मध्यपुर थिमी नगरपालिकाया ग्वसालय् व मध्यपुर पर्यटन विकास समितिया संयोजनय् वः महोत्सव क्वाचाःगु दु।

थिमीया निपूलिइ तःजिक महोत्सव जुगु खः। उगु महोत्सवय नयेगु नसाँया १३ गु व स्थानीय उत्पादनया ११ गु स्टल तःगु खः।

प्रदर्शनीया मू आकर्षण वः खः।

पूर्वीरुकुम हुकाम गां जःखः केन्द्रविन्दु जूया भुखाय् ब्बःगु दु।

थौं सुथय् २ बजे जुया ५९ मिनेटय् ४.१ म्याग्निच्युडया भुखाय् ब्बःगु दु धका राष्ट्रिय भूकम्प मापन तथा अनुसन्धान केन्द्र लैनचौरं धाःगु दु।

गैर नाफ मुलक सामाजिक शैक्षिक संस्थाया रूपं जिल्ला प्रशासन कार्यालय भक्तपुरय् २०६० सालय् दर्ता जूगु चाँगुनारायण नगरपालिकाय् सञ्चालित नेपाल इन्जिनियरिङ कलेज (नेक) या नियमित शैक्षिक गुणस्तर उन्नयन प्रकृया अन्तरगत निगुया शिक्षक तालिम ज्याझ्वः यलय् प्रशासनिक प्रशिक्षण प्रतिष्ठना (स्टाफ कलेज) य् जुगु दु। उगु ज्याझ्वः नेक व काठमाडौ विश्वविद्यालय दथुइ सम्झौता पत्र आदानप्रदान न जुगु खः।

शिक्षक तालिमया मू आज्जु कलेजया शिक्षकपिन्त निरन्तर व व्यवसायिक शिक्षा अन्तरगत प्रभावकारी शैक्षिक अभ्यास नाप मूल्याङ्कन रणनीतिइ दक्ष दयकेगु खः। ज्याझ्वः न्हापागु दिं पेडागोजिया मुद्दा, प्रयोगात्मक शिक्षा व परियोजना–आधारित शिक्षाय् बःबिगु खः।

उगु ज्याझ्वलय् कलेजया स्नातक व स्नातकोत्तर तहया शिक्षकपिन्स शिक्षण विधिइ गयेयाना विद्यार्थी सहभागित अप्पोकेगुे विषय सीप आर्जन याना महसुस जुइ धका धाःगु खः।

नेपाल इन्जिनियरिङ कलेजया थःगु हे स्रोतपाखे ग्वसाः ग्वगु उगु ज्याझ्वलय् काठमाडौ विश्वविद्यालयया स्कुल अफ एजुकेसनया प्राविधिक ग्वाहालिं जुगु धका कलेजया प्राचार्य प्रा.डा. हरिकृष्ण श्रेष्ठं जानकारी बिःगु खः।

ज्याझ्वःया संयोजन कलेजया अन्तरराष्ट्रिय कार्यक्रम अधिकारी उपप्राध्यापक कृष्ण विक्रम शाह न यानादीगु खः।

प्यंगःथामय् बुगंद्यःया प्रतिमूर्ति ह्यागृव भैरवनाथ व ३२ पानेजु संघयात लःल्हायेवं आः विवाद मिले जूगु दु।

मूर्ति विवाद मिले जुइवं थौं पानेजु संघं थौं सुथय् किपूलि वना प्यंगःथामय् याकःमिसायात प्रसाद ग्रहणया लागि प्रसाद यकूगु दु।

वंगु  मंसिर १५ गते सुखी गँछेः समाजं किपूलिइ प्यंगःथामय् बुगंद्यःया प्रतिमूर्ति व याकःमिसाया मूर्ति स्थापना यायेवं विवाद सुरु जुगु खः।

बुगंद्यःया रथ थतिया इटी त्वाः नं जावलाख्यः सालेगु स्वया प्यन्हु न्ह्यः ह्यागृव भैरवनाथ व ३२ पानेजु मध्येया जल पानेजुपिन्स किपूलि च्वंगु प्यंगःथामय् याकःमिसायात स्वां तयेयकिइगु परम्परा दुगु खः।

मन्त्रिपरिषदया बैठक आः सिंहदरबारय् च्वना च्वंगु दु। सरकारं वइगु आर्थिक वर्षया नीति व कार्यक्रम पारित यायेत उगु बैठक च्वना च्वंगु खः।

राष्ट्रपति रामचन्द्र पौडेलं थौं शुक्रवाः बहनि ६ बजे संसदय् नीति तथा कार्यक्रम प्रस्तुत याइगु ज्याझ्वः दु।