नेपाल रेडक्रस सोसाइटी मध्यपुर थिमि उपशाखां २६ क्वःगु स्थापना दिवस हंगु दु।

मध्यपुर थिमि नगरपालिका वडा नं. ४ या वडाध्यक्ष बालकृष्ण पात्या श्रेष्ठया मूपाहाँसुइा उपशाखाया २६ क्वःगु स्थापना दिवस हःगु खः। स्थापना दिवस हनेगु झ्वलय् महामारी कथं फैलै जुगु डेंगु रोग सम्बन्धी ब्रसर व पर्चा वितरणयासे जनचेतनात्मक प्रचार अभियानया पदयात्रा याःगु खः।

उपशाखाया सभापति बाबुकाजी श्रेष्ठया सभाध्यक्षताय् जुगु उगु पचारात्मक पदयात्राय् उपशाखाया संस्थापक दुर्गामोहन श्रेष्ठ, पूर्व सभापतिपि रमेश उखा श्रेष्ठ, ज्ञानदेव श्रेष्ठ, भुवनचरण श्रेष्ठपिनिगु न सहभागिता दुगु खः।

उपसमितिया संयोजकपि कन्या मन्दिर प्रजापति, लक्ष्मीकेशरी श्रेष्ठ, पुष्परत्न रन्जित, नजरमान श्रेष्ठ, अर्जेन श्रेष्ठपिनिगु उपस्थिति दुगु खः।

त्रिभुवन विमानस्थल भन्सार कार्यालयपाखे जाँचपास जुया पिहाविःगु तस्करीया लुँ नायकेगु ज्या थौ जूगु दु।

नेपाल राष्ट्र बैंकया मुद्रा व्यवस्थापन विभाग अन्तर्गत टक्सार महाशाखां लुँ नायेकेगु ज्या याःगु दु। वःगु साउन २ गते राजस्व अनुसन्धान विभागया पुचलं तस्करीया लुँ बरामद याःगु खः ।

मोटरसाइकल व स्कुटीया ब्रेक सु दुने तया लुँ हःगु खः। म्हिगः सोमवाः ब्रेक सुपाखे लुँ पिकाःगु इलय् ६० केजी ७८९ ग्राम दु धका महाशाखाया निर्देशक थानेश्वर आचार्य न जानकारी बिःगु खः।

वयकःया कथं लुँ नायेके धुका गुलि दु व बालकं सिइ दइ धका धाःगु दु।

येँ महानगरपालिका वडा १७ व येँ महानगरपालिका १७ वडा शहरी स्वास्थ्य स्वंयसेबिका परिवारया ग्वसालय् निशुल्क मिँखा शिविर सञ्चालन जूगु दु।

उगु शिविरय् करिब ३२८ म्हेसिया निशुल्क परिक्षण याःगु खः। स्वंयसेबिका भवानी अधिकारीं बिःगु जानकारी कथं उगु शिबिरय् जाँच यागुलि १३ म्ह चिनी ल्वय् दुपि व न्याम्ह मोतिबिन्दु दुपि न्याम्हेसित वासः यायेगु निति तिलगंगा आँखा प्रतिष्ठानय् सःतूगु दु धका लहनान्युजयात धयादीगु दु।

ज्याझ्वः तिलगंगा आँखा प्रतिष्ठान, द फ्रेड हलोज फाउन्डेशनया प्राविधिक ग्वहालि वडां निःशुल्क परीक्षण, सितिकं वासः बिःगु खः।

गोरखा नगरपालिका–७, सतिपीपलस्थित छखाः छेँय् बरामद याःगु टल्के जुइगु ल्ह्वं ‘क्वार्ज किष्टल’ गोरखा दरबारया भगवती शिलाया रुपय् प्रतिस्थापन यायेगु निर्णय याःगु दु।

अलौलिक शिलायात बरामद याःगु छेँय् च्वपिन्स परापूर्वकालनिसे दुगं द्यः मानेयाना वयाच्वंगु व गोर्खाली जनता न थुकियात शक्तिया प्रतिक कथं कयावया च्वंगुलि जिल्लां पिने मछ्वयेगु निर्णय जूगु धका नगरपालिकाया उपप्रमुख मसली माया थोकरं जानकारी बिःगु दु।

बरामद याःगु क्वार्ज किष्टल गन तयेगु धइगु विषय चर्चा जुयाच्वंगु इलय् गोर्खाली जनताया चाहाना व भावनाया कथं दरबार परिसरय् तयेगु निति स्थानीय सरकार नापं सरोकारवाला सहमत जुइ धका धयादीगु खः।

उगु ल्ह्वं ५२ किलो ३ सय ३० ग्राम दु। वंगु असार १४ गते प्रहरीं उगु ल्ह्वं टल्के जूगु सतिपीपलय् च्वना च्वम्ह राममाया शाहीया छेँय् बरामद याःगु खः।

वक्तृत्वकला कासाय् दकलय् न्हापां न्यय्द्ध ध्येवा सिरपा दुगु नीगुक्वःगु नेपालमण्डलव्यापी बौद्ध वक्तृत्वकला कासाय् दीपावति पुस्तकालयया पारमिता शाक्य न्हाप जुगु दु।

नीगुदँ निसें आषाढ पुन्हीया लसताय न्ह्यानावया च्वंगु खः। कासाय न्हापजुम्ह पारमी शाक्यं सन्तुलित मानसिकताया हुनिं वुध्दशिक्षा, ल्यू जुम्ह धर्म साकच्छा संघ हःखाया प्रतिष्ठा शाक्यं स्वस्थ्य समाजया लागी बुद्धशिक्षा, लियाँ ल्यू जुम्ह शाक्यसिंह बौद्ध परियति शिक्षालयया सलोनी शाक्यं सुशासनया हुनि बुध्दशिक्षाया बुखँ न्ह्यः ब्बगु खः।

अथेहे हपाः सिरपा युवा वौध्द पुचःया मतिना मानन्धरं आर्थिक संकट सामनाया लागिं बुध्द शिक्षाबारे न्ववानादीगु खः। उगु कासाय झिं छगु संघसंस्थाया ब्बति दुगु खः। सर्वोकृष्ट स्वंगु थासय लायेत तालापिंन्त न्यय् द्धः नगल, झीद्धः, न्ह्य् द्धः नगद व हपाः त्याकेत तालाम्हेसित न्याद्धः तका व ब्बति कापिं सकसितं म्हप.तिइ द्धःछि नगद सिरपा बिःगु खः।

उगु ज्याझ्वलय् भिक्षु कौण्डण्य महास्थविर, येँ महानगरया पुर्वमेयर बिद्यासुन्दर शाक्य व मू गुठीया नायः बिसन्तर शाक्य व सृजल शिल्पकारं दसिपौ, शिल्ड, नगद शिरपा व ब्बतिकापिन्त सिरपा लःल्हाःगु खः। कासाया निर्णायक मण्डलय् रत्न सुन्दर शाक्य, डा. त्रिरत्न मानन्धर च्वनादिगु खःसा ज्याझ्वलय् मू गुठीया नायः बिसन्तर शाक्यं नगद सिरपाया राशि न्यय् द्धः थ्यंकिगु प्रतिबद्धता कथं सुरुवात जुगु धयादिल ।

अथेहे २०८१ सालय् जुइगु स्वीक्वगुं बौद्ध वक्तृत्वकला पर्व न्हयाकेया निति दीपावति बौद्ध परियत्ति केन्द्रं भाला बिःगु दु।