प्रधानमन्त्री पुष्पकमल दाहाल ‘प्रचण्ड’ भुखाय् ब्बया प्रभावित जूगु जिल्लाय् वनिइगु तयारी याःगु दु। थौं सुथय् नेपाली सेनाया हेलिकप्टरं प्रधानमन्त्री दाहाल जाजरकोट वनेत्यःगु खः।

प्रधानमन्त्री दाहाल नापं नेपाली सेनाया १६ म्ह मेडिकल टीम नापं वनेत्यःगु धका प्रधानमन्त्री प्रचण्डया प्रेस सल्लाहकार गोविन्द आचार्यं जानकारी बिःगु दु।

वंगु चान्ह्यः भुखाय् ब्बगुलि जाजरकोटय् जक ९२ म्ह सीउगु दु। अथेहे, ५५ म्ह घाःपाः जुगु दु। भुखाय् ब्बया तधःगु मानवीय क्षति जूगुलि वंगु चान्ह्यःनिसे प्रहरी खटे जूगु दु।

रुकुम पश्चिमय् ३६ म्ह सीउगु दु सा ८५ म्ह घाःपाः जूगु दु। आःतक भुखाय् ब्बया सीपिनिगु ल्याः १२८ म्ह थ्यःगु दु स ा १४० म्ह घाःपाः जुगु दु। घाःपाः जूपिन्त स्थानीय अस्पतालय् वासः याना च्वंगु दु।

जाजरकोट केन्द्रबिन्दु जूया ब्बःगु भुखाचय् जाजरकोट व रुकुमय् याना ६३ म्हेसिगु ज्यान वंगु पुष्टि जूगु दु।

कर्णाली प्रदेश प्रहरी प्रमुख डीआईजी भीमप्रसाद ढकालं बिःगु जानकारी कथं ५ बजे तक वःगु विवरण कथं जाजरकोटय् ३६ म्ह व रुकुम पश्चिमय् २७ म्हेसिगु ज्यान वने धुकुगु दु सा सच्छि स्वया अप्पो घाःपाः जूगु दु।

भुखाय् ब्बया प्रभावित जूगु थासय् प्रधानमन्त्री प्रचण्ड वनिइगु जूगु दु।

जाजरकोट केन्द्रविन्दु जूया वंगु चान्ह्य ११ बजे जूया ४७ मिनेटय् ६.४ म्याग्नेच्युडया भुखाय् ब्बःगु खः। उगु भुखाचं यक्को हे तधःगु क्षति जूगु दु।

उद्धारया लागि सुर्खेतपाखे स्वंगः हेलिकोप्टर परिचालन यायेगु तयारी यानाच्वंगु दु।

सरकारं जाजरकोट व रुकुमय् भुखाय् ब्बया प्रभावितजूपिन्त उद्धार यायेगु व राहतया लागि स्वास्थ्यकर्मी नापं हेलिकप्टर छ्वयेगु तयारी याःगु दु।

प्रधानमन्त्री नापं मन्त्रिपरिषद् कार्यालय मातहतया हेलो सरकारं तत्काल हेलिकप्टर छ्वयेगु तयारी याःगु दु।