सन् नेपाल लाइफ इन्स्योरेन्सं थौ साउन ३२ गते बिहीवाःनिसे सर्वसाधारणयात प्राथमिक सेयर (आईपीओ) या आवेदन खुल्ला याःगु दु।

इन्स्योरेन्सं वैदेशिक रोजगारीइ च्वना च्वपि नेपाःमिपिन्त निष्कासन याये धुका आः आईपीओ बाँडफाँट याये धुका सर्वसाधारणया लागि आईपीओ आवेदन खुल्ला याःगु दु। कम्पनीं नेपाल धितोपत्र बोर्डपाखे जारी पुँजी ३ अर्ब २० करोड रुपैयाँया बराबर ३ करोड २० लाख कित्ताया ३० प्रतिशत जुइगु कथं ९६ लाख कित्ता साधारण सेयर निष्कासन यायेत अनुमति बिःगु दु ।

छगू कित्ताया १०० रुपैयाँ भाः १३९ रुपैयाँ प्रिमियम नाप कम्पनीं प्रतिकित्ता २३९ रुपैयाँ आईपीओ निष्कासन यायेत स्वीकृति बिःगु दु । इन्स्योरेन्सं उगु मध्ये ९ लाख ६० हजार कित्ता सेयर छगु कित्ताया १०० भाः दुगु १३९ रुपैयाँ थप याना २३९ रुपैयाँ न वैदेशिक रोजगारीइ च्वना च्वपिन्त निष्कासन याये धुका बाँडफाँट याये धुकुगु दु।

अथेहे कम्पनीं ४ लाख ८० हजार कित्ता सेयर सामूहिक लगानी कोषयात व ४ लाख ८० हजार कित्ता सेयर कम्पनीया कर्मचारीपिनिगु लागि सुरक्षित यागु खः। ल्यः दुगु ७६ लाख ८० हजार कित्ता सेयरया लागि सर्वसाधारणपिन्स आवेदन बिइ फइगु जुगु दु।

कम्पनीं सर्वसाधारणपिन्त छगू कित्ताया १०० रुपैयाँ १३९ प्रतिशत रुपैयाँ प्रिमियम थप याना छगू कित्ता २३९ रुपैयाँ सेयर निष्कासन खुल्ला याःगु दु। अथेहे कर्मचारीया लागि धाःसा छगू कित्ता १०० रुपैयाँ अंकित भाःया सेयर जारी याःगु दु।

कम्पनीया आईपीओ याःगु लगानीकर्तापिन्स भदौ ४ गते तक आवेदन बिइ फइ । उगु इलय् न माग कथं आवेदन मवसा  आवदेन बिइगु म्याद भदौ १४ गते तक ई तया तःगु दु।

लुँ तोलां थौं च्यासः कुहावःगु दु। लुँ तोलां च्यासः कुहावया थौं १ लाख १० हजार ४ सय रुपैयाँ न कारोबार जूगु दु धका नेपाल सुनचाँदी व्यवसायी महासङ्घं धाःगु दु।

अथेहे, वहः तोला न न्यातका कुहावःगु दु। वहः तोलां न्यातका कुहावया थौ १ हजार ३ सय ७० रुपैयाँ न कारोबार जूगु दु धका महासङ्घं धाःगु दु।

येँ महानगरपालिकाय् सहरी योजना आयोगया उपाध्यक्ष तपेन्द्र खड्कां राजीनामा बिःगु दु।

खड्कां वंगु वाः न्ह्यः पारिवारिक ज्याया ताः ईया लागि छुट्टी फ्वःगु खः। तर, मेयर बालेन शाहं ताः ईया लागिो छुट्टी कायेगु स्वया राजीनामा हे बिइत दबाब बिइवं वंगु शुक्रवाः हे राजीनामा बिउगु खः।

खड्कायात वंगु पुस २६ गते येँ महानगरपालिकां योजना आयोगया उपाध्यक्षय् नियुक्त याःगु खः। खड्कां न्ह्यलाया दुने हे राजीनामा बिःगु दु।

खड्काया योजनाय् हे महानगरपालिकां थुगु आवय् महानगर गौरवया योजना, स्वर्णिम योजना हःगु खः।

नेवाः न्ह्यलुवाःलिसें पुलांम्ह स्वास्थ्य राज्यमन्त्री तीर्थराम डंगोलयात प्रा.बीसी मल्ल सिरपा लः ल्हाःगु दु ।

प्रज्ञाप्रतिष्ठाय् छगू ज्याझ्वःया दथुइ प्रा. बीसी मल्ल प्रतिष्ठानं थथे सिरपा लः ल्हाःगु खः । त्रिभूवन बिश्वबिद्यालयया पुलाम्ह उपकुलपति प्रा.बीसी मल्लया नामं निस्वनातंगु उगु सिरपा थ्व दँय् डंगोलयात लः ल्हासें वयकःयात हना–पौं लिसें राशी लः ल्हाःगु खः ।

डंगोलं प्रजातन्त्र प्राप्तिया नितिं यानादिगु योगदान यात लुमंकुसें थथे सम्मान यानाःगु खँ ग्वसाः खलकं धाःगु दु ।

डंगोल पोस्टेड ल्वय्या हुनिं म्हं मफयाच्वंम्ह खःसा छु न्हिं न्ह्यः जक सूमेरु अस्पतालय् वासः यानाः थौं कन्हय् छेँ आराम यानाच्वनादिगु दु ।