जनगायक भृगुराम श्रेष्ठ मन्त । वयकः थौं आइतवाः बहनिं ५ः४५ बजे ९२ दँया श्रेष्ठ येँया बीर अस्पतालय् मदुगु खः।

क्यान्सर ल्वय्या वासः यायेगु झ्वलय् मदुगु जानकारी वयकःया काय् जमिनराम श्रेष्ठं बियादिगु दु । छुं न्हिं न्ह्यः जक वयकःयात प्वाःया क्यान्सर जुगु खः।

मदुम्ह श्रेष्ठ नेपालभाषा संगित ख्यःया ज्वःमदुम्ह ब्यक्तित्व खः।

नेपाल आदिबासी जनजाति पत्रकार महासंघ (फोनिज) या भेला नाप न्ह्यक्वःगु पूर्ण बैठक क्वचाःगु दु।

वंगु पुस २५ व २६ गते कैलालीया भादा गाउँ होमस्टेय् उगु मुज्याँ क्वचाःगु खः। बैठकं १७ बुँदे घोषणापत्र न जारी याःगु दु। उगु मुज्यां पहिचानया आन्दोलनय् सामाचार संकलनया लागि स्थलगत खटे जुया ज्यायापि आदिवासी जनजाति पत्रकारतय्त सुरक्षाकर्मी नाप प्रशासनं म्वाय्क म्वाय्कं ज्वनिइगु व दुःख बिइगु यानाच्वंगुलि भत्र्सना न याःगु दु।

पत्रकार तयेगु पेशागत नाप भौतिक सुरक्षायात सुनिश्चित्ता यायेत न सरकारनाप फोनिजं माग याःगु दु। अथेहे थारु समुदायया स्थानीय शासनया कथं दुगु बरघर प्रथायात सरकारं आःतक कानुनी मान्यता मबिउगु विषययात फोनिजं खँ ल्ह्वंगु दु। बैठकं थारु प्रथा परम्परा व संस्कारजन्य मान्यतायात कानुनी हैसियत लःल्हाना थारु तयेगु ऐतिहासिक परम्परायात निरन्तरता बिइत सरकारयात माग याःगु दु। थारु नापं आदिवासी जनजाति समुदायपि दुगु ऐतिहासिक देउथानया संरक्षण लिसे प्रवद्र्धन यायेगु निति राज्यं लगानी याये माःगु माग याःगु दु। अथेहे, श्रमजीवि पत्रकार ऐन जारी जूगु निगु दशक स्वया अप्पो जुइगु धुकुगु दुसा उकियात पूर्ण कार्यान्वयन मजुगु खँ ल्ह्वंगु दु

देयन्यकं च्वपि श्रमजीवि पत्रकार तयेगु ऐनया पूर्ण कार्यान्वयनया माग याःगु दु। मुज्याँ पत्रकार सम्बद्ध संघ संस्थायात बियावयाच्वंगु सरकारी सहुलियत अनुदान रकम म्हो जुगु धका धासे उकियात ई कथं अप्पोकेगु न माग याःगु दु। नापं आदिबासी पत्रकार सम्बद्ध संघ संस्थायात उगु अनुदानपाखे बञ्चित यानाच्वंगु दु धका सरकारया ध्यानाकर्षण न याःगु दु।

अथेहे आदिवासी जनजाति पत्रकार तय्स न्ह्याकाच्वंगु मातृभाषा व मेमेगु भाषाया सञ्चारमाध्यमयात स्तर थकायेत लगानी यायेत न उगु भेलां सरकारनाप माग याःगु दु। नापं सञ्चारमाध्यम समानुपाति समावेशी सिद्धान्तया आधारय् सञ्चालन जुइमफुगु धका धासे बैठकं सरकार नाप निजी स्तरपाखे सञ्चालन यानाच्वंगु सञ्चारमाध्यमया दक्को संरचनाय् समानुपातिक समावेशी ख्वाः वइगु कथं जनशक्ति व्यवस्थापन यायेत व समाचारया विषयवस्तु तक दक्को समुदायया विविधताया किपा वइगु कथं समाचार सामग्री सम्प्रेषण नाप प्रकाशन यायेत माग याःगु दु।

आदिवासी जनजाति तयेगु नखः नेपाल सरकारं आःतक सार्वजनिक विदा बिइत कन्जुस्याइ याना वयाच्वंगु दु धका धासे मुज्याँ आदिवासीतयेगु महत्वपूर्ण नखः जुइगु इलय् सार्वजनिक विदा बिइत सरकारयाके माग याःगु दु। अथेहे, आमसञ्चारमाध्यमयात नियमन, व्यवस्थित यासे प्रदेश सरकारलगायत दयकाच्वंगु मिडिया काउन्सिल विधेयक निर्माण प्रक्रियायात समानुपातिक समावेशी कथं हयेत माग याःगु दु। सुदूरपश्चिम प्रदेशया कैलाली व कञ्चनपुर जिल्लाय् च्वंगु पर्यटकीय ऐतिहासिक थाय् बेहराबाबा, घोरीघोरा, डुबरी ताल, कोइलहुवा ताल, जाखौर ताल, जोगिनिया ताल, इटाहा क्षेत्रलगायत थाय्या संरक्षण लिसे प्रवद्र्धन यायेत सरकारयाके माग याःगु दु।

