नवनियुक्त प्रधानमन्त्री पुष्पकमल दाहाल प्रचण्डं पद व गोपनीयताया शपथ ग्रहण याःगु दु। राष्ट्रपति भवन शीतल निवासय् थौं सोमवाः जुगु छगु ज्याझ्वः दथुइ राष्ट्रपति विद्यादेवी भण्डारीं प्रचण्डयात पद व गोपनीयताया शपथ ग्रहण याकूगु खः।

शपथ ग्रहण समारोहय्, उपराष्ट्रपति, राष्ट्रिय सभाया अध्यक्ष, प्रधानन्यायाधीश, संवैधानिक निकायया प्रमुख, पूर्वप्रधानमन्त्रीपि, सुरक्षा निकायया प्रमुख लगायत विशिष्ट मनूपिनिगु उपस्थिति दुगु खः।

समारोहय् संवैधानिक निकायया प्रमुख नाप पदाधिकारी, थी थी राजनीतिक दलया नेता, कुटनीतिक निकायया प्रमुख नाप प्रतिनिधि, सञ्चारकःपि लगायतपिनिगु उपस्थिति दुगु खः।

थ्व हे पुस २३ गत पोहेलागा पारु  शनिबार कुन्हु नेवाः पत्रकार राष्ट्रिय दबूया प्यक्वःगु महाधिवेशन जुइत्यःगु दु। उगु महाधिबेसनया लागि निर्वाचनया ज्याझ्वः न्ह्यायेत्यःगु दु।

अधिवक्ता किरण शाक्यया संयोजकत्वय् निर्वाचन समिति गठन जुगु खः। उगु समितिइ वरिष्ठ पत्रकार सुरेशकिरण मानन्धर व ईश्वरकुमार जोशी दुजः कथं च्वनादीगु खः।

समितिं लेखा समितिया लागि स्वम्ह नाप ३१ म्ह केन्द्रीय समितिया लागि निर्वाचन जुइत्यःगु दु । समितिें निर्वाचन कार्यतालिका कथं मतदाता नामावली म्हिगः आईतबाः मतदाता नामावली प्रकाशित याये धुकुगु दु। २८ जिल्लाया महाधिवेशन प्रतिनिधिपिनिगु नां सार्वजनिक याये धुकुगु दु। मतदाता नामावलीइ दाबी विरोधया लागि थौं सोमबाः ११ बजे तक ई बियागु दु धका संयोजक शाक्यं जानकारी बियादीगु दु।

वयालिपा मतदातापिनिगु अन्तिम नामावली प्रकाशित जुइ धका समितिं धाःगु दु। अथेहे उम्मेदवारया दर्ताया निति थ्व हे पुस १५ गते शुक्रबाः याइगु जुगु दु। उम्मेदवारपिनिगु नां दाबी विरोध, नां लितः कायेगु प्रक्रिया उगु हे दिं बहनि ६ः३० बजे अन्तिम नामावली प्रकाशित यायेगु धका समितिं धाःगु दु।

अथेहे समितिं महाधिवेशनया लागि दक्को तयारी न्ह्या वनाच्वंगु जानकारी बियादीसे महाधिवेशनया उलेज्याय् थीथी विधाय् क्रियाशील पत्रकारपिन्त सिरपाः लःल्हाइगु व संस्था संस्थापकपिन्त हने ज्या दु धका पत्रकार दबूया अध्यक्ष सुरजवीर बज्राचार्य न लहनान्युजयात धयादीगु दु। पत्रकार दबूया महाधिवेशन लोगो न प्रकाशित याये धुकुगु दु।

नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबुया म्ये रेकर्डिङ्ग क्वचायेकूगु दु।

आर्टोम्यूज रेकर्डिङ्ग स्टुडियोय् थुगु म्येया संगीतकार व संगीत संयोजक जूगल डंगोलं म्ये रेकर्ड यानादीगु खः।

पत्रकार दबूया नायः सुरजवीर बज्राचार्यं च्वयादीगु थुगु म्येय् वयकः नापं पवित्र कसाः, सानुबाबु महर्जन, सरीता शाही, तेजवती जोशी, सोनी राजभण्डारीपिन्स सः बियादीगु खः।

थुगु म्ये प्यक्वःगु महाधिवेशननिसें पत्रकार दबूया केन्द्र व शाखाया प्रत्येक ज्याझ्वलय् हालेगु, हायेकेगु चलनकथं हनायंकेगु जुइ। थुगु म्ये नेवाः पत्रकारपिनिगु म्येकथं सकभनं थ्वयेकेगु जुइ।

नेकपा एमाले व माओवादी केन्द्र दथुइ प्रमुख पद बाँडफाँटबारे सैद्धान्तिक सहमति जुगु दु। नेपाली कांग्रेस नेतृत्वया गठबन्धन त्वःता पुष्पकमल दाहाल प्रचण्डया नेतृत्वय् सरकार दयकेगु एमाले सहमत जुइवं प्रधानमन्त्री व सभामुख पालंपाः यायेगु सहलह जुगु खः।

स्रोतया कथं राष्ट्रपति एमाले काइगु जुगु दु। अथेहे प्रधानमन्त्री व सभामुख पालंपाः जुइगु सहमति जुगु खः। थुगु सहमति कथं सुरुइ प्रचण्ड प्रधानमन्त्री जुइ दु सा एमाले सभामुख जुइगु दु। एमाले, माओवादी मिले जुइवं न्यागु प्रदेशय् न सरकार जुइगु दु । जनमत पार्टी व नागरिक उन्मुक्ति न थपे जुइवं न्ह्यगु प्रदेशसय् गठबन्धनया सरकार जुइगु दु।

केन्द्र व प्रदेश सरकारया मन्त्री व मुख्यमन्त्री लगायतया पद बाँडफाँट धाःसा कन्ह्यः खँल्हावल्हा जुइगु दु।

नेकपा माओवादी केन्द्रया अध्यक्ष पुष्पकमल दाहाल प्रचण्डं सरकार गठनया लागि राष्ट्रपतिया थाय् वनेत नेकपा माओवादी नाप नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी व राष्ट्रिय उन्मुक्ति पार्टीया नेतापि शितल निवासय् वःगु खः।

अथेहे स्वतन्त्र उम्मेदवारपि अमरेशकुमार सिंह, पूर्व एमाले नेता प्रभु साह न शितल निवासय् वःगु खः।