वटु बासुरी खलकं थःपिनिगु संस्कृति म्हसिकेगु निति न्हुगु पुस्तायात सीप हस्तान्तरण यायेगु कथं बासुरी प्रशिक्षण न्ह्याकूगु दु।

येँया २२ वडाय् वटु त्वालं श्री नाथेश्वर छुट गुथि व वटु बासुरी खलः समाजं बासुरी प्रशिक्षण ज्याझ्वः याःगु खः। थ्व हे वइगु यःमरी पुन्हीया लसताय् जुइगु मंसिर ३० गते ज्यापू दिवसया तयारी यायेगु कथं बासुरी प्रशिक्षण जुगु खः।

वटु बासुरी खलःया अध्यक्ष सञ्जिव महर्जनं बिउगु प्रशिक्षणय् नीन्याम्हसित प्रशिक्षण बिउगु खः।

यल महानगरपालिका १६ वडाया व्यवस्थापनय् आः याकन हे चान्हय् नं थःत यःगु व थयात माःगु सामान न्यायेमिइ दइ कथं रात्रीकालिन बजाः चायेकेगु ग्वसाः जुया च्वंगु खँ यल महानगरपालिका वडा नं १६ या वडाध्यक्ष निर्मलरत्न शाक्यं कनादीगु दु।

यलया वडां नं १६ या ग्वसालय् मिस्तयेत आत्म निर्भर व स्वरोजगार या आज्जु ज्वना गर्जियस फेशन टेक्नोलोजि इन्स्टिच्युट (गिफ्ट) पाखें ख्वीन्हु यंक्कया बुटिक कोर्ष ट्रेनिङया समापन ज्याझ्वलय् अथे धयादीगु खः। गिफ्टया प्रशिक्षक कलाकार शोभा महर्जनं उगु ज्याझ्वलय् यल वडा १६ या नीम्ह मिस्तयसं ब्वति कयादीगु खः।

समापन ज्याझ्वलय् प्रशिक्षार्थी पाखें विणा शाक्य, सुनयना शाक्य व त्रिशला राजभण्डारी पिन्सं प्रशिक्षण ज्याझ्वः पाखें थःम्हेसिनं सयेकागु व यानागु अनुभव न्यंकादिसे थज्यागु तालिम पाखें शिप विकास जूगु जक मखसे आत्मविश्वास नं बढे जूगु खँ कनादिगु खः। ज्याझ्वलय् विशेष पाहाँ कथं बरिष्ठ सिनेपत्रकार विजयरत्न असंबरें यलय् वडा १६ लगायत मेमेगु वडापाखें जुया च्वंगु भौतिक विकासया नापनापं सामाजिक, सांस्कृतिक विकास या ज्या न्ह्या रोजगार मुलक ज्याय् तिबः बिया च्वंगु खँ या तारीफ यासे मेमेगु थायया वडापाखें नं थजागु ज्या न्ह्याके माःगु खँय् बः बियादिल।

अथेहेतुं बुटिक एशोसियसनया संस्थापक अध्यक्ष उज्ज्वल कृष्ण श्रेष्ठं बुटिक फेशनया शिप धइगु जीवनय् सदां ज्या वइगु शिप खः धका धयादिल। वडा १६ या वडा सदस्य मिसा उप समितिया कजि बबिता श्रेष्ठया सभाध्यक्षताय् न्ह्याःगु उगु समापन ज्याझ्वलय् वयकलं मिस्त धइपिं आः न्हापा थें छेँज्याय् जक लिकुना च्वनिपिं मखये धुंकल धका धासे सामाजिक व पारिवारिक समृद्दिया ज्याय् धिसिलागु पलाः ल्ह्वनिपिं जुइ धुंकल धयादिल।

स्वनिगःया आदिवासी ब्रम्हूकथं म्हसीका दुपिं द्यःब्रह्मू राजोपाध्यायतय् कुसा संगठन राजोपाध्याय समाजय् हाकनं छक्वः संजय शर्मा राजोपाध्यायं नेतृत्व याइगु जूगु दु । वंगु शनिबाः ख्वपय् जूगु समाजया प्यक्वःगु तःमुंज्यां नृत्य कलाकारलिसें नृत्य निर्देशक राजोपाध्याययात निक्वःगु खुसी नायः ल्यःगु खः ।

नायः पदय् निर्विरोध निर्वाचित जूगु घोषणा जुइधुंकाः सभाय् न्ववासें राजोपाध्यायं आधुनिक प्रविधियात नं आत्मसाथ यासें समाजया धर्म, संस्कृति, परम्पराया संरक्षण, सम्वर्द्धन व प्रवर्द्धनय् न्ह्यज्यायेगु धयादिल ।

