संघीयता, गणतन्त्र व धर्म निरपेक्षताया विरुद्ध थीथी कथंया गतिविधि जुयाच्वंगु इलय् थ्व हे खँयात ध्यानय् तयाः नेवाः व तामाङ खलः पुचःतय्सं असं दबुलिइ छगू खबरदारी सभा यागु दु।

सभा यायेगु न्ह्यः भूगोलपार्कंनिसें छगू ¥याली पिकासे असनय् थ्यंकाः सभाय् हिउगु खः । नेवाःतय्गु राष्ट्रिय संगठन नेवाः देय् दबू व थीथी नेवाः खलः पुचःलिसें ताम्सालिङ संघर्ष समितिया मंकाः ग्वसालय् उगु सभा याःगु खः । सभायात सम्वोधन यायेगु झ्वलय् वक्तातय्सं संघीय गणतन्त्र, संघीयता व धर्म निरपेक्षताविरुद्ध गतिविधि यानाच्वंपिं प्रतिगामी शक्तियात खबरदारी यायेगु ज्या जुगु खः ।

उगु ज्याझ्वःया सभाध्यक्षता नेवाः देय् दबूया केन्द्रीय नायः पवित्र बज्राचार्यं यानादीगुलि मूपाहां कथं नेपाली कांग्रेसया नेता लिसें पुलांम्ह रक्षामन्त्री भिमसेनदास प्रधान झाःगु खः । ज्याझ्वलय् थःगु नुगः खँ तयेगु झ्वलय् प्रगतिशील च्वमिं पहिचानवादी समुदायं न्ह्याकाच्वंगु आन्दोलनयात थःगु पूर्ण समर्थन दुगु खँ कनादिल । राज्यपाखें सदियौं न्ह्यवंनिसें यानातःगु उत्पीडिनया विरुद्ध थौं पहिचानवादीत हानं दना वःगु खँ वय्कलं कनादिल ।

आः वनेधुंकूगु राजतन्त्रया भूत हानं थनेगु कुतः जुयाच्वंसां थ्व ताःमलाइगु दावी वय्कलं यानादिल । ताम्सालिङ संघर्ष समितिया नायः लिसें तामाङ घेदुङया नं नायः मोहन गोलें पहिचानसहितया संघीयतायात क्वातुकेत अझ नं आन्दोलन न्ह्यानाच्वंगु दनि धासें प्रदेश १ य् कोशी प्रदेशया नां खारेज यानाः लिम्बुवान प्रदेश घोषणा यायेगु निंतिं जुयाच्वंगु आन्दोलनयात नेवाः व ताम्सालिङया भूमिपाखें ऐक्यबद्धता व समर्थन दुगु खँ कनादिल ।

वय्कलं प्रतिगामी शक्तिया विरुद्ध संघर्ष यायेगु व नेवाः तामाङ भूमिइ नेवाः व ताम्सालिङ प्रदेश घोषणा याकेगु नितिं निरन्तर आन्दोलन यायेगु प्रतिबद्धता पौ नं ब्वनाः न्यंकादीगु खः ।

किपूली दिपया लागा जुयाः मेगु वस्ती वनेत न्हुगु लँ दयेक्यवं बिरोध सुरु जुगु दु। किपू नगरपालिका वडा नंं. ७ स्थित पांगामि तय्गु भाजंगाः दिप संरक्षण यायेत किपूया स्थानीय जनता दना वःगु दु ।

उगु हे दिपया लागा जुयाः कार्की वस्ती वनेगु न्हूगु लँपु दयेका हयेवं स्थानीय मनूतय्सं उकिया विरोध याःगु खः । अन लँ दयेका हल धाःसा लिपा वनाः लँय् वये–वने याइपिंत मछिन धकाः दिपय् मनू उइगु ज्या हे बन्द याके फइगु सम्भावनायात ध्यानय् तयाः स्थानीय जनतां अन लँ पिकाये मजिउगु खँ धयाहःगु दु ।

थथे हे येँय् नं थीथी थासय् लँ खुले जुइवं पिनेयापिं मनूत वयाः च्वं वयेगु क्रम अप्वया वःगु व लिपा उमिसं स्थानीय जनताया परम्परागत दिपय् मनू उइ दइ मखु धकाः हस्तक्षेप याना हःगु खँयात मध्यनजर यासें किपुलिइ नं कन्हय् थ्वहे अवस्था वयेफुगु जूगुलिं आः हे सः तया हःगु खः ।

थुकिया नितिं पत्रकार नजरराम महर्जनया अध्यक्षताय् बिष्णुदेवी चिहान संरक्षण संघर्ष समिति गठन न जुगु दु । उगु संघर्ष समितिपाखें छगू ¥यालीयासे किपू नगरपालिकाया मेयर राजकुमार नकर्मीयात ज्ञापनपौ तक लःल्हाये धुकुगु दु। उगु ज्ञापनपौ लःल्हाना कासें मेयर नकर्मीं किपूमिया थ्व माग पूवंकेत थः तयार दु धका जानकारी बियादीगु खः ।

