राष्ट्रिय सभाया बैठक स्थगित जूगु दु। थौं च्वनिइगु धका धाःगु बैठक विशेष कारण धका धासें स्थगित याःगु दु।

कारण धका धासां प्रधानमन्त्री प्रचण्डया जहान सीता दाहाल मदुगुलि बैठक स्थगित जूगु खः।

नेपाली कांग्रेसया केन्द्रीय समितिया बैठक थौं च्वनिगु धाःगु बैठक स्थगित जूगु दु।

प्रधानमन्त्री पुष्पकमल दाहाल प्रचण्डया जहान सीता दाहाल मदुगुलि कांग्रेस केन्द्रीय समितिया बैठक स्थगित जूगु खः।

आः केन्द्रीय समितिया बैठक साउन २ गते च्वनिइगु जुगु दु।

येँ महानगरपालिकां फुटपाथ व चिधःपि व्यापारीपिनिगु ज्यादती याःगु धासे विरोध प्रदर्शन याःगु दु।

महानगरपालिकाया ज्याकू न्ह्यने स्वतन्त्र युवा समूहपिन्स ‘गरिखान देऊ’ धका विरोध याःगु दु।

उमिसं महानगरपालिकया मेयर बालेन्द्र साह (बालेन) न चुनाव न्ह्यने हाःगु म्ये ‘गरिबया चमेली सू मदु’ धका म्ये हालां विरोध याःगु खः।

महानगरपालिकाया नगर प्रहरीपिन्स फुटपाथ खाली यायेगु नामय् म्वाये हे थाकुगुलि विरोध यानागु धका बिरोध यायेगु निति वःपिन्स धाःगु दु।

वाः वयाच्वसां महानगरया ज्याकू न्ह्यने मदिक्क प्रदर्शन यानाच्वंगु दु।

प्रधानमन्त्री पुष्पकमल दाहाल प्रचण्डया जहान सीम्ह सीता दाहालयात श्रद्धाञ्जलीया लागि पार्टी कार्यालय पेरिसडाँडाय् तयातःगु दु। सीता दाहाल थौं सुथय् ८ः३३ बजेय् ६९ दँय् नर्भिक अस्पतालय् मदुगु खः।

थौं न्हिनय् १ बजे तक सीम्ह पार्टी केन्द्रीय कार्यालयया पेरिसडाँडाय् श्रद्धाञ्जली तया तःगु खः।

श्रद्धाञ्जली धुका थौं हे न्हिनय् २ बजे पशुपति आर्यघाटय अन्त्येष्टि याइगु धका माओवादी केन्द्रया महासचिव देव गुरुङं जानकारी बिःगु दु।

प्रधानमन्त्री प्रचण्डया जहान सीता दाहालयात थौं पशुपति आर्यघाटय् अन्त्येष्टि याइगु जुगु दु।

व स्वया न्ह्यः सीम्ह पार्टी केन्द्रीय कार्यालय पेरिसडाँडाय् श्रद्धाञ्जलीया लागि तइगु जुगु दु। थौं सुथय् ११ बजेनिसे न्हिनय् १ बजे तक पार्टी केन्द्रीय कार्यालय पेरिसडाँडाय् श्रद्धाञ्जलीया लागि तइगु जुगु दु।

अथेहे २ बजे पशुपति आर्यघाटय् अन्त्येष्टि याइगु धका माओवादी केन्द्रया केन्द्रीय सदस्य रामप्रसाद सापकोटा (दीपशिखा) न जानकारी बिःगु दु।