‘झीगु मौलिक धर्म, संस्कृति, परम्परा ल्यंकेगु खःसा न्हूगु पुस्ताय् हस्तान्तरण जुइमाल । प्रविधिइ अभ्यस्त ल्याय्म्ह पुस्तायात आकर्षित यायेत झीगु धर्म, परम्परायात नं प्रविधिलिसे स्वानायंकेमाः ।’ समाजया नवनिर्वाचित नायः राजोपाध्यायं धयादिल ।

व्यक्तिगत वा पारिवारिक भावना स्वयां समाजया भावनायात प्राथमिकतातय् तसें सकलें छधी जुयाः समाजया उत्थानय् जायेत राजोपाध्यायं इनाप यानादिल ।

अधिवेशनं निर्विरोध निर्वाचित याःगु १३ दुजःया कार्य समितिया निम्ह न्वकुलिइ रचना शर्मा राजोपाध्याय व संचारकर्मी बिराजकाजी राजोपाध्याय दु ।

मू छ्यान्जेया भाला बन्दना शर्मा राजोपाध्यायं चूलाकूगु दुसा छ्यान्जे पदय् बिजय शर्मा राजोपाध्याय चयन जुल । दां भरिं व ल्यू दांभरिंया भाला छसिकथं उद्धव आचार्य राजोपाध्याय व चेतनादेवी शर्मा राजोपाध्याययात वंगु दु ।

कार्य समितिया खुम्ह दुजलय् बिरु सुवेदी राजोपाध्याय, किशोर शर्मा राजोपाध्याय, महेशबाबु शर्मा राजोपाध्याय, त्रिलोचन राजोपाध्याय, श्रीमणिराज शर्मा राजोपाध्याय र गिरिश शर्मा राजोपाध्याय दु । निम्ह दुजः कार्य समितिं मनोनित याइगु धाःगु दु ।

थ्वयां न्ह्यः अधिवेशनया उद्घाटन सत्रय् प्रा।डा। पुरुषोत्तम लोचन श्रेष्ठ, नेपाल प्रज्ञा प्रतिष्ठानया प्राज्ञ अगिब बनेपाली, यल नेवाः समाजया नायः विनोद ताम्रकार, ज्योतिषाचार्य बीरेन्द्र प्रसाद कायस्थं नेवाः समाजया सनातन धर्म संस्कृति परम्पराया संरक्षण यायेत राजोपाध्याय समाजया भूमिका महत्वपूर्ण जुइगु खँय् बः ब्यूसें थःथःगु नुगःखँ तयादीगु खः ।

व्याकरणाचार्य गजानन्द राजोपाध्यायं नेवाः समाजया सनातन धर्म परम्पराया दर्शन, ईतिहास बांलाक थुइकेत व ल्यंकेत संस्कृत अध्यनय यायेमाःगु बिचाः तयादिल ।

राजोपाध्याय समाजया निवर्तमान नायः अमरराज शर्मा राजोपाध्याय व संस्थापक नायः बदन ज्वालानन्द राजोपाध्याय, रचना शर्मा राजोपाध्यायं समाजया उत्थान यायेत सकलें संगठित जुइ आवश्यक दुगु धासें सकल राजोपाध्यायतय्त संस्थाय् आवद्ध जुयाः नापनापं न्ह्याःवनेत इनाप यानादिल ।

उगु हे ज्याझ्वलय् वंगु २०७८ श्रावणनिसें २०७९ असारतक येँ, यल, ख्वपय् स्वथासं जूगु ज्याम्ह द्यःब्रह्मूतय्पाखें पञ्चाभिषेक रुद्री पाठ ज्याझ्वः, २०७९ श्रावणय् जूगु अयुताहुती यज्ञ ज्याझ्वलय् ग्वाहालि याःपिं ग्वाहालिमि, २०७८ व २०७९ सालया एस.ई.ई. परीक्षाय् ताःलाःपिं राजोपाध्याय विद्यार्थीतयत सम्मान याःगु खः ।

समाजं ग्वसाः ग्वःगु म्ये कासा ‘गायन प्रतिभाको खोजी’ या त्याकामितयत सिरपाः नं उगु हे ज्याझ्वलय् लःल्हाःगु खः । अथेहे, समाजया येँ जिल्ला समन्वय समितिं न्ह्याकूगु संस्कृत कक्षाया प्रशिक्षार्थीतयत दसिपौ नं लःल्हाःगु खः ।

ज्याझ्वलय् समाजं प्रकाशन याःगुलिसें थीथी सफूया ब्वज्यालिसें मीगु ज्या नं जूगु खः ।

