नेपाः व जर्मनी दथुइ श्रम समझदारी जूगु दु। जर्मनीया नागरिकसरह सेवा सुुविधा दइगु कथं नेपालपाखे प्रशिक्षार्थी श्रमिक यकिइगु विषय नेपाः व जर्मनी सरकार दथुइ द्विपक्षीय श्रम समझदारीइ ल्हाःचिं तःगु दु।

जर्मनीइ जूगु औपचारिक ज्याझ्वलय् नेपाल सरकारपाखे श्रम, रोजगार लिसे सामाजिक सुुरक्षामन्त्री शरतसिंह भण्डारी व जर्मनी सरकारपाखे अनया मानव संसाधन मन्त्रालयका उच्च प्रतिनिधि दथुइ नेपालं शून्य लागतय् प्रशिक्षार्थी श्रमिक यकेगु विषयय् समझदारीपत्रय् ल्हाःचिं तःगु खः।

व स्वया न्ह्यः शुक्रवाः युरोपेली देश रोमानियानाप श्रममन्त्री भण्डारी नेतृत्वया उच्चस्तरीय टोलीं द्विपक्षीय श्रम समझदारीपत्रय् ल्हाःचिं तःगु खः। श्रम समझदारी कथं जर्मनीइ रोमानियाय् थे न्ह्या थे यानासां श्रम स्वीकृति मजुसे अनलाइन प्रणालीपाखे आवेदन माग याना दच्छिया दुने प्रशिक्षार्थीया कथं जर्मनी वने फइ।

जर्मनीइ वनिपि प्रशिक्षार्थी श्रमिकं थःगु रुचि व क्षमताया कथं सिप सय्का पास जुलकि जक सम्बन्धित क्षेत्रय् ज्या यायेफइगु समझदयारीपत्रय् उल्लेख याःगु दु।

फम्पिय् हरिशंकर जात्रा न्ह्यागु दुु। हरिशंकर जात्रा एकादशीया न्हिं कुन्हु न्यायेकेगु याइ ।

पुलांगु वस्ती फपिंया न्हयेगु त्वाः ठल्कु, यल्खु, कोछु, कोटाल, कोठेप, ठथेप व टिपी त्वालय् थःथःगु परम्परायात कथं दक्षिणकाली, इन्द्रायणी, महादेव, कुमारी, नारायण, महालक्ष्मी खः जात्रा न्यायेकुगु खः ।

लबाराहीया खः दयेका पूजा यानाः फपिय् बजाः चाहिका तःजिक जात्रा हनिइगु याइ। कृष्ण द्वादशीया दिं फपिय् जुइगु जात्रायात विशेष महत्वयात कथं काय्गु याइ ।

नेवाः देय् दबू स्वनिगः बिशेष प्रदेशं भाषा विधेयकयात कया भेला याइगु जूगु दु।

देय् दबू स्वनिगः बिशेष प्रदेशया मंगलवाः असोज २३ गते च्वंगु मुँज्यां चेतन मानन्धर हत्याया विरोधयात कया ऐक्यबद्धता प्वंकेगु व बाग्मती प्रदेशया संसदं भाषा विधेयकयात पारित याःगुयात कया आः न्ह्याः वनेगु सवालय् सरोकारवालापिनिगु भेला यायेगु खँ क्वःछिगु दु।

देय् दबू स्वनिगः विशेष प्रदेश समितिया नायः श्रीकृष्ण महर्जनया नायःसुइ जूगु उगु मुँज्यां असोज २४ गते बुधवाः चेतन मानन्धरया हत्याकाण्डयात कया जुयाच्वंगु विरोधप्रति ऐक्यबद्धता प्वंकेगु नितिं फिब्व ख्यः माइतिघर मण्डलाय् वनेगु धकाः क्वःछिउगु दु। देय् दबू केन्द्रीय समितिया कार्यवाहक नायः चन्द्रलाल राजभण्डारीया विशेष उपस्थिति जूगु उगु मुँज्याय् केन्द्रीय न्वकू शान्त श्रेष्ठ, मूछ्याञ्जे सत्यनारायण डंगोल, छ्याञ्जे हरि कुमार श्रेष्ठया नं उपस्थिति दुगु खः।

