Display Style:
Column Style
राष्ट्रियसभाय् एमाले व माओवादीयन बहुमत
लहनान्युज | सिल्लागा सप्तमी ११३८ (फ्रेअवरी ७ २०१८ं)
थौं जुगु राष्ट्रियसभाय् एमाले व माओवादी केन्द्रया वाम गठबन्धनं बहुमतं त्याकुगु दु ।
थौं जुगु ३२ मध्यय् २९ सिटय् वंगु लिच्वः आ तकः वःगु दु । २४ दुजःपि न्हापाय् हे निर्विरोध निर्वाचित जुइ धुकुगु खः ।
आतक त्यापिं ५३ सिट मध्य् वाम गठबन्धनं ३६ सिट त्याकुगु दु । गुकिइ एमालेें २५ सिट, माओवादीं ११ सिट त्याकुगु दु ।
अथेहे कांग्रेसं १३ सिट त्याकुगु दु सा राजपा व संघीय समाजवादी फोरमं निगु निगु सिट त्याकुगु दु ।
छत्रपाटी चिकित्सालय ६१ क्वःगु बुदिं हन
नृपेन्द्रलाल श्रेष्ठ | सिल्लागा षष्ठी ११३८ (फ्रेअवरी ६ २०१८)
छत्रपाटी निःशुल्क चिकित्सालय थौं छगु ज्याझ्वः दथुइ ६१ क्वःगु बुदिं हःगु दु । छःगु ज्याझ्वः दथुइ मूपाँहा रक्षामन्त्री भिमसेनदास प्रधानं त्वाः देवाय् मत च्याका उलेज्या यानादीगु खः ।
मूपाँहा रक्षामन्त्री प्रधानं थःपिनिगु सरकारं स्वास्थ्य ख्यलय् न्हापांगु थाय् बिया ज्या यानागु कनादील ।
मुटु ल्वय, जलास्येँ ल्वय दु पिन्त तक थःपिनिगु सरकार भत्ता बियेगु खँ न न्ह्यथना दील ।
चिकित्सालयया नायः बिजयबहादुर मालीया सभाधक्ष्यय् जुगु थुगु ज्याझ्वलय् ससफोया सह अध्यक्ष राजेन्द्र श्रेष्ठ, एमालेया प्रदेशसभाया सांसद बसन्त मानन्धर, येँ मनपा १७ या वडा अध्यक्ष नबिन मानन्धर, चिकित्सालय न्वकु बिद्या बनमाली व छ्याञ्जे जलकृष्ण श्रेष्ठ न थःथःगु नुँगः खः तयादीगु खः ।
थुगु चिकित्सालय वा, मिसा ल्वय्, मचा, हाड जोर्नी व नशा, मिखा, चर्म व छ्यगु, न्ह्याय् न्ह्यापं व गपः व मुटु ल्वय् या उपचार याना वया च्वंगु दु ।
चिकित्सालयं २०७३÷७४ य् सुथंयया ओपिडिइ ७२,८१४, बहनि २७५७६ व ५१० म्हसित अपे्रशन यायेत ताःलागु नाप १३८० म्हसित सितिक वास यागु दु सा ४५३ म्ह ल्वगि तयेत १,४९,७४३ वास तक सितिक बिगु खः ।
बि स २०१३ सालय् निस्वंगु थुगु चिकित्सालय आतक १००९०० म्ह ल्वगि तयेगु सेवा याये धुकुगु दु ।
निःशुल्क मिखा शिविर व मिखादान ज्याझ्वः
नृपेन्द्रलाल श्रेष्ठ | सिल्लागा पंचमी ११३८ (फ्रेअवरी ३० २०१८)
ताम्रकार समाजया स्वास्थ्य उपसमितिया ग्वसालय् निःशुल्क मिखाया शिविर व मिखादान ज्याझ्वः जुल । नेपाल आँखा अस्पतालया सहकार्यस जूगु उगु ज्याझ्वलय् थ्यंमथ्यं निसःम्ह स्थानीयबासीपिनिगु मिखाया परीक्षण याय्गु ज्या जूगु खः । अथेहे उगु शिविरपाखें झिंस्वम्ह मोतियाविन्दुया समस्या दुगु नं पहिचान जूगु खः ।
ज्याझ्वलय् नेपाल आँखा अस्पतालया डा. इन्दु प्रसाद ढुङ्गेल, ताम्रकार समाजया नायः रविन्द्र ताम्रकार, आँखा दान समाजया नायः जगन्नाथ महर्जनं शिविर व मिखादानयात कयाः न्ववानादीगु खः । ज्याझ्वलय् पीम्हेस्यां मिखादान याःगु खः ।
