डेभिड वार्नर व मिशेल मार्श विश्वकप क्रिकेट अष्ट्रेलियाया लागि न्हुगु रेकर्ड तःगु दु। शुक्रवाः बैंग्लुरुय् पाकिस्तानं टस त्याका फिल्डिङ याःगु खः ।

लागि ओपनिङ याःपि निम्हेसिया न्हापागु विकेटया लागि २५९ रनया साझेदारी याःगु खः। थ्व स्वया न्ह्यः २०११ य् अष्ट्रेलियाया ब्राड हेडिन व शेन वाट्सनं क्यानडाविरुद्ध १८३ रनया साझेदारी याःगु खः। विश्वकपया रेकर्ड न त्वाः थःगु दु।

सन् २०११ य् श्रीलंकाया तिलकरत्ने दिलशान व उपल थरंगाले जिम्बाव्वेविरुद्ध २८२ रनया अ‍ेपनिङ साझेदारी याःगु खः। २५७ रनया साझेदारी यायेगु झ्वलय् वार्नर व मार्श निम्हेसिया शतक दयकूगु खः।

न्हापागु विकेटय आउट जुइ न्ह्य मार्स १२१ रन दयकूगु खः। वार्नर आः न क्रिजय् दु। आःतका १५० रन स्वया अप्पो दय्के धुकल।

असनय् भारी क्वबिया गुजारा यानाच्वपि निम्ह मजदुर सीउगु दु। सीपि दोलखा कालिन्चोकया ५४ दँ दुम्ह पूर्णबहादुर थामी व मेम्ह ३५ दँ दुम्ह खः।

निम्हेसिगु म्हसिका धाःसा सिइमदुनि। प्रहरीया कथं निम्हं ज्याला मजदुरी याइपि धका धाःगु दु।

प्रहरी वृत्त जनसेवाया प्रमुख डीएसपी भेषराज रिजालया कथं निम्ह न्हिया न्हिथं ज्यालादारी ज्या याइपि व चान्ह्यः लँय् द्यना च्वंपि अनय् मदुगु खः।

माथिल्लो मैलुङ खोला जलविद्युत लिमिटेड सर्वसाधारणयात प्राथमिक सेयर (आईपीओ) बाँडफाँट याःगु दु। कम्पनीया धितोपत्र निष्कासन लिसे बिक्री प्रबन्धक सानिमा क्यापिटलं थौं शुक्रवाः सुथय् कम्पनीया आईपीओ बाँडफाँट याःगु खः।

कम्पनीं असोज १८ निसे २२ तक सर्वसाधारणया लागि १२ करोड ४ लाख २० हजार रुपैयाँ बराबरया १२ लाख ८४ हजार २०० कित्ता सेयर निष्कासन याःगु खः। प्रतिकित्ता १०० रुपैयाँ अंकित भाः तया पिकाःगु उगु आईपीओय् कुल ११ लाख ९० हजार २९६ म्हेसिया आवेदन बिःगु खः। उकि मध्ये ११ लाख ८५ हजार ६ सय ४२ म्हेसिगु आवेदन स्वीकृत जूगुलि ४ हजार ६५४ म्हेसिगु आवेदन रद्द जुगु खः।

कम्पनीं आईपीआ माग जूगु स्वया अप्पो आवेदक वंगुलि धितोपत्र निष्कासन बाँडफाँट निर्देशिका कथं गोलाप्रथापाखे आईपीओ इने ज्या जूगु खः। अथे १० कित्ता सेयर इनेगु याःगुलि १ लाख २८ हजार ४२० आवेदक तय्गु १० कित्ताया हिसावं कम्पनीया शेयर काये दइगु जूगु दु।

कम्पनीं रसुवाया उत्तरगया गाउँपालिकाय् १४.३ मेगावाटया च्वयागु मैलुङ खोला जलविद्युत आयोजनाया निर्माण जूया च्वंगु खः ।

मोहनि हनिइगु निति स्वनिगः त्वःता छेँ लिहावनिइपि यक्को जूगु दु। म्हिगः म्हिगं स्वया थौ येँ त्वःतू यक्को खनेदु।

कलङ्की, बालाजु, बल्खु, कोटेश्वरलगायतया थासं सुथंनिसे हुल खने दु। थौं स्वया अप्पो कन्ह्यः शनिवाः नापं फूलपाती न जूगुलि सरकारी कार्यालय न बन्द जुइगु जुगुलि कन्ह्यः अझ छेँ लिहावनिइपि यक्को जुइगु अनुमान दु।

लुँया भाः थौं न्हुगु रिकर्ड जूगु दु। लुँ तोलां थौ १ हजार ८ सय रुपैयाँ थहावना १ लाख १५ हजार ५ सय रुपैया थ्यःगु दु धका नेपाल सुन चाँदी व्यवसायी महासङ्घं धाःगु दु।

अथेहे तोलां न न्यातका थहावःगु दु। वहः तोलां न्यातका थहावना १ हजार ४ सय रुपैयाँ न कारोबार जूगु दु धका महासङ्घं धाःगु दु।