सर्वोच्च अदातलं रवि लामिछानेयात सांसद जुइत अयोग्य धायेवं वयागु उपप्रधान नाप गृहमन्त्री पद न वंगु दु।

नेपालय् मन्त्री जुइगु लागि नेपाःया नागरिक जुइमाः । वयात नेपाःया नागरिकता मखु ठहर यायेवं मन्त्री पद स्वतः खारेज जुगु दु।

लामिछाने ३२ दिं न्ह्यः जक उपप्रधान नाप गृहमन्त्री जूगु खः। सर्वोच्च अदालतया संवैधानिक इजलासया फैसलालिपा पुस ११ गते उपप्रधानमन्त्री नाप गृहमन्त्रीइ नियुक्त जूगु खः।

रवि लामिछानेया नागरिकता अवैध ठहर यायेवं सर्वोच्चया फैसलाविरुद्ध नाराबाजीयाःपिन्त प्रहरीं नियन्त्रणय् काःगु दु।

थौं शुक्रबाः बहनि सर्वोच्चपिने नाराबाजी यानाच्वपिन्त प्रहरीं नियन्त्रणय् काःगु दु।

सर्वोच्च अदालतं सांसद पद खारेज यायेवं रवि लामिछानेया उपप्रधान नाप गृहमन्त्री पद न वःगु दु।

अमेरिकी नागरिकता त्यागेयाना नेपाली नागरिकता हाकन कायेगु प्रक्रिया हे मयागु धासे सर्वोच्च अदालतं लामिछाने उम्मेदवार न अयोग्य धका ठहर याःगु खः।

थ्व नाप वयागु उपप्रधानमन्त्री नाप गृहमन्त्री पद न वःगु दु। फैसला वयेवं महान्यायाधिवक्ता कार्यालयय् वरिष्ठ सरकारी वकिलह दथुइ छलफल जुयाच्वंगु दु।

‘नागरिकता पद हे मजुगुलि आः निगु न पद दइमखु’, छम्ह सरकारी वकिलया कथं, ‘लामिछाने तत्काल नागरिकता कालधाःसा संविधानय् खुलाया दुने दुगु प्रावधान कथं लामिछानया पुनर्नियुक्त जुइगु लँ चायेफु। उकिया बारे जिमिसं खँ ल्हानाच्वंनागु दु।’ 

सर्वोच्च अदालतं रवि लामिछानेया नागरिकता अवैध ठहर याःगु दु। कामु प्रधानन्यायाधीश हरिकृष्ण कार्की नाप न्यायाधीशपिं विश्वम्भर श्रेष्ठ, ईश्वरप्रसाद खतिवडा, आनन्दमोहन भट्टराई व अनीलकुमार सिन्हाया संवैधानिक इजलासं लामिछानेया नागरिकता अवैध जूगु धासे नागरिकता कायेगु प्रक्रिया पूरा मजूतले वयात नेपाःया नागरिक धाये फइ मखु धका फैसला याःगु दु।

अमेरिकी नागरिक जूगुलि लामिछाने न २०७० सालय् भिषा कया नेपाः वःगु खः। ०७२ सालय् नेपाःया पुलागु नागरिकता छ्यला पासपोर्ट दयकूम्ह लामिछाने न अमेरिकी नागरिकता धका ०७५ साल असार ६ गते जक परित्याग याःगु खः। स्वदँ तक लामिछाने न अमेरिका व नेपाः निगु हे पासपोर्ट तयातःगु खः। नागरिकता परित्यापग लिपा लामिछाने नेपाःया नागरिकता कायेगु लागि प्रक्रिया न्ह्याकूगु मदुनि।

लामिछानें न्हुगु नागरिकताया प्रक्रिया हे मयासे राजनीतिक दल चायेका चुनाव ल्वाःगु खः। वयागु नागरिकता हे वैध मजुगु धका उजुरी वःगु खः। उकिइ निर्वाचन आयोगं सुनुवाइ मयागुलि अधिवक्तापि रविराज बसौला, युवराज पौडेलपिन्स रिट दायर याःगु खः।

सर्वोच्च अदालतय् सुरक्षा व्यवस्था कडा याःगु दु।

सर्वोच्च अदालतया संवैधानिक इजलासं गृहमन्त्री रवि लामिछानेया नागरिकता विवादय् थौं फैसला न्यकेगु तयारी जुइवं सुरक्षा व्यवस्था कडा याःगु दु।

संवैधानिक इजलासय् न्याम्ह न्यायाधीशपि छलफल यानाच्वंगु दु। वंगु बुधबाःनिसे जूगु सुनुवाइ थौं फैसला यायेत्यःगु दु।

सर्वोच्च अदालतय् वःगु बुधबां हे दक्को लिखित लिसः बहसनोट व लामिछानेया नागरिकता छानबिनया भ्वँ पेश याये धुकुगु दु।