प्रधानमन्त्री पुष्पकमल दाहाल प्रचण्ड जलवायु परिवर्तनसम्बन्धी संयुक्त राष्ट्रसङ्घीय सम्मेलन कोप–२८ य् ब्बति कायेगु निति नेपाली प्रतिनिधिमण्डलया नेतृत्व यासे वःगु चान्ह्यः संयुक्त अरब इमिरेट्स (यूएई) वंगु दु।

नेपाल एअरलाइन्सया नियमित उडानपाखे वयकःया नेतृत्वय् दुबईलय् वःगु दु। दुबईलय् थौंनिसे सम्मेलन शुरु जुइत्यःगु खः । जलवायु परिवर्तनसम्बन्धी संयुक्त राष्ट्र सङ्घीय फ्रेमवर्क कन्भेन्सनया पक्षराष्ट्र तयेगु सम्मेलनया २८ क्वःगु संस्करणय् प्रधानमन्त्री प्रचण्डं नेपाःपाखे सम्बोधन याइगु जूगु दु।

उगु सम्मेलनय् नेपाःया मू एजेन्डा जलवायु परिवर्तन व उकिइ हिमालय क्षेत्रय् लाःगु लिच्वः व उकिया न्यूनीकरणया खँ जुइत्यःगु खः। प्रधानमन्त्री प्रचण्ड कन्ह्यः व कसं ‘विश्व जलवायु शिखर सम्मेलन’ या उच्चस्तरीय सत्रय् ब्बति काइगु जुगु दु। वयकलं कसं १६ गते सम्मेलनय् सम्बोधन याइगु ज्याझ्वः दु धका परराष्ट्र मन्त्रालयं धाःगु दु।

प्रधानमन्त्री प्रचण्ड मङ्सिर १७ गते स्वदेश लिहावइगु ज्याझ्वः दु। कोप–२८ सम्मेलन मंसिर २६ गते तक न्ह्याइ।

शेयर बजाः थौं बुधवाः न कुहावःगु दु । शेयर बजाः परिसूचक नेप्से थौं १७ दशमलव ९३ अङ्कं कुहावया १ हजार ८ सय ७६ दशमलव ६० विन्दुइ थ्यःगु दु।

थौं मेमेगु दक्को समूहया शेयर कुहावंगु दु। दकलय् अप्पो आज सबैभन्दा धेरै थौं बुद्धभूमि जलविद्युत् कम्पनीया शेयर झन्डै १० प्रतिशतं कुहावःगु दु ।

समग्र बजाः कुहावंसा थौं दकलय् अप्पो विजय लघुवित्त वित्तीय संस्थाया शेयर झन्डै १० प्रतिशतं थहावःगु दु। थौं २ सय ८५ गु कम्पनीया ३३ लाख ५९ हजार कित्ता शेयर १ अर्ब १ करोड तकाया कारोबार जूगु दु।

दकलय् अप्पो सोनापुर मिनरल्स एन्ड आयल कम्पनीया ६ करोड २८ लाख तकाया  शेयर कारोवार जूगु दु ।

लुँया भाः थौं तोलय् १ हजार ६ सय तका थहावना न्हुगु किर्तिमानी तःगु दु।

थौं तोलाय् १ हजार ६ सय तका थहावना १ लाख १९ हजार ३ सय तका थ्यंगु दु । आःतक लुँ तोलां दकलय् अप्पो थ्यःगु दु ।

अथेहे थौं वहःया भाः न नीतका थहावंगु दु । वहः तोलां नीतका थहावना थौं १ हजार ५ सय २० तका थ्यःगु दु । वहःया भाः न आःतक हे दकलय् अप्पो थ्यःगु दु ।

स्ट्याण्ड अप कमेडी अपूर्व क्षितिज सिंहयात जिल्ला अदालत येँ नं दोषी ठहर याःगु दु ।

वंगु आइतवाः येँ जिल्ला अदालतं सिंहयात दोषी ठहर यासें झिद्वः तका बं पुइकेगु फैसला याःगु खः । कलाकार सिंहं थःगु छगू ज्याझ्वलय् नेवाः समुदाययात व्यंग्य यासें बिउगु अभिव्यक्तियात कयाः पृथविन्दु महर्जनं जिल्ला प्रहरी कार्यालयय् उजुरी बिउगु खः ।

सिंहया अभिव्यक्तियात कयाः नेवाः समुदायं विरोध यायेवं सिंह युट्युबय् च्वंगु थःगु भिडियो डिलेट यायेगु लिसें माफी नं फ्वंगु खः ।

जलवायु परिवर्तन सम्बन्धी सम्मेलनय् ब्बति कायेगु निति प्रधानमन्त्री पुष्पकमल दाहाल प्रचण्ड थौं यूएईया दुबई वनेत्यःगु दु।

प्रधानमन्त्री प्रचण्ड थौं बुधवाः चान्ह्यः साढे ९ बजे दुबइ वनिइगु धका वयकःया सचिवालयं धाःगु दु ।

जलवायु परिवर्तनसम्बन्धी संयुक्त राष्ट्रसंघीय संरचना महासन्धि (युएनएफसीसीसी)या पक्ष राष्ट्रतय्सं २८ क्वःगु सम्मेलन (कोप २८) थ्व हे मंसिर १४ निसे २६ गतेतक यूएईया दुबईलय् जुइगु खः । उगु सम्मेलनय् प्रधानमन्त्री प्रचण्ड नेतृत्वया नेपाली प्रतिनिधिमण्डलं ब्बति काये त्यःगु खः।

प्रतिनिधि मण्डलय् वन लिसे वातावरणमन्त्री वीरेन्द्र महतोया नापं उच्च सरकारी अधिकारीतय्सं ब्बति काइगु जुगु दु । उगु भ्रमण टोलीइ प्रधानमन्त्रीया म्ह्याय् गंगा दाहाल न ब्बति काइगु जुगु दु।