लिपागु २४ घण्टाय् थप ५५ म्हेसित कोरोना संक्रमण पुष्टि जूगु दु।

स्वास्थ्य मन्त्रालयया कथं १ हजार २१६ म्हेसिगु नमूनामध्ये ६७१ म्हेसित पीसीआर परीक्षण याःगुलि ५० म्ह व ५४५ म्हेसित एन्टीजेन परीक्षण याःगुलि न्याम्हयाना ५५ म्हेसित कोरोना सक्रमण खनेदुगु दु।

अथेहे थ्व नापा आःतक कोरोना संक्रिय संक्रमितपि ३९६ म्ह थ्यःगु दु। स्वनिगलय् १९ म्हेसित कोरोना संक्रमित जूगु दु सा संस्थागत आइसोलेशनय् १३ म्ह च्वनाच्वंगु दु।

शेयर बजाः थौं कुहावःगु दु। शेयर बजाः परिसूचक नेप्से थौं आइतवाः २८ दशमलव ३१ अङ्कं कुहावया १ हजार ८ सय ३८ दशमलव ४८ विन्दुइ कुहावःगु दु।

थौं दक्को समूहया शेयर माइक्रोफाइनान्स, जलविद्युत् व बीमा समूहया शेयर तसकं कुहावःगु दु। बजाः घटे जूसा कारोबार रकमय् धाःसा छु भचा सुधार वःगु दु।

२६८ गु कम्पनीया ३८ लाख ४३ हजार कित्ता शेयर १ अर्ब १५ करोड ९४ लाख रुपैयाँ न कारोबार जूगु दु। दकलय् अप्पो शिवम् सिमेन्ट व नबिल बैंकया ५ करोड ७८ लाख रुपैयाँया शेयर किनबेच जूगु दु।

दकलय् अप्पो मायाखोला जलविद्युत् कम्पनीया शेयर ६ प्रतिशतं व सामुदायिक लघुवित्त, सिँगटी हाइड्रो, मिथिला लघुवित्त व इस्टर्न हाइड्रो कम्पनीया शेयर साढे ५ प्रतिशतं कुहावःगु दु।

समग्र बजाः घटे जूसा कालिञ्चोक दर्शन लिमिटेड कम्पनीया शेयर १० प्रतिशतं थहावःगु दु।

टोखा संस्कृति संरक्षित क्षेत्र बिकास समितिया ग्वसालय् बाँसुरी धेँ धेँ बल्ला सास्कृतिक ब्बज्या नाप हना ज्याझ्वः जुगु दु।

टोखाय् जूगु उगु ज्याझ्वलय् नेवाः पत्रकार राष्ट्रिय दबूया नायः नृपेन्द्रलाल श्रेष्ठ, प्रतिनिधि सभा सदस्य प्रदिप पौडेल, बागमति प्रदेशया सदस्यपि श्यामबहादुर खड्का व ज्ञानबहादुर तामाङ्ग, बहुप्रतिभा गुरु बिधान श्रेष्ठ व बाजं गुरु धर्म मुनिकारयात छगु ज्याझ्वः दथुइ हंगु खः।

धम्मवती गूरुमायात मंकाः कथं तःजिक हनीगु जुगु दु । तःजिक हनेगु नितिं निस्वंगु समारोह समितिया मू छ्रयाञ्जे मदनरत्न मानन्धरं क्षेत्रपाटी पार्टी प्यालेसय् जुगु बृहत भेलायात थुकिया जानकारी बियादिगु खः ।

वयकलं समारोह समिति थथे निति तयारी यानाच्वनाःगु जाकारी बियादिसें धम्मवती गूरुमां ९० दँ क्यनेत्यंगु लसताय् धम्मपूजा यानाः हनेगु खँ कनादिगु खः ।

उगु ज्याझ्वः २०८० साल बैशाख १ गते १ बजे सभागृहलय् छगू तःजिगु ज्याझ्वः यानाः हनेत्यनाःगु धका जानकारी बियादिसें उगु ज्याझ्वः ताः लाकेत सकसिया ग्वहालिं यायेत इनाप यानादिगु दु।

येँ महानगरपालिकां हाकन सुकुमबासी बस्ती चिइकेगु तयारी यायेवं विरोधय् कुहावःगु दु। येँ महानगरया नगर प्रहरी वइगु सूचं वयेवं बागमती करिडोरया सुकुमबासीपिन्स टायर च्याका प्रदर्शन याःगु खः।

करिडोरया बानेश्वर क्याम्पस–सिनामंगल क्षेत्रय् टायर च्याका बिरोध याना लँ पना बिःगु खः। उगु थासय् आः नेपाल प्रहरी व सशस्त्र प्रहरीपि न खटे यानातःगु दु।