Display Style:
Column Style
हज कार्यसम्पादन उपसमितिका नायःलिसें १०म्हेसित भ्रष्टाचार मुद्दा दायर
लहनान्युज | ने.सं. ११३९ तछलाथ्व दशमि (१२ जुन २०१९), बुधवाः
हज कार्यसम्पादन उपसमितिका नायः मोहम्मद शोएबलिसें १०म्ह विरुद्द अख्तियार दुरुपयोग अनुसन्धान आयोगं भ्रष्टाचार मुद्दा दायर याःगु दु ।
२०७४ सालय् नेपाःपाखें साउदी अरबय् हज यायेत वनीपिं हजयात्रीया नितिं हवाई टिकट खरिद प्रकृयाय् भ्रष्टाचार याःगु ठहरलिसें आयोगं वय्कःपिनि विरुद्ध थौं बुधवाः विशेष अदालतय् आरोपपत्र दायर याःगु खः ।
हज कार्यसम्पादन उपसमितिया दुजः अताबुल अन्सारी, मोहम्मद ईब्राहिम राइन, मोहम्मद जबारदिन मियाँ, जमिला मियाँ, मोमिना बानु मुस्लिम, मजिबुल शेष, हज समिति सचिवालयया सदस्य–सचिव भीमराज पोखरेल, लेखापाल तिलकराज पन्त व हिना ट्राभल्स एण्ड टुर्स प्रालिया दाउद हुसैनयात नं आयोगं विपक्ष दयेकूगु दु ।
मिलमतोय् उमिसं म्हो जक अंक कबोल यायेगु हिना ट्राभल्स एण्ड टुर्सया बोलपत्र स्वीकृत यानाः ३८गू लखतका भ्रष्टाचारया आयोगं दायर याःगु अभियोगपत्रय् न्ह्यथनातःगु दु । १०म्ह विरुद्ध आयोगं म्हतिं ३८गू लखतका विगो माग याःगु दु ।
गुठीया विधेयकया विरुद्धय् सर्घष यायेत कमिति निस्वन
लहनान्युज | बछलाथ्व दशमी ११३९ (जुन १२ २०१९)
संसदय् दर्ता जुइ त्यःगु गुथि विधेयकया विरुद्धय् सर्घष यायेगु लागि छगु कमिति निस्वने ज्या जुगु दु ।
उगु कमितिइ ल्यायम्हपिं न्ह्यलुवाःत मूनाः राष्ट्रिय पहिचान संयुक्त सर्घष समिति निंस्वगु खःसा उकि संयोेजक कथं गणपतिलाल श्रेष्ठयात ल्यःगु दु ।
थौं थीथी लागाया ल्यायम्ह न्ह्यलुपि च्वनाः याःगु छगू मुज्यां समितिया संयोजकय् गणपतिलाल श्रेष्ठयात संयोजक ल्यंगु दु ।
अथेहे कन्ह्य सुथय् ८ः३० वजे यंगालय् छगु मुँज्या याना थी थी कवः निस्वना सर्घषया ज्याझ्वः न क्वछिइ धका सर्घष समितिया कजि गणपतिलाल श्रेष्ठ लहनान्युजयात कनादिगु दु ।
सर्घष समितिया कजि श्रेष्ठं थौं बुधवाः येँया जुद्ध शालिकं ५ बजे मैनवति व मोवाइल च्याका बिधेयकया बिरुद्ध जुलुस याये त्यःगु दु ।
उगु ज्याझ्वः आः झीगु अधिकारया लागि झी दने माल धका सन्देशया लागि थौंया ज्याझ्वः जुइ त्यःगु खः धका समितिया कजि श्रेष्ठं धयादिगु खः ।
गुठी बिधेयकया बिरुद्ध नेपालभाषा मंकाः खलःपाखे इनाप
लहनान्युज | बछलाथ्व दशमी ११३९ (जुन १२ २०१९)
गुठी बिधेयकया बिरुद्ध नेपालभाषा मंकाः खलःपाखें विरोधय् छगु बिज्ञप्ती पिकाःगु दु ।
खलःया नायः जनकवि दुर्गालाल श्रेष्ठं ल्हाःचिं तया पिथंगु उगु विज्ञप्तिइ नेवाः तयेत थःगु हे आदिभूमिपाखें विस्थापित यायेगु व थुमिगु कला संस्कृति व सम्पदा ल्यनाच्वंगु म्हसीकायात हांनिसें वांछ्वयेगु कथं सरकारं हःगु गुथि सम्बन्धी विधेयकयात खलःपाखें घोर विरोध यानागु खँ न्ह्यथनातःगु दु ।
अथेहे, स्थानीय जनतां माइतीघर मण्डलाय् याःगु विरोध प्रर्दशनय् प्रहरीं हस्तक्षेपया नं भत्सर्ना याःगु दु ।
उगु वक्तव्यय् नेवाः जातिविरुद्ध ल्ह्वनाहःगु थुगु षडयन्त्रविरुद्ध ल्वायेत एकीकृत शक्ति आवश्यकता जूगु धासें नेवाः जातिलिसे थीथी कथंया आन्दोलन व अभियानया सक्रिय जुयाच्वंगु
समिति, फुक्क जातिया गुथि, जातीय खलः पुचः, भाषिक संघसंस्था छथाय् च्वनाः न्ह्यायेमाःगु थौंया आवश्यकता जूगु खँ नं न्ह्यथनातःगु दु ।
प्राधिकरणया नामं गुठी नियन्त्रण काये त्यःगु :नेता सिंह
लहनान्युज | बछलाथ्व दशमी ११३९ (जुन १२ २०१९)
प्रमुख प्रतिपक्षी दल नेपाली कांग्रेसया सांसद प्रकाशमान सिंहं सरकारं नेपाःया सस्कृति स्यकिगु कथ गुठी विधेयक हये त्यःगु धका धयादिगु दु ।
प्रतिनिधिसभा संसदय् थौं बुधवाः सांसद सिंहं गुठीया बिधेयक सरकारं खराब नियत थुगु विधेयक हःगु धका आरोप बियादिगु खः ।
वयकलं गुठी विधेयक सूया लागि वःगु नाप थुकिइ सरोकारवाला नाप छाये छलफल मयाःगु धकाः न न्ह्यसः तयादिगु खः।
सरकारं गुठी प्राधिकरणया नामं गुठीयात नियन्त्रण काये त्यःगु आरोप बियादिल ।
लोकसेवाया विज्ञापन प्रधानमन्त्री वयेका निर्णय याये : प्रचण्ड
लहनान्युज | बछलाथ्व दशमी ११३९ (जुन १२ २०१९)
सत्तारुढ नेपाल कम्युनिस्ट पार्टी (नेकपा)या अध्यक्ष पुष्पकमल दाहाल प्रचण्डं लोकसेवा आयोगया विज्ञापनबारे प्रधानमन्त्री लिहा वये धुका जक निर्णय यायेगु जुइ धका धयादिगु दु ।
सञ्चारकःमिपिं लिसे खँ ल्हानादिसे वयकलं समितिया निर्देशनयाःगु अध्ययन याये धुुका सकारात्मक लिच्वः वइगु धका धयादिगु दुसा सरकारं विधेयक हयेगु लागि बालक्क तयारी मगागु न स्वीकार यानादिगु दु ।
अथेहे वयकलं मिडिया काउन्सिल विधेयक, गुठी विधेयक लगायत माःगु हिइका यकिगु न धयादिगु खः ।