अथे हे थ्व स्वयां न्ह्यः जूगु मिखादान सम्बन्धि अभिमुखीकरण ज्याझ्वलय् समाजया नायः रविन्द्रराज ताम्रकार, आँखादान समाजया मूछ्याञ्जे साधुराम महर्जन, समाजसेवी मोतिशान्ति शाक्य, उपसमितिया संयोजक मिला ताम्रकार, दुजः रिद्धि ताम्रकारपिन्सं मिखादानया आवश्यकता व महत्वयात कयाः न्ववानादीगु खः ।
उगु ज्याझ्वलय् नेपाल आँखा बैंकपाखें ऐजन राजभण्डारीं मिखादानया डकुमेन्ट्री न्ह्यब्वयादीगु खः ।
‘पत्रकारया मिखाय् लोक संगीत’ सांगितिक ज्याझ्वः
लहनान्युज | सिल्लागा चौथि ११३८ (फ्रेअवरी ४ २०१८)
मध्यपुर थिमि नगरपालिका, सिक्किम नेवाः गुथि, संस्कृति सम्वर्दनको लागि युवा नेपालया मंकाः ग्वसालय् थौं थिमिया यचु पार्टी भेन्यूइ ‘पत्रकारया मिखाय् लोक संगीत’ विषयक ब्वज्या नापं सांगितिक ज्याझ्वः जूगु दु ।
थीथी इलय् झी जःलाखःला देय् भारतया सिक्किम राज्यय् वनाः लांलां तक्क च्वना नेवाः तजिलजि दुनेया भाय्, लिपि, बाजं, प्याखं, नसाँ त्वंसा, संस्कार आदिया बारे स्यनेकने यानाः झायादीपिं भाजु मय्जुपिं व संगीत ख्यःया थीथी हस्तिपिन्त हनेगु ज्या जूगु खः ।
उगु ज्याझ्वलय् मूपाहाँ कथं सत्यमोहन जोशी झायादीगु खःसा विशेष पाहाँ कथं सिक्किम नेवाः गुथिया नायः दिल कुमार प्रधान व मध्यपुर थिमिया मेयर मदन सुन्दर श्रेष्ठ झायादीगु खः ।
उगु ज्याझ्वलय् विभिन्न इलय् सिक्किमय् वनाः थीथी विधा स्यनाबियादीपिं चिनिया शाक्य, सुभाषराम प्रजापति, सन्त प्रजापति, कृष्ण बहादुर प्रजापति, विष्णुबहादुर प्रजापति, निलकृष्ण प्रजापति, बालमुकुन्द प्रजापति उल रत्न मानन्धर, शर्मिला महर्जन, शरद कसाः, जुजुमान महर्जन, अनिल स्थापित, बुद्धलक्ष्मी महर्जन, रत्नकेशरी प्रजापति, बिद्याकेशरी प्रजापति, समिर प्रजापति, नविना दुवाल, बाबुराजा राजोपाध्याय, गणेशराम लाछि, लक्ष्मण गमाल, मेनुका ताम्राकार, शिव कुमार श्रेष्ठपिन्त हंगु खः ।
अथेहे संगीत ख्यःया राम कृष्ण दुवाल, रामेश श्रेष्ठ, मनराजा नकःमि, पवित्र कसाःपिन्त नं दोसल्लां न्ययेका हंगु खः ।
ज्याझ्वलय् रत्नशोभा महर्जन, पवित्र कसाः, सरिता शाही, रामकृष्ण दुवाल, रामेश श्रेष्ठपिसं लोकंह्वागु थीथी म्येत हालाः न्यंकादीगु खः ।
सन्तोष प्रजापतिया सभाधक्ष्य जुगु उगु ज्याझ्वलय् शरद कसाः व गणेश राम लाछिं न्ह्याकादीगुु खः ।
बुखँ नेवाः सुचना केन्द्र
किपा राजेन्द्र रञ्जित
प्रेस चौतारीया नीदँ बुदिं हन
लहनान्युज | सिल्लागा चौथि ११३८ (फ्रेअवरी ४ २०१८)
प्रेस चौतारीया नीदँ दुगु लसताय् थौं छगु बिषेश ज्याझ्वः दथुइ मूपाँहा नेकपा एमालेया न्वकु बामदेव गौतम त्वाः देवाय् मत च्याका ज्याझ्वःया उलेज्या यानादीगु दु ।
उगु ज्याझ्वलय् बांलापि पत्रकार पिन्त मूपाँहा नेकपा एमालेया न्वकु बामदेव गौतमं सिरपा न लःल्हानादीगु खः ।
उगु ज्याझ्वलय् नेकपा माओवादीया प्रवक्ता पम्फा भुषाल, योगेश भट्टरइ नाप नेपाल पत्रकार महासंघया नायः गोबिन्द आचार्यया न उपस्थिति दुगु खः
