गृह मन्त्रालयं येँया प्रमुख जिल्ला अधिकारी (सीडीओ) सरुवा याःगू दु। येँया सीडीओ जितेन्द्र बस्नेतयात गृह मन्त्रालय सः तूगु दु सा जयनारायण आचार्ययात येँ छ्वया हःगु दु।

थ्व स्वया न्ह्यः आचार्य कारागार व्यवस्था विभागया महानिर्देशक जुयादीगु खः।अथे तु, सिन्धुपाल्चोकय् किरण थापा, सिन्धुलीइ लिलाप्रसाद शर्मा व प्युठानय् रमा आचार्य सुवेदीयात सीडीओ दयकूगु दु।

थ्व स्वया न्ह्यः थापा अध्यागमन कार्यालय भैरहवाय् प्रमुख अध्यागमन अधिकृत जूयादीसे शर्मा व आचार्य गृह मन्त्रालयय् हे।

नेकपा एमालेया तत्कालीन उपाध्यक्ष सुवासचन्द्र नेम्वाङया न्हापागु स्मृति दिवसया झ्वलय् पाटीं स्मृति सभा याइगु जुगु दु।

पार्टी केन्द्रीय कार्यालय च्यासलय् थौ न्हिनय् स्मृति सभा याइगु जुगु दु। स्मृतिसभाय् पार्टीया अध्यक्ष नाप प्रधानमन्त्री केपी शर्मा ओलीं सम्बोधन याइगु दु सा मेपि शीर्ष नेतापिन्स न ब्बति काइगु जुगु दु धका सचिवालयं धाःगु दु।

नेम्वाङ २०४८ व २०५१ सालय् राष्ट्रियसभा सदस्य नाप २०५६, २०७४ प २०७९ सालया संसदीय निर्वाचन २०६४ व २०७० सालय् संविधानसभा निर्वाचनय् इलामं विजयी जुयादीगु खः।

हनुमानध्वाखाया महाद्यः पार्वती देगः पुनर्निर्माण याय्गु ज्या ९० प्रतिशत क्वचाःगु खँ उपभोक्ता समितिया अध्यक्ष विभोरलाल श्रेष्ठं कनादीगु दु।

२०७२ सालया भुखाचं क्षति जूगु देगः दय्केगु नितिं बागमति प्रदेश भवन विभागया ग्वाहालि पुनर्निर्माण जुयाच्वंगु खँ कनादिसें वय्कलं याकनं हे ज्या क्वचाय्काः पुरातत्व विभाग अन्तर्गतया दरबार हेरचाह अड्यात लः ल्हाय्गु तयारी जुयाच्वंगु खँ नं वय्कलं कनादीगु दु।

वय्कःया कथं देगः दय्केगु नितिं बागमती प्रदेश सरकारपाखे ३ करोड ७१ लाख तकाया लागत इस्टिमेत तयार याःगु खःसा उकिया बछि ध्यबां हे देग पुनर्निर्माणया ज्याझ्वः क्वचाइगु जानकारी नं वय्कलं बियादीगु दु। वय्कःया कथं आः तक देगः पुनर्निर्माणया झ्वलय् १ करोड २ लाख तका खर्च जुइधुंकूगु दुसा थप ४० निसे ४५ लाख तका खर्च जुइगु अनुमान वय्कलं यानादीगु दु। देगः पुनर्निर्माण आः वइगु मोहनि नखः न्ह्यःने हे क्वचाय्केगु कथं थःपिसं ज्या यानाच्वनागु खःसा उपभोक्ता समितिं जिम्मा कयाः देगः पुनर्निर्माण यानागु कारणं म्हो ध्यबा देग ःदय्केगु क्वचाइगु खँ नं वय्कलं कनादीगु दु।

लिसे वय्कलं सम्पदा पुनर्निर्माण याय्गु सरकारया नीतियात हिलेमाःगु खँ धयादिसें धयादिल, ‘सरकारया दररेट छगू दु, तर बजारय् ज्या याइपिंत उलि ज्यालाः मगाः, सरकार द्वःछि व चाःगु ध्यबा न्हिं ज्याला क्वःछिनातःगु दु। तर बजारय् २४ तका ज्याला बीमाः। अथेजुयाः सरकारं सम्पदा पुनर्निर्माण सम्बन्धी गुगु मापदण्ड दु उकियात हे हिलेमाः।’

अथे हे वय्कलं सम्पदा पुनर्निर्माण याय्गु खःसा स्थानीय जनतायात हे जागरुक याय्माः धासें स्थानीय जनतां सम्पदाया महत्व गुलि थू मेपिसं उकिया महत्व मथुइगु जूगुलिं सम्पदा पुनर्निर्माण याय्बलय् स्यने फइगु आपालं सम्भावना दुगु खँ नं वय्कलं कनादिल।

उदाहरण बिसें वय्कलं धयादिल, ‘सरकारी इन्जिनियर धकाः वइ, तर उमिसं सम्पदा गुकथं निर्माण याय्गु धइगु ज्ञां तकं मदु। पुलांगु सम्पदा बारे उमिसं छुं थुयाच्वंगु दइ मखु।’

थौ यंलाथ्व अष्टमियात कायाष्टमि न धायेगु याः।

थुगु दिं येँया देय्या उत्तरपूर्व सुन्दरीजलय् न कागेश्वर महाद्यः थाय् व येँया हनुमानध्वाखाय् च्वंम्ह कागेश्वर महाद्यःयाथाय् तःधंगु मेला जुइगु याइ।

येँया हनुमानध्वाखाय् थौया दिं कायाअष्टमी कुन्हु छन्हु जक देगः चायकेगु याइ।

प्रेस चौतारी नेपालं पत्रकार महासंघया चुनाव असोज ५ गते हे यायेमाः धका धाःगु दु।

प्रेस चौतारीया महासचिव हिरामान लामां छगु विज्ञप्ति पिकया निर्वाचनया ई न्ह्यने वयेगु इलय् महासंघया अध्यक्ष विपुल पोखरेलं राजीनामा बिइवं विकसित जूगु घटनायात कया ध्यानाकर्षण जूगु दु धका धयातःगु दु।

विज्ञप्तिइ धयातःगु दु, ‘छु न घटनाय् प्रभावित मजूसे क्वछिना तये धुकुगु थ्व हे वइगु असोज ५ गते निर्वाचन क्वचायेकेगु कथं कार्यतालिका प्रकाशन लगायत माःगु दक्को प्रक्रिया न्ह्याका यकेत सम्बद्ध सकल पक्षयात प्रेस चौतारी नेपालं इनाप यानाच्वना।’

पत्रकार महासंघं थ्व स्वया न्ह्यः न तकः मछि ई थये याना न असफल जूया म्हिगः अध्यक्ष पोखरेलं राजीनामा बिउगु खः।