करिब ५३ महिनालिपा जुइत्यःगु नागढुंगा–सिस्नेखोला सुरूङमार्ग ‘ब्रेक थ्रु’ या प्रत्यक्ष अवलोकन यायेगु निति प्रधानमन्त्री पुष्पकमल दाहाल प्रचण्ड उखे पाखे वःगु दु।

प्रधानमन्त्री प्रचण्डयात सुरुङ दुने हे ह्यागू कार्पेट लानां लसकुस याःगु दु। अवलोकन यायेगु निति भौतिक पूर्वाधार लिसे यातायात मन्त्री रघुबिर महासेठ न वःगु खः। मुख्य सुरुङ सोमवाः जक वारपार जुइगु कथं प्वाखनिइगु जुगु सो आपतकालीन सुरुङ धासा वंगु साउन २२ गते हे प्वाखने धुकुगु दु।

मुख्य सुरुङ २.६८८ किलोमिटरया खःसा आपतकालीन सुरुङ २.५५७ किलोमिटर ताहाकःगु जू। २२ अर्ब रुपैयाँया ठेक्का काउगु उगु आयोजना जापानं साढे १६ अर्ब रुपैयाँ ऋण ग्वहालि यागु खः। थुकिइ नेपाल सरकारया ६ अर्ब रुपैयाँ लगानी दु।

राप्रपां येँ याःगु आन्दोलनय् घाःपाः जूम्ह बर्दियाया ठाकुरप्रसाद डाँगी उपचारया झ्वलय् थौ मन्त।

राप्रपाया मधुवन नगरपालिका अध्यक्ष तक जुयादीम्ह डाँगीको वीरेन्द्र सैनिक अस्पताल छाउनीइ उपचारया झ्वलय् थौ सुथय् ४ बजे मदुगु धका राप्रपाया प्रवक्ता मोहन श्रेष्ठं जानकारी बिःगु खः।

साहित्य संवद्र्धन केन्द्र नेपालपाखें न्यागू दशक न्ह्यःनिसे नेपाली लोक संस्कृति, संगीत लिसे वाद्यवादनया माध्यमंं विशिष्ट योगनदान विया वयाच्वनादीम्ह वरिष्ठ सितारवादक तारावीरसिंह तुलाधरयात न्हापांगु अभिजित पृथा कला संगीत सम्मान २०७९ पाखें २०८१ साल बैशाख १ गते खाइसन्हु कुन्हु सम्मान याःगु दु।

साहित्य दिवस २०८१ या लसताय् प्रज्ञा प्रतिस्थानय् न्ह्याकूगु हना ज्याझ्वलय् तुलाधरयात दोसल्लां न्यय्का २१ द्धः दां सहितं सम्मान पत्र देछासे सम्मान याःगु खः।

उगु ज्याझ्वलय् संगीत ख्यलय् योगदान यानादीपिं सष्ट्रापिं १५ म्हेसित नं सम्मान याःगु खः।बुखँ व किपा सुगतरत्न सिन्दुराकारया फेसबुकपाखे

भारतं नेपाःयात ३५ एम्बुलेन्स व ६६ स्कुल बस थौ आइतवाः ग्वहालि याःगु दु।

भारतीय दूतावासया कथं एम्बुलेन्स व बस थीथी जिल्लाया स्वास्थ्य, शिक्षा क्षेत्रय् ज्या याइपि थीथी संघ संस्थायात लःल्हागु दु।

नेपाःया लागि भारतीय राजदूत नवीन श्रीवास्तवं अर्थमन्त्री वर्षमान पुनया उपस्थितिइ एम्बुलेन्स व स्कुल बसया ताःचाः लःल्हागु खः।

बोडेय् म्येप्वाः खनिइ जात्रा थौ तजिक हंगु दु। थुगुसि न २८ दँ दुम्ह सुजन वाग श्रेष्ठं म्येप्वाः खनादीगु दु।

थ्व स्वया न्ह्यः १२ तक म्येप्वाः खनादीम्ह कृष्णचन्द्र वाग श्रेष्ठ, जलकृष्ण पिला श्रेष्ठ, माइला भासिको श्रेष्ठ नाप थ्व स्वया न्ह्यः च्याक्वः तक म्येप्वाः खनादीम्ह जुजुभाई वाग श्रेष्ठपि न म्येप्वाः खनिइगु दबूलि खनेदुगु दु।

परम्परा कथं म्येप्वाः खने धुंकाः अर्धचन्द्राकार महादीप क्वबियाः बोडे सहर परिक्रमा यायेगु याइ। थथे सहर परिक्रमा यानाः बोडेया महालक्ष्मी द्यः चाहिले धुंकाः द्यः थाय् मुलु तानाः वयेगु याइ।