Display Style:
Column Style
गण्डकी प्रदेशया मुख्यमन्त्रीइ सुरेन्द्रराज पाण्डे नियुक्त
लहनान्युज | तछलाथ्व सप्तमी ११४३, बैसाख १४ बिहीवाः
गण्डकी प्रदेशया मुख्यमन्त्री सुरेन्द्रराज पाण्डें आः गठबन्धन प्रदेशसभा जुतले याइगु जुइ धका धाःगु दु।
मुख्यमन्त्री नियुक्त जुइवं पत्रकारपि नाप खँ ल्हायेगु झ्वलय् वयकलं कांग्रेस–माओवादी नाप गठबन्धन जुतले जुइ धका धयादीगु खः।
‘थुगु गठबन्धन प्रदेशसभाया ई गुलितक ई दु, उलि तक जुइ’ पत्रकारपिन्स न्यंगु न्ह्यसःया लिसः बिइगु झ्वलय् अथे धयादीगु खः।
लुम्बिनी प्रदेशया मुख्यमन्त्रीइ कांग्रेसया डिल्लीबहादुर चौधरी दाबीयात
लहनान्युज | तछलाथ्व सप्तमी ११४३, बैसाख १४ बिहीवाः
नेपाली कांग्रेसया नेता डिल्लीबहादुर चौधरीं लुम्बिनी प्रदेशया मुख्यमन्त्रीइ दाबी पेस याःगु दु। प्रदेश प्रमुख अमिक शेरचनयात च्याःगु दलीय गठबन्धनयापाखे चौधरीं मुख्यमन्त्रीइ दाबी पेस याःगु खः।
दाङ क्षेत्र नम्बर ३ (१) प्रदेश सभा सदस्य चौधरीं नेपाली कांग्रेसनाप, माओवादी केन्द्र, जसपा, लोसपा, नागरिक उन्मुक्ति, जनमत, राष्ट्रिय जनमोर्चा, एकीकृत समाजवादी लगायतया समर्थनय् दाबी पेस याःगु खः।
चौधरीयात ५३ सांसदपिनिगु समर्थन दुगु ल्हाःचिं लःल्हाःगु दु। ८७ सदस्यीय लुम्बिनी प्रदेश सभाय् बहुमतया लागि ४४ सांसदपिनिगु समर्थन माः।
लुम्बिनीइ एमालेया २९, नेपाली कांग्रेसया २७, माओवादीका ११, राप्रपाका व नागरिक उन्मुक्ति पार्टीया प्यम्ह प्यम्ह, जनमत पार्टी, जनता समाजवादी पार्टी व लोकतान्त्रिक समाजवादी पार्टीया स्वम्ह स्वम्ह, राष्ट्रिय जनमोर्चा व नेकपा एकीकृत समाजवादीया छम्ह छम्ह व स्वतन्त्र छम्ह सांसद दु।
राष्ट्रिय सभा बैठक स्थगित
लहनान्युज | तछलाथ्व सप्तमी ११४३, बैसाख १४ बिहीवाः
राष्ट्रिय सभा बैठक स्थगित जूगु दु। थौं न्हिनसिया १ बजे च्वनिइगु धका धाःगु बैठक शुक्रबाः तकया लागि स्थगित याःगु दु।
बैठक शुक्रबाः न्हिनसिया ४ बजे च्वनिइगु जुइ धका राष्ट्रिय सभा अध्यक्षया सचिवालयं धाःगु दु।
गण्डकी प्रदेश सरकार गठनया लागि ई थौं क्वचाइगु
लहनान्युज | तछलाथ्व सप्तमी ११४३, बैसाख १४ बिहीवाः
गण्डकी प्रदेश सरकार गठनया लागि बिःगु ई थौं क्वचाइगु जुगु दु।
प्रदेश प्रमुख पृथ्वीमान गुरुङं थौं मंगलबाः दलपिन्त सरकार गठनया लागि दाबी पेस यायेत आह्वान याःगु दु।
प्रदेश प्रमुख गुरुङं संविधानया धारा १६८ (२) कथं सरकार गठनया लागि थौं बिहीबाः न्हिनसिया ४ बजे तक ई बियातःगु खः।
लुम्बिनी प्रदेशय् बहुमतया सरकार गठन ई थौं क्वचाइगु
लहनान्युज | तछलाथ्व सप्तमी ११४३, बैसाख १४ बिहीवाः
लुम्बिनी प्रदेशय् बहुमतया सरकार गठन यायेगु निति बिःगु ई थौं क्वचाइगु जुगु दु ।
मंगलबाः प्रमुख अमिक शेरचनं संविधानया धारा १६८(२) कथं न्हुगु सरकार गठनया लागि आह्वान याःगु खः।
संविधानया धारा १६८ या उपधारा (२) कथं निगु वा निगु स्वया अप्पो दलपिनिगु समर्थनय् ल्हाःचि नाप स्पष्ट बहुमत खनेदुगु आधार ज्वना थौं बिहीबाः न्हिनय् ४ बजेतक दाबी पेस यायेत धाःगु खः।
लिला गिरीया नेतृत्वय् सरकार सोमबाः विश्वासया मत गुमे जुगुलि न्हुुगु सरकार गठनया लागि आह्वान याःगु खः ।