राजोपाध्याय समाजय् हाकनं छक्वः संजय शर्मा राजोपाध्यायं नेतृत्व याःगु दु। वंगु शनिबाः ख्वपय् जूगु समाजया प्यक्वःगु तःमुंज्यां नृत्य कलाकारलिसें नृत्य निर्देशक राजोपाध्याययात निक्वःगु खुसी नायः ल्यःगु खः।

अथेहे अधिवेशनं निर्विरोध निर्वाचित याःगु १३ दुजःया कार्य समितिया निम्ह न्वकुलिइ रचना शर्मा राजोपाध्याय व संचारकर्मी बिराजकाजी राजोपाध्याय दु। म्यू छ्यान्जेया भाला बन्दना शर्मा राजोपाध्यायं चूलाकूगु दुसा छ्यान्जे पदय् बिजय शर्मा राजोपाध्याय चयन जुल। दां भरिं व ल्यू दांभरिंया भाला छसिकथं उद्धव आचार्य राजोपाध्याय व चेतनादेवी शर्मा राजोपाध्याययात वंगु दु।

कार्य समितिया खुम्ह दुजलय् बिरु सुवेदी राजोपाध्याय, किशोर शर्मा राजोपाध्याय, महेशबाबु शर्मा राजोपाध्याय, त्रिलोचन राजोपाध्याय, श्रीमणिराज शर्मा राजोपाध्याय र गिरिश शर्मा राजोपाध्याय दु। निम्ह दुजः कार्य समितिं मनोनित याइगु समाजं न्ह्यथंगु दु।

अधिवेशनया उद्घाटन सत्रय् प्रा.डा. पुरुषोत्तम लोचन श्रेष्ठ, नेपाल प्रज्ञा प्रतिष्ठानया प्राज्ञ अगिब बनेपाली, यल नेवाः समाजया नायः विनोद ताम्रकार, ज्योतिषाचार्य बीरेन्द्र प्रसाद कायस्थं नेवाः समाजया सनातन धर्म संस्कृति परम्पराया संरक्षण यायेत राजोपाध्याय समाजया भूमिका महत्वपूर्ण जुइगु खँय् बः ब्यूसें थःथःगु नुगः खँ तयादीगु खः। राजोपाध्याय समाजया निवर्तमान नायः अमरराज शर्मा राजोपाध्याय व संस्थापक नायः बदन ज्वालानन्द राजोपाध्यायं समाजया उत्थान यायेत सकलें संगठित जुइ आवश्यक दुगु धासें सकल राजोपाध्यायतय्त संस्थाय् आवद्ध जुयाः नापनापं न्ह्याःवनेत इनाप यानादिल।

उगु हे ज्याझ्वलय् वंगु २०७८ श्रावणनिसें २०७९ असारतक येँ, यल, ख्वपय् स्वथासं जूगु ज्याम्ह द्यःब्रह्मूतय्पाखें पञ्चाभिषेक रुद्री पाठ ज्याझ्वः, २०७९ श्रावणय् जूगु अयुताहुती यज्ञ ज्याझ्वलय् ग्वाहालि याःपिं ग्वाहालिमि, २०७८ व २०७९ सालया एस.ई.ई. परीक्षा ताःलाःपिं राजोपाध्याय विद्यार्थीतय्त सम्मान याःगु खःसा समाजं ग्वसाः ग्वःगु म्ये कासा ‘गायन प्रतिभाको खोजी’ या त्याकामितय्त सिरपाः नं लःल्हाःगु खः।

अथेहे, समाजया येँ जिल्ला समन्वय समितिं न्ह्याकूगु संस्कृत कक्षाया प्रशिक्षार्थीतय्त दसिपौ नं लःल्हाःगु खः। ज्याझ्वलय् समाजं प्रकाशन याःगुलिसें थीथी सफूया ब्वज्यालिसें मीगु ज्या नं जूगु खः।

निर्वाचन आयोगया आयुक्तय् कृष्णमान प्रधान सिफारिस जूगु दु। थौ आइतवाः च्वंगु संवैधानिक परिषदया बैठकं प्रधानयात आयुक्त सिफारिस यागु दु धका परिषदया सदस्य उपसभामुख इन्दिरा रानां धाःगु दु।

सुशासन व निर्वाचन पद्धतिया बारय् विज्ञता हासिल यानादीम्ह वयकः २४ दँनिसे निरन्तर नेपाल कानुन समाजया कार्यकारी निर्देशक जुयादी।

त्रिभुवन विश्वविद्यालयबाट राजनीतिशास्त्रय् स्नातकोत्तर यानादीम्ह वयकः नागरिक समाजया आन्दोलन व थीथी अभियानय् सक्रिय जुयादीम्ह खः