प्रमुख जिल्ला अधिकारी तुलसी बहादुर श्रेष्ठं संस्कृति व सभ्यताया संरक्षण याय्गु ज्याय् जातीय समाजया तःधंगु भूमिका दइगु खँ कनादीगु दु।

ताम्रकार समाजं जावलाखेलय् ग्वसाः ग्वःगु लसकुस व हना ज्याझ्वलय् नुगः खँ तयादिसें प्रजिअ श्रेष्ठं थुज्वःगु समाजं सक्रिय व सचेत जुयाः समुदायया कला, संस्कृतियात ल्यंके फय् माःगु बिचाः प्वंकादिल ।

“संस्कृति व सभ्यताया संरक्षण याय्गु ज्याय् जातीय समाजया तःधंगुभूमिका दइ, थुज्वःगु समाजं सक्रिय व सचेत जुयाः समुदायया कला, संस्कृति ल्यंके फय्केमाः । समाजं सामाजिक उत्तरदायित्व निर्वाह याय्त महत्त्वपूर्ण भूमिका म्हितेमाः” श्रेष्ठं धयादिल।

यलया प्रहरी प्रमुख बरिष्ठ प्रहरी उपरीक्षक शेखर खनालं प्रहरी नं थ्व हे समाजया मनू खः धासें प्रभावकारी रुपय् ज्या यानाः शान्ति सुरक्षाया निंतिं न्ह्याबलें क्रियाशील जुया च्वनेगु खँ कनादिल । “प्रहरी न्ह्याबलें समाजया आवश्यकताय् लाइ ।

अपराधिक क्रियाकलापत पनेगु जिमिगु आज्जु खः, अपधाररहित व भय मुक्त समाज निर्माण याय्गु अभियानय् दु।” खनालं धयादिल । यल नेवा समाजया न्वकु न्हुच्छेबहादुर नेमकुलं यलया १९ गू जातीय समाजयात छगू हे थासय् स्वाय् माःगु परम्परागत संस्कृतिया जगेर्ना याय्त, सामाजिक अस्तित्व व सद्भाव कायम याय्गु लिसेंया ज्या याय् माःगु ताय्काः यल नेवाः समाज स्वनेज्या जूगु कनादिल।

ताम्रकार समाजया नायः विनोद ताम्रकारं समाजं शिक्षा व स्वास्थ्यया लिसें कुलदेवता देगः उग्रचण्डीमाईया संरक्षण, जेष्ठ नागरिकपिन्त तिर्थाटन याकेगु, धार्मिक गतिविधिइ ब्वति काय्केगु ज्या यानावयाच्वनागु खँ कनादिल।

थौ शहीद दिवस देयन्यकं हनिइगु ज्याझ्वः दु। देय् व जनताया हित व अधिकारया लागि जीवन त्याग याःपि शहीदया लुमन्ति दँय् दँसं माघ १६ गते थीथी ज्याझ्वः यासे शहीद दिवस हनिइगु जुगु दु।

प्रजातन्त्र स्थापना नापं पुनःस्थापनाय् थीथी कथं स्वतन्त्रताया लागि जीवन त्याग याःपि शहीद जूपि लुमन्ति न थौ देयन्यक ज्याझ्वः यायेत्यःगु दु। अथेहे शहीद शुक्रराज शास्त्री, धर्मभक्त माथेमा, दशरथ चन्द व गङ्गालाल श्रेष्ठपिनिगु दँय् दँसं माघ १० निसे १६ गतेतक शहीद सप्ताहया कथं हना वयाच्वंगु दु।

राणा शासनया विरोध याउगुलि १९९७ सालय् शहीद शुक्रराज शास्त्रीयात माघ १० गते येँया टेकुइ च्वंगु पचलीइ, माघ १३ गते धर्मभक्त माथेमायात सिफलय् व गङ्गालाल श्रेष्ठ नापं दशरथ चन्दयात माघ १५ गते शोभाभगवतीइ मृत्युदण्ड बिःगु खः।

यल महालक्ष्मी नगरपालिकाया वडा नम्बर ६ सिद्धिपुर “थसि” या सानागामय् स्थानीय तय्सं भू खण्डिकरण बिरुद्दया अभियान न्ह्याकूगु दु।

स्थानीयतय्सं शुक्रवाः भूमिपुत्र किसानतय्गु छगु पुचलं  स्थानीय वडा कार्यालयय् जुलुस यासे वडाध्यक्ष धर्म महर्जनयात नापलानां न्हापा कृषि लिसे सांस्कृतिक क्षेत्र व लिपा सांस्कृतिक व आवास क्षेत्र दयकूलि सिद्धिपुरया सुमंगलम फुड्स् प्रा. लि. न माग याःगु बमोजिम जग्गा कित्ताकात यायेमज्यु धका धासे उकियात दिकेत माग याःगु दु ।

