नेपाल आदिवासी जनजाति पत्रकार महासंघं फोनिज मातृभाषा पत्रकारिता सम्मान–२०८० नेपालभाषा टाइम्स न्हिपौयात बिइगु जुगु दु।

अथेहे फोनिज राष्ट्रिय पत्रकारिता सम्मान–२०८० य् दिलिप थापा मगर, सरोकार टेलिभिजनयात बिइत्यःगु दु। महासंघया साउन २३ गते च्वंगु संघीय सचिवालय बैठकं याःगु निर्णय सार्वजनिकयासे अथे जानकारी बिःगु खः।

फोनिजं ‘फोनिज राष्ट्रिय पत्रकारिता सम्मान–२०८०’, ‘फोनिज मातृभाषा पत्रकारिता सम्मान–२०८०’ व ‘फोनिज राष्ट्रिय पत्रकारिता पुरस्कार–२०८०’ बिइगु निर्णय याःगु खः।

अथेहे फोनिज राष्ट्रिय पत्रकारिता पुरस्कार–२०८० या सिरपा किसन राईयात (मरणोपरान्त), हङकङ, देव पचभैया मगर, जीवन लामा व उन्नति चौधरीयात बिइगु जुगु दु। सिरपा व हना ल्यःज्या समितिइ निवर्तमान अध्यक्ष डण्ड गुरुङया संयोजकत्वय् सल्लाहकारपि आङदावा शेर्पा व मनोज घर्तीमगर दुजःपि दुगु समितिपाखे ल्यःगु खः।

उगु ज्याझ्वः फोनिजया २४ क्वःगु स्थापना दिवसया लसताय् थ्व हे वइगु साउन २७ गतेय् प्रदेश १ या विराटनगरय् तःजिक ज्याझ्वः याना लःल्हाय् त्यःगु खः।

चिनी ल्वय् जूपिन्त मिखाया निःशुल्क मिखा जाँच याइगु जुगु दु।

थ्व हे वइगु साउन २७ गते शनिवाः येँ महानगरपालिका १७ वडा शहरी स्वास्थ्य स्वंयसेबिका परिवारया ग्वसालय् निःशुल्क मिखा जाँच जुइत्यःगु खः।

शनिवाः सुथय् ९ बजेनिसे ४ बजेतक १७ वडा कार्यलयय् जुगु उगु शिबिरय् नेपाल आँखा कार्यक्म तिलगंगा आँखा प्रतिष्ठान प्राविधिक ग्वाहालि व द फ्रेड हलोज फाउडेन्सनं ग्वाहालि याइगु जुगु दु।

परराष्ट्रबिद नाप बरिष्ठ पत्रकार हिरण्यलाल श्रेष्ठ जँय् नसा च्यापे जुया अस्पतालय् भर्ना जुयादीगु दु।

जँय् नसा च्यापे जुया वयकः म्हिगः बजे येँया स्वयम्भुइ च्वंगु मनमोहन मेमोरियल मेडिकल कलेज तथा शिक्षण अस्पतालय् जुयादीगु खः।

वयकःया काय् डा. मुजः श्रेष्ठया कथं स्वन्हु प्यन्हु लिपा जँय् नसा च्यापे जुयाच्वंगु अप्रेसन जुइ धका लहनान्युजयात धयादीगु दु।

श्री शार्दुल जङ्ग गुल्म व नः बहि योग लिसे ध्यान केन्द्रया ग्वसालय् हनुमानध्वाकाया मू चुकय् योगा सचालक जूगु दु।

उगु योगा यायेगु निति येँ महानगरपालिका २३ वडापाखे सहकार्य यागु खः। योग समिति नेपालया केन्द्रीय सदस्य नाप बागमती प्रदेश प्रमुख ग्रोउबेन तौजं स्यनादीगु खः।

उगु योगाया सहकार्य येँ मनपा २३ वडाया अध्यक्ष मचाराजा महर्जन यागुलि समन्वय नःबहि योगपाखे श्याम महर्जन, तिर्थ देवि बज्राचार्य, आनन्द श्रेष्ठ व भारत मास्केयाःगु खः।

श्री शार्दुल जङ्ग गुल्मया गुल्मपती सेनानी पुर्ण प्रजापतिं समुदाय व सेना दथुइ थज्यागु शारारिक योगा ध्यानया बिषय प्राथमिकता थःपिनिगु दु धका धयादीगु खः ।

शेयर बजाः थौं न कुहावःगु दु। शेयर बजाः परिसूचक नेप्से थौं मङ्गलवाः कुन्हु २८ दशमलव ४० अङ्कं कुहावया २ हजार १९ दशमलव ८५ विन्दुइ कुहावःगु दु।

थौं दक्को समूहया शेयर कुहावगुलि विकास बैंक, फाइनान्स, होटल, बीमा व उत्पादन समूहया शेयर तसकं कुहावःगु दु। दकलय् अप्पो थौं गुराँस फाइनान्सया शेयर ८ प्रतिशत व विजय लघुवित्तया शेयर ७ प्रतिशतं कुहावःगु दु।

समग्र बजाः कुहावःगु दु सा दकलय् अप्पो स्वरोजगार लघुवित्त व नेपाल रिपब्लिक मिडियाया शेयर १० प्रतिशतं थहावःगु दु। थौं ४८ लाख ६० हजार कित्ता शेयर १ अर्ब ७३ करोड ७० लाख रुपैयाँया कारोबार जूगु दु।

दकलय् अप्पो आईएमई लाइफ इन्सुरेन्सया १७ करोड ८९ लाख रुपैयाँया शेयर कारोबार जूगु दु।