लिसें उगु दिप जुकाः दयेकेत्यंगु लँया निर्माण ज्या नं दिकेधुंकूगु खँ धाःगु दु । संघर्ष समितिया नायः महर्जनं सामाजिक सञ्जालय् सार्वजनिक यानादीगु कथं अन नक्साय् गनं हे किटान मजूगु थासय् लँ पिकायेगु कुतः जूगु खः ।

उगु थासय् वनेगु लागिं मेगु हे लँ दुसां वहे थासं लँ पिकायेत्यंगु खँय् थःपिनि आपत्ति दुगु खँ नं वय्कलं कनादिल ।भाजंगाःया उगु दिपय् मनू उइबलय् चिता दयेकाः मिँतया थकल धाःसा सीम्ह अथें उइ सिधइ धाइ ।

येँ महानगरपालिकां पसः पसःपतिकं सुर्तीजन्य पदार्थ जफत यायेगु सुरु याःगु दु। येँ सुर्तीजन्य पदार्थ मिइ मदुगु व मिउगु पसलय् अनुगमन यायेगु सुरु खः।

महानगरपालिकां सूर्तीजन्य पदार्थया भण्डारण, बिक्री वितरण व प्रयोग यायेगुलि पूर्ण प्रतिबन्ध तःगु खः। बिहीवाः सुथंनिसे थीथी थासय् महानगर प्रहरीं सुर्तीजन्य पदार्थ जफत यायेगु सुरु याःगु खः।

महानगर प्रहरीं अनुगमनया लागि झीम्ह झीम्हेसिगु टोली परिचालन याःगु दु। अथेह सादा पोशाकय् न प्रहरी परिचालन याःगु दु।

२९ क्वःगु महानगर दिवसया लसताय् राष्ट्रिय सभा गृहमा जूगु ज्याझ्वलय् महानगरपालिका स्तरीय बाँसुरी धेंधेँबल्ला कासाय् वडा नं. २६ या थँवही ल्याय्म्ह पुचः न्हाप जूगु दु।

अथेहे वडा नं. १६ या श्री श्वेत बिनायक बाँसुरी ल्हुति संरक्षण समिति ल्यु व वडा नं. २० या अशोक विनायक व्यवस्थापन समाजया बाँसुरी खलः लियाल्यु लागु दु। न्हापलापिन्त १ लाख ५० हजार रुपैयाँ नगद व शिल्डया कथं वहःया  छपू बाँसुरी, लिउलाम्हेसित १ लाख रुपैयाँ नगद व वहःया छपू बाँसुरी व लियाल्यु लापिन्त ५० हजार रुपैयाँ नगद नाप छपू चिपूगु  बाँसुरी लःल्हागु खः।

उगु कासाय् नेपाल संगीत लिसे नाट्य प्रज्ञा प्रतिष्ठानपाखे जीवन आले, सांस्कृतिक संस्थान (राष्ट्रिय नाच घर) पाखे दूर्गाप्रसाद खतिवडा, रेडियो नेपालपाखे डा. निरञ्जन राजभण्डारीपि निर्णायक मण्डलय् च्वंगु खः। येँ महानगरया उपप्रमुख डंगोलं सिरपा लःल्हानादिगु खः।

उगु कासाय् न्ह्यगू पुचलं ब्बति काःगु खः। सिरपा मत्यापिन्त प्रोत्साहन कथं झीद्धः झीद्धः ध्यवा लःल्हागु खः। प्रोत्साहन कथं येँ वडा नं. १२ पाखे धर्मचक्र तःननी खल, वडा नं. ८ पाखे ग्वलः बाजं खलः, वडा नं. २२ या पाक्वः पुखुद्या मानन्धर सनाः खल, वडा नं. २४ या केशचन्द्र महाविहार संरक्षण समाजपिन्त झीद्धः ध्यवा लःल्हागु खः।

येँ महानगरपालिकां कन्ह्यनिसे सूर्तीजन्य पदार्थया भण्डारण, विक्री वितरण व प्रयोगयात पूर्ण प्रतिबन्ध याइगु जुगु दु। थुकियात मंसिर १२ गते १५ दिंं न्ह्यः हे सार्वजनिक सूचं प्रकाशन याःगु खः।

थौं छगु पत्रकार सम्मलेनयासे प्रवक्ता नविन मानन्धरं अथे जानकारी बिःगु खः। वयकलं धयादीगु प्लाष्टिकं वातावरणय् थप नकारात्मक असर याःगुलि प्लाष्टिक प्याकिङ्य् खँ स्वांगु खः।

कच्चा सूर्ती, खैनी, गुट्खा प्रकृतिया दक्को प्रकारया सूर्तीजन्य पदार्थय् प्रयोग, विक्री व भण्डारणय् प्रतिबन्ध तयागु दु धका धयादीगु खः।

अनुगमनया लागि झीगु पुचलय् नगर प्रहरीया न्यागु टोली, सादा पोशाकय् नगर प्रहरी व कर्मचारी खटे याःगु दु ।

प्रवक्तां धयादीगु दु, ‘अनुगमन यायेगु इलय् पसलय् सूर्तीजन्य बस्तु खनदत धाःसा निकःतक जफत यायेगु व स्वक्वःगु पटकय् पसः बन्द यायेगु तक कारवाही जुइ।’