एमाले अध्यक्ष केपी ओलीं थौं न्हिनय् २ बजे मनोनयन दर्ता यायेत झापा वःगु दु।

ओलीया सचिवालय कथं वयकः थः हे उपस्थित जूया उम्मेदवारी मनोनयन याइगु ज्याझ्वः दु धका धाःगु दु।

प्रधानमन्त्री शेरबहादुर देउवां चुनावी मनोनयनपत्रया लागि थः जहान आरजु राणायात छ्वःगु दु। पार्टी सभापति नाप प्रधानमन्त्री देउवायाःगु मनोनयनपत्र दाखिला यायेत म्हिगः हे राणा डडेलधुरा वःगु खः।

कांग्रेस डडेलधुराया उपसभापति डिल्ली जोशीं थौं आइतबाः न्हिनय् २ बजे देउवाया मनोनयन याइगु धका जानकारी बिःगु दु।\

०४८ सालनिसे देउवा डडेलधुरापाखे सांसद जुयान्तु वयाच्वंगु खः।

वइगु मंसिर ४ गते जुइगु प्रतिनिधिसभा व प्रदेशसभा निर्वाचनया लागि उम्मेदवारी दर्ता थौं जुइगु दु। निर्वाचन आयोगं थौं सुथय् १० बजेनिसे बहनि ५ बजे तक उम्मेदवारी दर्ता याये फइ धका धाःगु दु।

देयन्यक मुख्य निर्वाचन अधिकृतया कार्यालय व निर्वाचन अधिकृतया कार्यालयय् उम्मेदवारी दर्ता यायेगु व्यवस्था मिले याःगु दु।

अथेहे २४ असोजय् उम्मेदवारया विरोधय् उजुरी बिइ फइगु, २४ व २५ असोजय् उजुरीइ जाँचबुझ यायेगु निर्णय व २५ गते नामावली प्रकाशन याइगु जुगु दु। २६ असोजय् उम्मेदवारया नां लित कायेगु ई तयातःगु दु ।

अन्तिम नामावली न उगु हे दिं प्रकाशन याना चुनाव चिं न वितरण यायेगु आयोगया कार्यतालिकाय् उल्लेख दु।

निर्वाचन आयोगं वइगु मंसिर ४ गते जुइगु चुनावया लागि प्रत्यक्षपाखे उम्मेदवारी मनोनयनया तयारी पूरा याःगु दु।

प्रमुख निर्वाचन आयुक्त दिनेशकुमार थपलियां पत्रकार सम्मेलन यासे कन्ह्यः सुथय् १० बजे बहनि ५ बजे तक  उम्मेदवारी दर्ताया लागि आयोग तयारी अवस्थाय् दु धका जानकारी बिःगु दु ।

वयकलं ७७ गु जिल्लाय् निर्वाचन कार्यालय स्थापना याना दक्को सामग्रीनाप निर्वाचन अधिकृत व कर्मचारी न तयारी अवस्थाय् दु धका धयादीगु दु।

वइगु मंसिर ४ गते जुइगु प्रतिनिधि सभा व प्रदेश सभा चुनावया लागि कन्ह्यः प्रत्यक्षपाखे उम्मेदवारया मनोनयन दर्ताया ज्याझ्वः दु।

नेपालभाषा संकिपा व म्युजिक भिडियोख्यलय् नांजाम्ह क्यामेरामाएन व एडिटर सोहन मानन्धरया मां ईन्द्र शोभा मानन्धर आकाझाकां मन्त।

मदुम्ह ईन्द्र शोभा मानन्धर ब्लड प्रेशरया ल्वचं पिडित जुयाच्वम्ह वयकः ७७ दँय् मदुगु खः।

मदुम्ह ईन्द्र शोभा मानन्धरया सोहन मानन्धर काय् नाप निम्ह म्ह्याय्दी।