नागरिक उन्मुक्ति पार्टी सरकारय् सहभागी मजुइगु जुगु दु।

अध्यक्ष रञ्जिता श्रेष्ठया कथं राजनीतिक माग पुरा मजुतले पार्टी सरकारय् सहभागी मजूइगु दु।

श्रेष्ठं थौं डिल्लीबजारया कारागारय् वना रेशम चौधरीनाप छलफल याःगु खः। नागरिक उन्मुक्ति पार्टीपाखे प्रतिनिधि सभाय् प्यम्ह सांसदपि निर्वाचित जुगु खः।

रवि लामिछाने राष्ट्रिय स्वतन्त्र पार्टी (रास्वपा) चायेका राजनीतिइ वम्ह रवि लामिछाने न राजनीतिपाखे ‘बा’पिन्त विदा बिइमाः धका धाःगु खः ।

‘बा’पिं शेरबहादुर देउवा, केपी शर्मा ओली व पुष्पकमल दाहाल ‘प्रचण्ड’ मध्ये छम्हेसित थःम्हेसिया सांसद याके बिइ मखु धका धाःगु खः। रविं माओवादी अध्यक्ष प्रचण्डविरुद्ध चितवन–३ य् चुनाव ल्वाइ धका गोरखा–२ पाखे प्रचण्ड वःगु खः। म्हिगः नो नट अगेन धाःम्ह प्रचण्डयात प्रधानमन्त्री दयकेगुलि निर्णायक भूमिका निर्वाह याःगु खः।

नेपाली कांग्रेसं थःत प्रधानमन्त्री बिइत तयार मजुइवं माओवादी अध्यक्ष प्रचण्ड एमाले नाप मिले जुगु खः। माओवादी व एमाले मिले जुया जक सरकार दयके मफइगु अवस्थाय् प्रतिनिधिसभाय् २० सांसद दुम्ह रवि नाप राप्रपा व चिचि धःगु दल नाप १६९ म्हेसिगु समर्थनय् प्रचण्ड प्रधानमन्त्री जुगु खः। रवि प्रचण्ड नेतृत्वया सरकारय् उपप्रधानमन्त्री नाप गृहमन्त्री जुगु खः।

गृहय् माओवादी केन्द्रया वरिष्ठ उपाध्यक्ष नारायणकाजी श्रेष्ठं दाबी याःगु खः। तर श्रेष्ठयात रोकेयाना रविं गृह मन्त्रालय कायेत ताःलागु खः।

म्हिगः सुयात नो नट अगेन धाःगु खः, उमिगु हे सरकारय् वःगु विषययात कया रास्वपाय् असन्तुष्टि जुयाच्वंगु दु । केन्द्रीय सदस्य गणेश कार्की सरकारय् सहभागी जूगुलि असहमति यासे पार्टी कार्यालयय् छगु पौ दर्ता याःगु खः।

उपप्रधानमन्त्री नाप गृहमन्त्री रवि लामिछाने न थःगु नागरिकताय् गृह मन्त्रालयं यानाच्वंगु छानबिनय् हस्तक्षेप मयायेगु धका धाःगु दु।

थौं सोमबाः पदभार ग्रहण याये धुका पत्रकारपि नाप खँल्हावल्हा यासे थःम्हेसिया गृह मन्त्रालय न याना च्वंगु ज्याय् हस्तक्षेप मयायेगु धका धाःगु खः।

उपप्रधानमन्त्री लामिछाने न अमेरिकाया नागरिकता कायेगु इलय् नेपाःया नागरिकता स्वतः खारेज जुगु, अमेरिकाया नागरिकता त्याग याये धुका नेपाली नागरिकता कायेगु प्रक्रिया न्ह्यने मयकःगु धासे लामिछाने विरुद्ध प्रहरीं छानबिन याःगु खः।

अथेहे लामिछाने नेपाःया नागरिक मखु धासे सांसद पद खारेज याये माःगु माग यासे बिगु रिट सर्वोच्च अदालतय् विचाराधीन जुयाच्वंगु दु ।

निवर्तमान प्रधानमन्त्री शेरबहादुर देउवां नवनियुक्त प्रधानमन्त्री पुष्पकमल दाहाल प्रचण्डयात भिंतुना बिःगु दु।

थौं सोमवाः नवनियुक्त प्रधानमन्त्री प्रचण्डं पद व गोपनीयताया शपथ कायेवं देउवां भिंतुना बिःगु दु। शपथ ग्रहण ज्याझ्वलय् थ्यःगु खः।

देउवा शपथ ग्रहण ज्याझ्वलय् वःगु खःसा ज्याझ्वः क्वचाय् न्ह्यः हे लिहावःगु खः।

पुष्पकमल दाहाल प्रचण्ड नेतृत्वया सरकारय् स्वम्ह उपप्रधानमन्त्री नियुक्त जूगु दु। एमालेपाखे विष्णु पौडेल उपप्रधान नाप अर्थमन्त्री जूगु दु।

माओवादी केन्द्रया वरिष्ठ उपाध्यक्ष नारायणकाजी श्रेष्ठ उपप्रधाननाप भौतिक पूर्वाधार व यातायात मन्त्री व राष्ट्रिय स्वतन्त्र पार्टीया सभापति रवि लामिछाने उपप्रधानमन्त्री नाप गृहमन्त्री जूगु दु।

अथेहे एमालेपाखे ज्वालाकुमारी साह, दामोदर भण्डारी व राजेन्द्र राई न मन्त्री जूगु दु। अथेतु, जनमत पार्टीपाखे अब्दुल खान मन्त्रीइ नियुक्त जूगु दु।

उमिगु जिम्मेवारी लिपा क्वछिइगु जुगु दु।