प्रेस काउन्सिल नेपालं थौ ५५ क्वःगु वर्षिकोत्सव राष्ट्रपति कार्यालय तःजिक ज्याझ्वः याःगु दु।

राष्ट्रपति रामचन्द्र पौडलया मूपाहाँसुइ व बिशेष पाहाँ कथं संचार व सुचना प्रबिधि मन्त्री पृथ्बी सुब्बा गुरुङ्ख झायादीगु खःसा प्रेस काउन्सिलया अध्यक्ष बालकृष्ण बस्नेतया सभाध्यक्षताय् जूगु खः।

उगु ज्याझ्वलय् भाषागत सिरपा लहना वाःपौया प्रकाशक व प्रधान सम्पादक नृपेन्द्रलाल श्रेष्ठयात बिशेष पाहाँ कथं संचार व सुचना प्रबिधि मन्त्री पृथ्बी सुब्बा गुरुङ्खं हनापौ व चेक प्रेस काउन्सिलया अध्यक्ष बालकृष्ण बस्नेतं लःल्हागु खः।

थौ राष्ट्रपति पौडलं काउन्सिलया पूर्वसदस्य रघुजी पन्त, दीपेन्द्र चौहान, नवलकिशोर यादव, प्रतीक प्रधान व तेजप्रकाश पण्डितयात हनापौ लःल्हानादीगु खः। अथेहे काउन्सिलउा पूर्व सदस्य–सचिव रघुराम विष्ट, अग्रज पत्रकारपि ज्ञान उदास, देवेन्द्र चुँडाल, केदारबाबु तिवारी, चित्राङग थापा, बलदेब अवस्थी, खगेन्द्र खत्री, हरिबिनोद अधिकारी, उषा लोहनी, खुर्शिद आलम, विष्णुप्रसाद सुवेदी, बोधराज त्रिपाठी, बालकुमार नेपाल, प्रमोदकुमार सिंह (दाहाल), ईश्वरी वाग्ले, जन्मदेव जैसी, ईश्वरीप्रसाद काफ्लेयात हंगु खः।

अथेहे प्रेस काउन्सिल गोपालदास पत्रकारिता सिरपा अखण्ड भण्डारी व नेपाल प्रेस इन्स्टिच्यूटयात लःल्हागु खः। प्रेस काउन्सिल सुरेन्द्रबहादुर बस्नेत पत्रकारिता सिरपा बद्री सिग्देल, प्रेस काउन्सिल आचारसंहिता सिरपा रातोपाटी डटकमयात लःल्हागु खः।

थौ बैंकिङ समूह अप्पो थहावःगुलि सेयर बजाः निगुगु ल्याखं थहावंगु दु। नेप्से परिसूचक थौ ११.५८ ख्याखं थहावना २५८८ कायम जूगु दु।

बजाः थहावंसा कारोबार रकम छु भचा म्हो जूगु दु। वंगु दिं ५ अर्ब ६६ करोडया कारोबार जूगुलि थौ ५ अर्ब ९ करोड जक जूगु दु। बजाः चाःगु न्यागू मिनेटय् नेप्से २६४२ ल्याः थ्यःगु खः।

अथेहे न्हिनय् २ बजे लिपा २५७० थ्यःगु खः। वया लिपा बजाः भचा सुधार जूगु खः। १३८ गु कम्पनीया भाः थहावःगुलि ९४ गु कम्पनीया भाः कुहावःगु दु सा १२ गु कम्पनी स्थिर जूगु दु। बैंकिङय् दकलय् अप्पो १.०१ प्रतिशत थहावःगु दु। बजाः पूँजीकरणया आधारय् थुगु समूह दकलय् अप्पो शक्तिशाली जूगु दु सा समग्र परिसूचकयात हे यक्को प्रभाव याउगु दु।

विकास बैंक ०.६६, हाइड्रोपावर ०.३१, लगानी ०.६२, जीवन बीमा ०.२४, निर्जीवन बीमा ०.४७, मेमेगु ०.४१ व व्यापार ०.०७ प्रतिशत थहावःगु दु। माइक्रोफाइनान्स ०.१८, उत्पादन ०.१९, होटल व पर्यटन ०.६१ व फाइनान्स समूह ०.१७ प्रतिशत कुहावःगु दु। इस्टर्न हाइड्रोपावर, आत्मनिर्भर लघुवित्त व अपर स्याङ्गे हाइड्रोपावरया भाः १० प्रतिशत थहावःगु दु।

सयपत्रि हाइड्रोपावरया ८.३, स्टान्डर्ड चार्टड बैंक ३.९७, मध्यभोटेकोशी ३.८ प्रतिशत भाः थहावःगु दु। रावा इनर्जीया भाः ८.६ प्रतिशत कुहावःगु दु सा स्वरोजगार लघुवित्तया भाः ७.४ व साहस ऊर्जाया ४.२ प्रतिशतं कुहावःगु दु।

कारोबार रकमया आधारय् सीईडीबी हाइड्रोपावर, एनएलजी इन्स्योरेन्स, हिमालयन रिइन्स्योरेन्स, नेपाल फाइनान्स व एनआरएन इन्फ्रास्ट्रक्चर न्ह्यने खने  दु।