फिब्वः ख्यलय् ऐक्यबद्धता प्वंकेगु नितिं केन्द्रीय कार्यवाहाक नायः चन्द्रलाल राजभण्डारीया नेतृत्वय् वनेगु धकाः नं खँ क्वःछिउगु दु । मुँज्यां २५ गते विहिवाः भाषा विधेयक पारित याकेगु नितिं भूमिका म्हितूगु नेवाः खलः पुचःनिसें भाषा ख्यलय् ज्या याना वयाच्वंगु नेवाः खलः पुचःया प्रतिनिधि नापनापं देय् दबूया पालिकाया नेतृत्वयात तकं दुथ्याका भेला याना योजना दयेकेगु धकाः नं निर्णय याःगु दु ।

उगु मुँज्याय् देय् दबू येँ जिल्लाया नायः धनबहादुर तिमिला महर्जन, यल जिल्लाया नायः रविन्द्र शाक्य व ख्वप जिल्लाया नायः नरेश नेवाः नं सहभागी जुयादीगु खः।

येँ महानगरपालिकां वंघलय् आज्जु द्यःया थाय् च्वंगु पसः चिइकूगु दु। वंगु बिहीवाः झन्डै झीनिदँनिसे सञ्चालन यानाच्वंगु न्ह्यय्गु पसः बन्द याःगु दु धका आकाश भैरव सञ्चालन समितिया सचिव श्याम महर्जनं जानकारी बिःगु दु।

वयकःया कथं पसः सञ्चालक व गुथि समितिया सहमतिइ उगु पसः द्यःया थाय् क्वय् चिइकूगु खः।’ स्थानीय व सम्पदा अभियानकर्ता तय्सं द्यःया क्वय् चिपः यायेमज्यु व फोहोर जूगु धका धयावया च्वंगु खः,’ वयकलं धयादीगु दु,’

हनुमानध्वाकाय् सम्पदा संरक्षण विभागं स्वला न्ह्यःनिसे उगु पसः चिइकेत पौ छ्वया हःगु खः।’ आज्जु द्यःया थाय् प्यंगू लस्सी पसः, नयेगु पसः बाहेक मेमेगु पसः खोले याके बिइ धका धाःगु दु।

चिरख्वा हाइड्रोपावर लिमिटेडं थौंनिसे सर्वसाधारण तय्त प्राथमिक सेयर (आईपीओ) निष्कासन याःगु दु ।

थ्व स्वया न्ह्यः आयोजना प्रभावित व वैदेशिक रोजगारीइ च्वना च्वपि नेपाःमि तय्त आईपीओ निष्कासन याना इने धुका सर्वसाधारण तय्त छगू सेयरया १०० रुपैयाँ भाः कथं ८ लाख ५९ हजार ३०० कित्ता आईपीओ निष्कासन याःगु दु ।

कम्पनीं स्थानीय बासिन्दा तय्त पिकाःगु सेयरय् आवेदन मबियगु नापं सर्वसाधारण तय्त मिइत्यःगु खः। थ्व स्वया न्ह्यः कम्पनीं न्हापागु चरणय् स्थानीय तय्थ ४ लाख कित्ता निष्कासन याःगु खः।

न्हापागु चरणय् कम्पनीं वैदेशिक रोजगारीइ वनाच्वपिन्त ८० हजार कित्ता, कर्मचारीया लागि १६ हजार कित्ता नापं सामूहिक लगानी कोषया लागि ४० हजार कित्ता निष्कासन याना इने धुकुगु दु।

कम्पनीया शेयर निष्कासन लिसे बिक्री प्रबन्धक आरवीवी मर्चेन्ट बैंकिङ लिमिटेड याःगु खः।