नेकपा एमाले न लडाकु शिविर घोटाला काण्डया छानबिन यायेत सरकारनाप माग याःगु दु।

वंगु बैसाख २८ गते सुरु जूगु थौं शनिवाः समापन जूगु केन्द्रीय कमिटी बैठकं १६ बुँदे समसामयिक प्रस्ताव पारित याःगु दु। उकिइ न्यागु बुँदाय् लडाकु शिविर घोटाला लगायत चर्चाय् दुगु दक्को काण्डया निष्पक्ष छानबिन न्ह्यने यकेत माग याःगु दु।

एमाले न नक्कली भुटानी शरणार्थी प्रकरणय् राजनीतिक पूर्वाग्रह व दबावविना निष्पक्ष रुपं छानबिन याना दोषीयात हदैतक सजायया माग याःगु दु। एमालें सुरुनिसे दोषी सू न छुटे मजुइमा व निर्दोष सून फसेमजुइमा धका धासे राज्यया वैधानिक निकायपाखे याइगु अनुसन्धानय् पूर्ण ग्वाहालि याये धका धाःगु दु।

‘‘थुगु बैठकं उगु प्रकरणय् छु न राजनीतिक पूर्वाग्रह व दवावबिना निष्पक्ष रुपं छानबिन याना दोषीयात हदैतक सजाय जुइमाः धका माग याये’ एमालेया प्रस्तावय् धाःगु दु।

लोकसाहित्य परिषदं ग्वसालय् वाङ्गमय शताब्दी पुरुष डा. सत्यमोहन जोशीया १०४ क्वःगु बुदिं हनेगु झ्वलय् बुधवाः निगू साहित्य कृति सफू पितब्वज्या जूगु दु ।

शताब्दी पुरुष डा. जोशीं रचना यानादीगु मचा चिनाख सफू “चखुंचां हाःगु म्ये” व साहित्यकार मीना बज्राचार्यं च्वयादीगु मचा बाखं सफू “किसिया नसा क्वःया दसा”या पितब्वज्या जूगु खः ।

परिषदया नायः राजित बहादुर श्रेष्ठया सभाध्यक्षताय् जूगु उगु ज्याझ्वलय् मूपाहाँ नांजाःम्ह साहित्यकार हितकरवीर सिंह कंसाकार, विराट नेपालभाषा साहित्य सम्मेलन गुथिया नायः महेन्द्र गोपाल कर्माचाय, यल महानगरपालि वडा १६ या वडाध्यक्ष निर्मलरत्न शाक्य व शताब्दी पुरुष डा.जोशीया म्ह्याय् कावेरी जोशी लगायतं मंकाः कथं चिखिफ्यने ज्याझ्वः याःगु खः ।

सफू चिखिफ्यना ज्याझ्वलय् परिषदया दाँभरीं वासुदेव श्रेष्ठं लसकुस न्वचू तयादीगु खः । ज्याझ्वलय् नुगःखँ तयेगु झ्वलय् मूपाहाँ कंसाकार भाजुं मचा साहित्यया विकास धइगु हे भाषा विकासया पूर्वाधार खः धकाः धयादिल ।

अथेहेतुं च्वमि मीना बज्राचार्यं मचा बाखं च्वयेगु ज्याय् थःत शताब्दी पुरुष सत्यमोहन जोशीं इलयब्यलय् न्वाना च्वनादीगु खँ लुमंकाः दिल ।

येँ महानगरपालिका १३ वडाया समाजसेवी दिलबहादुर मानन्धरया जहान मदुम्ह गणेशदेवी मानन्धरया निदँया पुण्य तिथि लाकाः थ्व हे वइगु जेष्ठ ६ गते शनिवाः, येँया मरूहिति व्यांक्वेटय्, न्हापांगु साहित्यिक नाप सङ्गितिक सम्मान ज्याझ्वः यायेत्यंगु दु ।

मदुम्ह गणेशदेवी मानन्धरया लुन्तिइ वय्कःया परिवारपाखें गणेश देवी मानन्धर स्मृती प्रतिष्ठान गठन याःगु खः । वहे प्रतिष्ठानया ग्वसालय् थुकथं हनेगु ज्या जुइत्यंगु खः ।

उगु ज्याझ्वलय् गायन, संगीत व पत्रकारीता बिधा याना मुक्कं स्वम्हेसित हनेत्यःगु खः । हना ज्याझ्वलय् जनगायक भृगुराम श्रेष्ठ, वरिष्ठ सिने पत्रकार विजयरत्न असंबरे व उदीयमान कलाकर सिद्धार्थ बज्राचार्ययात हनिगु जूगु दु।

कृषि विज्ञ मदन राईयात प्रहरीं नियन्त्रणय् काःगु दु। खोटाङ प्रहरीं थौं राईयात वयागु हे शुभम् फाउन्डेसनपाखे नियन्त्रणय् काःगु खः।

राईयात शुभम फाउन्डेसनं सन्चालन याःगु विद्यालय अध्ययनच्वपि विद्यार्थीपिन्त यौन दुर्व्यवहार याःगु द्धपनय् प्रहरी ज्वंगु खः। वयालिपा न्यनेकने यायेत जिल्ला प्रहरी कार्यालयय् हयागु खः व न्यनेकने यायेगु ज्या जुयाच्वंगु दु धका इन्सपेक्टर वेनुकुमार कार्की न जानकारी बिःगु दु।

शुभम् फाउन्डेसन अन्तर्गत खोटाङया रुपाकोट मझुवागढी नगरपालिकाय् जनजागृति माध्यामिक विद्यालयपाखे छगु ज्याझ्वः न्ह्याका वयाच्वंगुः खः।

गण्डकी प्रदेशय् मन्त्रिपरिषद् विस्तार याइगु जुगु दु।

मुख्यमन्त्री सुरेन्द्रराज पाण्डे न नेपाली कांग्रेसया नवलपुरया महेन्द्रध्वज जिसी व बाग्लुङया दीपेन्द्रबहादुर थापा, नेकपा एकीकृत समाजवादीपाखे राजीव गुरुङ (दीपक मनाङे) व नेकपा माओवादी केन्द्रपाखे रेशमबहादुर जुग्जाली नियुक्त याःगु दु।

नवनियुक्त मन्त्रीपिन्त थौं न्हिनय् ४ बजे शपथ ग्रहण तयातःगु दु धका गण्डकी प्रदेश प्रमुखया कार्यालय प्रवक्ता चण्डीप्रसाद अर्यालं जानकारी बिःगु दु।