगु क्षेत्रपाखें निर्वाचित संघीय व प्रदेशसभाया सांसदपिन्त एसएमएस मार्फत सन्देश छ्वयाः ध्यानाकर्षण याकेगु, असार २० गते प्रेस स्वतन्त्रता सभा यायेगु, असार २५ गते न्हिनसिया १२ताः इलय् लालटिन जुलुस पिथनेगु व असार ३० गते देय्न्यंक सिट्ठी जुलुस व सभा यायेगु महासंघं न्ह्यथंगु दु ।
महासंघं प्रेस जगतया जायज माग न्ह्यब्वयाः आन्दोलन याःगु इलय् पत्रकार महासंघ व समग्र सञ्चार ख्यःयात सरकारं उपेक्षा याःगु धासें विरोध याःगु दु । मिडिया काउन्सिल विधेयकय् तयातःगु प्रावधानं सञ्चार क्षेत्रया नियमन यायेगु मजूसे नियन्त्रण यायेगु प्रष्ट जूगु धासें महासंघं थुकियात लित कयाः सरोकारवालालिसे सहलह यानाः समस्या ज्यंकेत इनाप याःगु दु ।
प्रेस स्वतन्त्रता विरोधी मिडिया काउन्सिल विधेयक लित मकाःतलय् अझ सशक्त आन्दोलन न्ह्याकाच्वनेगु नं महासंघं क्वःछ्यूगु दु ।
विनियोजन विधेयक २०७६ यात कयाः सहलह न्ह्यात
लहनान्युज | ने.सं. ११३९ तछलाथ्व नवमि (११ जुन, २०१९), मंगलवाः
प्रतिनिधि सभाय् विनियोजन विधेयक २०७६ अन्तर्गत थीथी मन्त्रालयया नितिं फ्याःगु शीर्षकयात कयाः सहलह शुरु जूगु दु ।
विनियोजन विधेयकया मन्त्रालयगत सहलहया न्हापांगु दिं थौं मंगलवाः युवा तथा खेलकूद शहरी विकास व अर्थ मन्त्रालयया नितिं विनियोजन याःगु धेबायात कयाः सहलह जूगु खः ।
उगु मन्त्रालयया नितिं विनियोजन याःगु बजेटयात कयाः थःथःगु धापू तयेगु झ्वलय् सांसदतसें कासाख्यःयात उपेक्षा याःगु द्वपं ब्यूगु दु । शीर्ष नेताया निर्वाचन क्षेत्रयात अप्वः बजेट फ्याःगु नं उमिसं द्वपं ब्यूगु दु ।
अथे हे बजेटयात व्यवस्थित यानाः विकास यायेगु स्वयां नं लाथेपाथे खर्च यायेकथ विनियोजन याःगु सांसदपिनिगु द्वपं खः ।
कन्हय् वन तथा वातावरण, महिला, बालबालिका तथा ज्येष्ठ नागरिक व कृषि तथा पशुपन्छी मन्त्रालयया नितिं विनियोजन याःगु शीर्षकयात कयाः सहलह जुइ ।
विनियोजन विधेयकलिसें आश्रित राष्ट्र ऋण म्हयेगु विधेयक व ऋण तथा जमानत नीस्वक्वःगु संशोधन विधेयक नं सरकारं वंगु विहिवाः हे मुँज्याय् टेबल यायेधुंकूगु दु ।
म्हिगः सोमवाःनिसें असार २ गतेतक विनियोजन विधेयकयात कयाः सहलह याकेगु व ३ निसें ६ गतेतक सम्बन्धित मन्त्रीं लिसः बीगु ज्याझ्वः संघीय संसद सचिवालयं क्वःछिनातःसां नं नेपाली कांग्रेसया संसदय् पंगः थनेवं म्हिगः सोमवाःया मुँज्या स्थगित जूगु खः ।
प्रतिनिधिसभाया मेगु मुँज्या कन्हय् बुधवाः सुथसिया ११ताः ईया नितिं सःतातःगु दु ।
विकासया आयोजनाय् अनुगमन
लहनान्युज | बछलाथ्व अष्टमी ११३९ ९जुन १० २०१९०
प्रदेश नं ३ या संसदीय समितिं प्रदेश मातहत सञ्चालन जुया च्वंगु विकासया आयोजनाया प्रगति विवरण संकलन यायेगु लागि टोली खटे याःगु दु । प्रदेशसभाया अर्थ नाप विकास समिति अन्तर्गतया योजना अनुगमन उपसमितिया टोलीं अनुगमन याः वःगु दु ।
उगु उपसमितिया संयोजक नारायण सिलवालया नेतृत्वय् धादिङ जिल्लाय् निर्माणाधीन प्यंगु योजना अनुगमन याःगु दु ।
अथेहे उगु टोलीं धादिङबेसीइ २ करोड ५७ लाख तकाया लागतय् निर्माणाधीन धोपलखोला ताः, २८ करोड लागतया धादिङबेसी–सङ्कोस–पिप्लिङ सतक, व ६० लाखया लागतय् दयेका च्वंगु निलकण्डा–१३ या सतक योजनायन अनुगमन याःवःगु खः। अनुगमनका झ्वलय् संसदीय टोलीं छु हे बाहानाय् निर्माण ज्या ढिला मयायेत निर्देशन न बिगु खः ।
उगु अनुगमन टोलीइ प्रदेश सांसदपिं डा। अजयक्रान्ति शाक्य, बिजुला बर्मा, शोभा शाक्य, आशामाया तामाङ व प्रदेशपाखे खटे जुपिं कर्मचारीपि न उगु ज्याय् वःगु खः ।
धादिङपाखे जिल्ला समन्वय समितिया उपप्रमुख बिन्दा बलामु, पूर्वाधार विकास कार्यालयया ईन्जिनियरपिं विजय बज्रचार्य, दीपकराज भट्ट व राजेन्द्र भण्डारीपिन्स अनुगमन याःगु खः न ।