येँ महानगरपालिकाय् जूगु दु। महालेखाया लिपागु लेखापरीक्षण प्रतिवेदन २०७९÷२०८० या कथं दकलय् अप्पो येँ महानगरय् बेरुजु खने दुगु खः।

येँ महानगरपालिकाय् दच्छिया दुने बेरुजु २५ करोड ७० लाख ३४ हजार खने दुगु दु। बेरुजु अप्पो जुगुलि यक्को पेश्की काइगु व इलय् बुझे मयाये, कर्मचारीया खर्चय् अनियमितता जुगु, प्रक्रिया पुमवकुसे खर्च यायेगु, लेखा उत्तरदायी अधिकृत व जिम्मेवार मनू न हे आर्थिक कार्यविधि ऐन, २०५५ व आर्थिक कार्यविधि नियमावली, २०६४ कथं निर्धारित कार्यविधि व प्रक्रिया पूमवकूसे खर्च यायेगु, लेखापरीक्षण मयाकेगु, लेखा उत्तरदायी अधिकृतपाखे इलय् हे नियमित अनुगमन नाप निरीक्षण मयायेगु, प्रचलित आर्थिक ऐन, नियम व प्रशासनिक निर्णयय् अस्पष्ट व निगु अर्थ लगे जुइगु कथं जुगुलि।

लेखा उत्तरदायी अधिकृत व जिम्मेवार अधिकृतं बेरुजु घटे यायेगुलि प्राथमिकता मबिउगुलि, दक्को निकाय न महालेखापरीक्षकं क्वछिना तःगु ढाँचां लेखा मतःगु, जनताप्रतिया गैरजिम्मेवारीपन व मूल्य मान्यताया बेवास्ता व आर्थिक व्यवस्थापन याइगु निकाय न खर्चय् यः यःथे याइगुलि बेरुजु अप्पो खने दुगु खः।

येँ महानगरपालिका

येँ महानगरपालिकाय् आर्थिक दँ २०७९/२०८० या महालेखा याःगु प्रतिवेदन कथं २५ करोड ७० लाख ३४ हजार रुपियाँ बेरुजु खने दुगु दु। येँ महानगरपालिकां अन्तरसरकारी अख्तियारी, आन्तरिक आय व विविध कोषलगायतया वित्तीय विवरण महालेखापरीक्षकपाखे स्वीकृत नेपाल सार्वजनिक क्षेत्र लेखामानया ढाँचां बालाक्क छ्यला तयार मयागु कारणं बेरुजु खने दुगु खः। महानगरपालिकां वंगु दँय् तक २ अर्ब ७३ करोड ७७ लाख ५० हजार रुपियाँ बेरुजु ल्यः दुगु खः। आःतक महानगरपालिकाया अद्यावधिक बेरुजु २ अर्ब ९९ करोड ४७ लाख ८४ हजार रुपियाँ दु।

येँं जिल्लाय् दुने पालिकाया दच्छि दुनेया बेरुजु

येँ महानगरपालिका –२५,७०,३३,५४५.५३

गोकर्णेश्वर नगरपालिका –१२,२५,२९,११९.२९

बूढानीलकण्ठ नगरपालिका – ७,१८,०६,३९४.२१

कागेश्वरी मनोहरा– ६,३१,८६,६३७

दक्षिणकाली नगरपालिका –६,२१,२३,४६६

चन्द्रागिरि नगरपालिका –५,०३,६०,८४६

टोखा नगरपालिका – ४,२२,८०,६३९.७७

किपू नगरपालिका –३,६१,१५,२२९.२५

तारकेश्वर नगरपालिका –२,३५,४०,३२५.७९

शंखरापुर नगरपालिका– २,१६,६३,३७५

नागार्जुन नगरपालिका– १९,२१,९४८

लुँया भाः न थौ हाकन न्हुगु रेकर्ड तःगू दु।थौ लुँया भाः न आःतक हे दकलय् अप्पो थ्यना तोलां १ लाख ५८ हजार ८ सय तका थ्यःगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न्यातका थहावना १ हजार ९ सय २० तका न कारोबार जूगु दु धका महासङ्घं धाःगु दु।

नेपाली प्रतिनिधि मण्डलया नेतृत्व यासे संयुक्त राष्ट्रसङ्घया ७९ क्वःगु महासभाय् ब्बति कायेगु झ्वलय् संयुक्त राज्य अमेरिकाया न्युयोर्क झायादीम्ह प्रधानमन्त्री केपी शर्मा ओली शनिवाः निसे महत्वपूर्ण नापालयेगु ज्याझ्वः नापं थीथी ज्याझ्वलय् न ब्बति कयादीगु दु।

शनिवाः न्हिनय् स्थानीय ई कथं ३ः१५ बजे संयुक्त राष्ट्रसङ्घ भवनय् महासचिव एन्टेनियो गुटेर्रेसयात प्रधानमन्त्री ओलीं नापालानादीगु दु। अथेहे स्थानीय ई कथं न्हिनय् १ बजे ग्यास हाउस अन पार्कय् जुगु छगु ज्याझ्वलय् संसदीय मञ्चया ज्याझ्वलय् सम्बोधन यानादीगु खः।

शनिवाः न्हिनय् संयुक्त राष्ट्रसङ्घया उपमहासचिव रहब फातिमा न प्रधानमन्त्री ओलीयात नाप लायेगु ज्याझ्वः दु।