अथेहे, आदिवासी जनजातिया मौलिक ज्यानापं सम्बन्धित वस्तुकला, हस्तकला, गीतबास, ज्ञान व सस्कार नापं संस्कृतियात व्यवसायीकरण, स्थानीय उत्पादन (महुवा, कोदो, केरा, जाकि, स्याउ आदि) पेय पदार्थया स्तरीकरणया लागि कानुनी मान्यता प्रदानयात सरकारयात इनाप याःगु दु।

जनगायक भृगुराम श्रेष्ठ छुं दिं न्ह्यः बीर अस्पताल भर्ना जुयादीगु दु।

जनगायक श्रेष्ठ वीर अस्पतालया न्हूगु भवनया ११३ ल्याः कोथाय् वासः याकाः वयाच्वनादीगु दु।

स्वास्थ्य दर्पण राष्ट्रिय हेल्थ अवार्ड २०८० पाखे चिकित्सक नापं पत्रकारयाना २५ म्ह सम्मानित जूगु दु।

उगु अवार्डपाखे न्ह्यगू हे प्रदेशपाखे १३ म्ह चिकित्सक, न्याम्ह पत्रकार, न्याम्ह स्वास्थ्यकर्मी व निगु स्वास्थ्य संस्थायात सम्मानित याःगु खः। उगु ज्याझ्वलय् मूपाहाँ कथं डा. शशांक कोइराला, बागमती प्रदेश स्वास्थ्य मन्त्री उत्तम जोशी झायादीगु खः।

चिकित्सकपाखे प्राडा पशुपति चौधरी, प्राडा रामनरेश पण्डित, डा निलम चौरासिया, प्राडा राजेन्द्र प्रसाद कोजु, प्राडा लोक बहादुर सेंढाई, डा. हरि बहादुर खड्का, डा सरु थापा न्यौपाने सम्मानित जुयादीगु खः।

अथेहे चिकित्सकपाखे डा. प्रदेश घिमिरे, डा.गुरु शरण शाह, डा.योगेन्द्र अग्रहरी, डा अखण्ड उपाध्याय, डा प्रमोद जोशी व डा. नर बहादुर मौनी सम्मानित जुयादीगु खःस पत्रकारपाखे बरिष्ठ गणशेखर शर्मा, रामराज पोख्रेल, स्वास्थ्य पत्रकार पूर्णिमा डंगोल शाक्य, वरिष्ठ पत्रकार दीपकजंग हमाल व महेन्द्रराज श्रेष्ठपि सम्मानित जुयादीगु खः।

स्वास्थ्यकर्मीपाखे बालकृष्ण गौतम, ईश्वरी प्रसाद भुषाल, दिपेन्द्र कार्की, मेघराज बलामी व सुरेश कुमार अधिकारीयात अवार्डपाखे सम्मानित जुयादीगु खः। स्वास्थ्य संस्थाय् स्वास्थ्य सेवा निर्देशनालय बर्दिया अस्पताल, बर्दिया व बुलिंगटार गाउंँपालिकाया कार्यालय न स्वास्थ्य संस्थापाखे सम्मान याःगु खः।

नेपालभाषा केन्द्रीय विभागया ई लाइब्रेरी संचालनय् वःगु दु । छगू ज्याझ्वःया दथुइ येँ महानगरपालिकाया उपप्रमुख सुनिता डंगोलं लाइब्रेरीया उलेज्या यानादीगु खः।

ज्याझ्वलय् न्ववानादिसें उपप्रमुख डंगोलं धयादीगु दु ‘थौंया नीछगूगु शताब्दीया विकसित प्रविधिया ग्वाहालिं झीसं संसारन्यंकंया विषयवस्तु विश्वया न्ह्यागु थासय् च्वनाः नं तुरुन्त स्वयेफु, सीकेफु।

उकिं झीगु नेपाःया बारे च्वयातःगु सामग्री नं अध्ययन अनुसन्धान जुइगु कथं विश्वब्यापीकरण जुइकथं त्रिवि नेपालभाषा केन्द्रीय विभागं चायेकूगु ई लाइब्रेरीया निंतिं येँ महानगरपालिकां नं सहकार्य यायेदयाः तसकं लय्ताः वः।’

ई लाइब्रेरीया निंतिं येँ महानगरपालिकां ५० लाख तका ग्वाहालि बिउगु खः। आः थुकियात थप परिष्टकृत यायेत महानगरपालिकां थप बजेट बीगु खँ नं वय्कलं धयादीगु दु।

ज्याझ्वलय् न्ववानादिसें विभागया प्रमुख सहप्राध्यापक डा. राजनलाल जोशीं आः थ्यंमथ्यं प्यद्वः सफू इलाइब्रेरीइ अपलोड जुइधुंकूगु खँ न्ह्यथँसें थुकी नेपालभाषा लिसें नेपाःया कला, साहित्य, संस्कृति सम्बन्धी च्वयातःगु सफू, पुलांपुलांगु थ्यासफू अपलोड यानावनेगु लक्ष्य दुगु खँ कनादिल।