उमिसं थःगु वडा क्षेत्रय् स्थानीयतय्त भेदभाव व अन्यायपूर्ण ढंगं क्षति जुइगु कथं न्हुगु संरचनाया लागि जग्गा टुक्रे यायेगु ब्याबसायिक प्लटिङ अस्वीकार याःगु खः। अथेहे वडाध्यक्ष महर्जनं थः व थःगु कार्यालयं स्थानीय जनताया भावना अखः छु न ज्या मयायेगु स्पष्ट यासे सिद्धिपुरया भूमि स्थानीय जनताया हे चाहना कथं छ्यलेगु जुइ धका स्पष्ट यानादीगु खः।

अथेहे स्थानीय कृष्ण कुमार महर्जन व किरण महर्जन लगायतपिन्स सिद्धिपुरयात थःगु हे मौलिकता कथं विकसित यायेमाःगुलि बः बियादीसे स्थानीय तह न जनताया चाहना अखः सुयात थः यः यः थे याकेबिइमज्युगु माग यानादीगु खः।

देगः म्हिचा सफूया ग्वसालय् सातोआकि भवनय् छगु ज्याझ्वः दथुइ नेपालभाषा एकेदेमीया चान्सलर यज्ञरत्न धाख्वाः न हाइजिन धर्मराज राजकर्णिकारया बुंगाःचा हाइकु सफूयात कयाः भिन्हय्म्ह समालोचकतय्सं च्वयादीगु समालोचना मुना बुंगाःचा : थीथी दृष्टि नांगु सफू विमोचन यानादिगु दु।

सफूया संपादक नारद वज्राचार्यया सभाध्यक्षताय् जुुगु उगु ज्याझ्वलय् सपूmयात कयाः समालोचक डा. पुष्पराज राजकर्णिकार, डा.योगेन्द्र प्रधान, डा.डामोदर पुडासैनि किशोर, धु्रव मधिकर्मि, पूर्ण ताम्राकारपिन्स थःथःगु बिचाः तयादीगु खः।

ज्याझ्वलय् हाइजिन धर्मराजया हाइकु सार्थक हाइकु जूगु टिप्पणी यानादील। लिसें सफूतिइ छगू हे पहःया मखु से विविध पक्षं हाइकुयात दुवालातःगु समालोचना दुगु खँ कनादिल।

देबः च्वयादीम्ह नेपाल ललितकला प्रज्ञाप्रतिस्थानया पूर्व कुलपति के के कर्माचार्यजुं बुंगाःचा हाइकुया दुनेच्वंगु चित्रं हाइकु यात थुइकेत बः बिउगु खँ कनादिल ।

न्हू सतकय् पार्किङ निषेध याःगुलिं स्थानीय व्यापारीतय्सं येँ महानगरपालिाका २२ वडाया ज्याकुथिइ तालं ग्वयाः यखाना बिउगु दु ।

वडा ज्याकुथिं च्वंगु मू लुखा बन्द यासें अन ‘निःशुल्क पार्किङ व्यवस्था या, निरंकुश तानाशाही मेयर बालेन मूर्दावाद, व्यापार व्यापारी विस्थापन यायेगु ज्या बन्द या, परम्परागत पुलांगु व्यापारिक क्षेत्रया संरक्षण या’ धकाः च्वयातःगु हाकुगु ब्यानर यखाना बिउगु दु ।

वडा अध्यक्ष चिनीकाजी महर्जन पिने लाःगु खःसा वय्कलं येँ महानगरया याःगु गलत निर्णयं यानाः थौं थःगु हे वडावासीतय्सं थःगु हे ज्याकुथिइ तालाबन्दी यातं नं थः मूकदर्शक जुयाच्वने माल धकाः दुःख प्वंकादीगु दु । अथेहे मेयर बालेन साहं न्हू सतक लागाय् आकाझाकां पार्किङ बन्द यानाः खुलामञ्चय् अण्डर ग्राउण्ड पार्किङ दयेकेगु रणनीति दयेकूगु आशंका याना हयाच्वंगु दु ।

न्हूसतक थेंज्याःगु थासय् पार्किङ यायेगु थाय् मंत धाःसा पीडित व्यावसायी व छेँ थुवाःतय्सं खुलामञ्चय् जूसां पार्किङ दयेके माल धकाः माग याना हइगु व वयां लिपा थःगु योजना कथं खुलामञ्च स्यंकाः पार्किङ दयेकेगु ग्वसाः मेयर साहं यानाच्वंगु आशंका खुलामञ्च बचाउ अभियन्तातय्सं याना हःगु दु । सामाजिक व व्यापारिक संस्थातय्सं वृहत् ¥याली पिकायेगु ग्वसाः यानच्वंगु दु ।

उगु ज्याझ््वः कथं मंगलवाःनिसे शनिवाः ५ः३० बजे १ घन्टा ब्ल्याक आउट यायेगु, बुधवाः मोटरसाइकल ¥याली पिकायेगु, विहीवाः (माघ १८ गते) ११ बजेनिसें बजाः बन्द यायेगु व १९ गते शुक्रवाःनिसें अनिश्चितकालीन बन्द यायेगु ज्याझ्वः यानाच्वंगु दु।