सरकारं छक्वलं ३२ म्ह सहसचिवतय्त सरुवा यागु दु। भरतपुरया वीरेन्द्रदेव भारतीनापं ३२ म्ह सहसचिवतय्त सरुवा याःगु खः।

छु दिं न्ह्यः जक मन्त्रिपरिषद् बैठकं थीथी मन्त्रालय नाप निकायया सहसचिव सरुवा याःगु खः।

संघीय मामिला लिसे सामान्य प्रशासन मन्त्रालयया अतिरिक्त समूहय् सरुवा याःगु खः सा कोशी प्रदेशया अन्तरिक मामिला लिसे कानून मन्त्रालयया सचिव लक्ष्मीप्रसाद पौडेलयात भरतपुर महानगरपालिकाया प्रमुख प्रशासकीय अधिकृतया जिम्मेवारी बिःगु दु

संवैधानिक परिषदया बैठक थौ च्वनिइगु जुगु दु। प्रधानमन्त्री लिसे मन्त्रिपरिषद् कार्यालयया कथं परिषदया बैठक थौ बहनि च्वनिइगु जुगु दु धका धाःगु दु।

निर्वाचन आयोगय् छम्ह आयुक्तया पद खालि जुगु दु। व नाप मेमेगु विषय सहलह यायेत परिषदया बैठक च्वनेत्यःगु खः।

प्रधानमन्त्रीया अध्यक्षताय् जुइगु उगु परिषदया बैठकय् सभामुख, प्रधानन्यायाधीश, प्रमुख प्रतिपक्षी दलया नेता, राष्ट्रिय सभाया अध्यक्ष व उपसभामुख सदस्य दइगु ब्यवस्था दु।

स्वनिगलय् आःतकय् दकलय् अप्पो तांन्वःगु म्हिगः शनिवाः जुगु दु।

म्हिगः स्वनिगःया तापक्रम ३५ दशमलव ३ डिग्री सेल्सियस मापन जूगु दु धका मौसम पूर्वानुमान महाशाखां धाःगु दु। वंगु जेठ १७ गते येँया तापक्रम ३४ दशमलव ४ डिग्री सेल्सियस थ्यःगु खः।

वंगु २०४६ साल वैशाख २५ गते येँया तापक्रम ३६ दशमलव ६ डिग्री सेल्सियस मापन जुगु खः। ३५ दँलिपा म्हिगः दकलय् अप्पो तांन्वःगु खः।

नेपाल आयल निगमं पेट्रोल, डिजल व मचिकंया भाः क्वकागु दु। म्हिगः शनिवाः निगम सञ्चालक समितिया बैठकं पेट्रोल लिटरं स्वतका, डिजल व मचिकनय् छतका क्वकागु दु।

न्हुगु भाः शनिवाः चान्ह्यः १२ बजेनिसे लागू जुइ।

महिला, बालबालिका लिसे ज्येष्ठ नागरिक मन्त्री भगबती चौधरीं ल्याय्म्ह तयेगु लागि लगानी व नीतिगत सुधार याये मागुलि सरकार प्रतिबद्ध दु धका धयादीगु खः।

नवलपुरको देवचुली नगरपालिका वडा नम्बर १० स्थित जागृति बाल लिसे युवा सरोकार नेपालं निर्माण यागु मस्तय्त सयकेगु व सिकाइ लिसे स्रोत केन्द्रया अवलोकन याये धुका ल्याय्म्ह व मस्त नाप अन्तरसम्वाद यासे मन्त्री चौधरीं अथे धयादीगु खः।

उगु ज्याझ्वलय् वयकलं ल्याय्म्हतय्त राज्यया दक्को निकाय, सामाजिक ख्यलय् व समाज, परिवार दक्कोसिया लगानी यायेमाः धका धयादीगु खः। मन्त्री चौधरीं सरकार मन्त्रालयगत बजेट बिइगु म्हो जक बजेट बिइगु व योजना कथं बजेट कटौती जुगुलि माःगु कथं ज्या मजुगु धका धयादीगु खः।

मन्त्री चौधरीं म्ह्याय् पिन्त न शिक्षानाप जीवन उपयोगी शिक्षा तक बिइमाःगुलि बः बियादीगु खः। खासयाना आत्मनिर्भर दयकेगु निति सीप स्यनेमाःगुलि बः बियादीगु खः। अथे जुगुलि म्ह्याय् पिनिगु लागिु आत्मनिर्भर ज्याझ्वः हयागु खः धका धयादीगु खः।