नेकपा एमाले राष्ट्रियसभा संसदीय दलया नेताय् देवेन्द्र दाहालयात ल्यःगु दु।

प्रतिनिधिसभा संसदीय दलया नेता केपी शर्मा ओलीं दाहालयात मंगलबाः राष्ट्रिय सभा संसदीय दलया नेताय् ल्यःगु खः ।

राष्ट्रिय सभाय् एमालेया अध्यक्ष व मनोनित याना १७ म्ह सांसदपि दु।

प्रतिनिधिसभाया अधिवेशन पुसया २५ गते सःतूगु दु।

राष्ट्रपति विद्यादेवी भण्डारीं पुसया २५ गते न्हिनसिया १ बजे च्वनिइगु कथं प्रतिनिधिसभाया अधिवेशन आह्वान याःगु दु।

प्रतिनिधिसभाया अधिवेशन सरकारया सिफारिसय् राष्ट्रपतिं आह्वान याइगु संवैधानिक व्यवस्था दु।

गृह मन्त्रालयं बहालवाला व पूर्वकर्मचारी नाप सुरक्षाकःमिपिन्स नियम विपरीत व्यक्तिगत सुरक्षाकःमि व ग्वाहालिमि तयातःगु ४८ घौं दुने थःगु मातहतया सुरक्षा निकायपिन्त निर्देशन बिःगु दु।

मन्त्रालयं कन्ह्यः मंगलबाः छगु विज्ञप्ति जारीयासे ‘विशिष्ट मनूतयेगु सुरक्षा व्यवस्थापन कार्यविधि २०७७ या व्यवस्था स्वया अखः सेवा सुविधा कयातःगु व व्यक्तिगत सुरक्षाकःमि नाव ग्वाहालि तयातःगु दु सा ४८ घौं लिपा लितः बिइत निर्देशन बिःगु दु।

मन्त्रालयया प्रवक्ता फणिन्द्रमणि पोखरेलं विज्ञप्ति जारीयासे बहालवाला नाप पूर्व कर्मचारी÷सुरक्षाकपिन्स कार्यविधि क्वछिनातःगु जक व्यक्तिगत सुरक्षाकःमिया सुविधा काये धइ धका धाःगु दु।

नेपाली कांग्रेसया सभापति नाप पूर्व प्रधानमन्त्री शेरबहादुर देउवा छेँ बालाकया च्वनिइगु जुगु दु।

प्रधानमन्त्रीं पदमुक्त जुइवं धुम्बाराहीलय् छेँ बालंकया च्वनिइगु जुगु दु। बुढानीलकण्ठय् च्वंगु छेँय् दयकाच्वंगुलि मेथाय् बालं कया च्वनेत्यःगु खः धका वयकःया सचिवालयं धाःगु दु।

देउवाका सचिवालयया छम्ह दुजलं कन्ह्यः सुथय् सरकारी निवास त्वतिइ धका धाःगु दु।

येँया वघलय् च्वंगु मानन्धरपिनिगु बाका देय् सनाःगु खलःया २४ क्वःगु दँमुज्या क्वचाःगु दु।

गुथीं ऐतिहासिक व धार्मिक महत्व दुगु बाका भैरव खः उगु ज्याझ्वलय् शिक्षासेवी विजय कुमार मानन्धरं येँया जात्राय् थुगु आकास भैरव न प्रदर्शन जुइ धका धयादीगु खः। ‘आः बाका भैरवं तत्कालीन येँ देय् बच्छि भूभाग त्याकूगु खः। बछि व बाखा भैरव शब्द अपभ्रंस जुया बाका भैरव जुगु धका धयादीगु खः।

उगु ज्याझ्वलय् संघीय सांसद माननीय विराजभक्त श्रेष्ठं बाका भैरव गुथीयात व्यवस्थित याना यकेत ग्वाहाली यायेगु धका धयादीगु खः। सांसद श्रेष्ठं सामुदायिक रुपं संगठित जूपि संस्कृति संरक्षणय् योगदान यायेत इनाप यानादीगु खः ।