लुँया भाः आःतक हे दकलय् अप्पो थ्यःगु दु।थौ लुँ तोलां २ हजार १ सय रुपैयाँ १ लाख ३० हजार रुपैयाँ न कारोबार जुगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां झिन्यातका थहावःगु दु।वहः तोलां झिन्यातका थहावना थौ १ हजार ५ सय २५ रुपैयाँ न कारोबार जुगु दु धका महासङ्घं धाःगु दु।

चेतावनी हाम्रो नेपाली पार्टी (हानेपा)या सांसद शैलेन्द्रमान बज्राचार्य बागमती प्रदेश सरकारय् मन्त्री जुइवं उगु पार्टीइ विवाद सुरु जुगु दु।

पार्टीया अध्यक्ष अनन्तराज घिमिरे न पार्टीया निर्णय अःखः बज्राचार्य सरकारय् ब्बति काउगु धासे कारबाही यायेगु चेतावनी बिःगु दु। मकवानपुरया हेटौंडाय् थौ शुक्रवाः पत्रकार सम्मेलन यासे हाम्रो नेपाली पार्टीया अध्यक्ष घिमिरें बज्राचार्ययात कारबाही यायेगु चेतावनी बिःगु खः।

घिमिरें हाम्रो नेपाली पार्टी विकृत राजनीतिमा मवनेगु धका धाःगु दु। बागमती प्रदेश सभाय् हाम्रो नेपाली पार्टी संसदीय दलया नेता बज्राचार्य बुधवाः सरकारय् दुहावःगु खः। बज्राचार्ययात मुख्यमन्त्री शालिकराम जम्मकट्टेलं संस्कृति, पर्यटन लिसे सहकारी मन्त्री नियुक्त याःगु खः।

अध्यक्ष घिमिरें धाःगु दु सरकारयात बियातइगु समर्थन लित कायेगु व प्रतिपक्षय् च्वनेगु पार्टीया निर्णय अःखः बज्राचार्य वंगु धका द्धपः बिःगु खः मन्त्री नियुक्त जुइ न्ह्यः पार्टीनाप छु न कथंया सहलह मयासे व शुक्रवाः सुथय् तक छु न स्वापू जुगु मदुनि धका अध्यक्ष घिमिरें जानकारी बिःगु दु।

अय्न, सपथ कायेधुका बज्राचार्यं पार्टीनाप सहलहयाना हे मन्त्री नियुक्त जुयागु खः धका धाःगु दु।

जिल्ला अस्पताल धादिङय् ज्या यानाच्वंम्ह डा. प्रतिभा धौभडेल सीनाच्वंगु लुगु दु।

३४ दँया डा. धौभडेल येँ छाउनीइ च्वंगु थःगु हे छेँया बाथरुमय् सीनाच्वंगु खः। वयकः छु दिं न्ह्यः जक बिदा कया छेँ लिहावःगु खः।

सलं चिना झुण्डेय् जुगु अवस्था खनेवं वया भातं बीरेन्द्र सैनिक अस्पतालय् यकूगु खः।

द्धःछि व ७७ दँ पुलागु हरिसिद्धि भवानीदेवी (जलद्यः) या झिनिदँ मेला कन्ह्यः चैत्र १७ गते शनिवाः क्वचाइगु जुगु दु।

फुल्चोकी द्यःया थाय् विशेष पुजायाना उगु मेला क्वचाकिइ त्यःगु खः।उकिया दक्को तयारी पूरा जुइ धुकल धका हरिसिद्धि भवानी झिनिदँ फुल्चोकीमाई पर्व सञ्चालन समितिं छगु पत्रकार सम्मलेन याना जानकारी बिःगु खः।

दँय् दँसं योमरी पुन्हि व होली पुन्हिया दिं हरिसिद्धि भवानीया प्याखं क्यना वयाच्वंथु खःसा झिनिदँय् छकः फुल्चोकीमाईया दर्शन यायेमाःगु परम्परा दु। धुलिखेल, पशुपति, दोलखा व पनौतीइ उगु द्यः प्याखं क्यने धुकुगु दु।

समितिया कथं हरिसिद्धि भवानी द्यःया २९ म्हेसिगु देवगण दइगु परम्परा दु। उगु जात्रा सञ्चालन यायेगु निति यल महानगरपालिका वडा नं २८ व २९ माःगु ग्वाहालि यागु दु धका समितिं म्हिगः जुगु पत्रकार सम्मेलनय् जानकारी बिउगु खः।

जल द्यःया झिनिदँ जात्रा २०७८ बैशाख २९ गतेनिसे शुरु जुगु खः।

बालरोग विशेषज्ञ डा. प्रकाश सुन्दर श्रेष्ठ मन्त।

नेपाल पेडियाट्रीक सोसाइटीया पूर्व अध्यक्ष नाप अग्रज बालरोग विशेषज्ञ प्रा.डा प्रकाश सुन्दर श्रेष्ठ बुधवाः मदुगु खः।

यलय् जन्मय् जुयादीम्ह डा. श्रेष्ठ बहुप्रतिभाशाली व्यक्तित्वया धनी जुयादी। व्यकलं ताः ईतक पाटन अस्पतालय् ज्या यानादीगु खः।

त्रिवि शिक्षण अस्पतालय् स्वेच्छिक अवकास काये धुका काठमाडौं विश्व विद्यालय धुलिखेल शिक्षण अस्पतालय् बाल विभागय् प्रोफेसर जुया ज्या यानादीगु खः।