नेवाः पत्रकार राष्ट्रिय दबूया प्यक्वःगु महाधिवेसन थ्व हे वइगु पुस २३ गते जुइत्यःगु दु।

उगु प्यक्वःगु महाधिवेसनया निति तयार जुगु लोगो थौं छगु ज्याझ्वः दथुइ दबूया नायः सुरजबीर बज्राचार्य, बरिष्ठ उपाध्यक्ष नृपेन्द्रलाल श्रेष्ठ उपाध्यक्ष रचना श्रेष्ठ लगायत केन्द्रिय सचिवालय् सदस्यपिन्स पितब्बज्या यानादीगु खः।

अथेहे प्यक्वःगु महाधिबेसनया निति तयार याःगु नारां न थौंं पितब्बज्या जुगु खः। लोगो राकेश महर्जनं तयार यानादीगु खः।

येँया टेकुइ प्यक्वःगु महाधिवेसनया सचिवालय् ज्याकू न छगु ज्याझ्वः दथुइ दबूया नायः बज्राचार्य नं उलेज्या यानादीगु खः।

\दबूया प्यक्वःगु महाधिवेसन यलय् जुइगु दु।

प्रेस क्लब अफ आगरां सार्क राष्ट्रया पत्रकारपिनिगु पुचः सार्क जर्नालिस्ट फोरमया पत्रकारपिन्त सम्मान याइगु जुगु दु।

जनवरी महिनाय् जुइगु प्रेस क्लब अफ आगराया ब्बनाय् सार्क राष्ट्रया पत्रकापिनिगु छन्हुया गोष्ठीइ जुइत्यःगु खः। सार्क पत्रकार मञ्चया अन्तर्राष्ट्रिय अध्यक्ष राजु लामा व भारतया अध्यक्ष अनिरुद्ध सुधांसु न स्वीकृति बिइवं प्रेस क्लब आगराया अध्यक्ष अशोक अग्निहोत्रीयात सुभाय् बिःगु दु।

आगराय् जुइगु उगु सेमिनारय् ब्बति कायेन्ह्यः सार्क पत्रकार मञ्च व हिन्दी विभागया मंकाः ग्वसालय् श्रीगुरु तेगबहादुर खालसा कलेजया मंकाः ग्वसालय् अन्तर्राष्ट्रिय पत्रकार सम्मेलन जुइत्यःगु खः। उगु सम्मेलनय् नेपाः, बंगलादेश, भुटान, श्रीलंका, पाकिस्तान, माल्दिभ्स, अफगानिस्तान लगायत देशया पत्रकारपिनिगु सहभागिता दइ।

खालसा कलेजया प्रिन्सिपल जसविन्दर सिंहं थुगु विश्वविद्यालयय् भारत व विदेशया पत्रकारपिनिगु छगु हे दबुलिइ मुनिइगु थ्व हे न्हापागु ज्याझ्वः जुइ । “थुगु ज्याझ्वलं देश व विदेशय् पत्रकारिताया ख्यलय् निरन्तर ह्यूपा वयाच्वंगु दु। हाइलाइट व भारतया न म्हसिके दइ।

जिमि सकसिया ग्वसाः खलंपाखे लसकुस व ग्वाहालि यायेगु भलसा बिइ।“ सार्क भारतया अध्यक्ष अनिरुद्ध सुधांशुं भारत व नेपाः, भुटान, श्रीलंका, पाकिस्तानया पत्रकारपिन्स यायेमाःगु चुनौती सार्क राष्ट्रया पत्रकारपिनिगु ब्बति काइगुपाखे न सिइ दइ। 

येँ महानगरपालिकां २८ क्वःगु महानगर दिवसया लसताय् न्याम्ह पत्रकारपिन्त सुशासन पत्रकारिता पुरस्कार लःल्हागु दु।

सहरी विकास मन्त्री मेटमणि चौधरीया मूपाहाँसूइ बसन्तपुरय् छगुु तःजिक ज्याझ्वः जूगु दु। न्हापा झीम्ह पत्रकारपिन्त सिरपाः लल्हानाच्वंगु उगु सिरपाः थुगु दँय् न्याम्ह पत्रकारपिन्त महानगर सुशासन पत्रकारिता पुरस्कार लःल्हागु दु।

मेरो साप्ताहिक पत्रिकाया रत्नकाजी महर्जन, कान्तिपुर हटलाईनया श्रीजन झा, आर्थिक दैनिकया प्रल्हाद रिजाल, गोरखापत्र दैनिकया भउज प्रसाद यादव व ईकान्तिपुरया रीना मोक्तानपिन्त छगु ज्याझ्वः दथुइ महानगर प्रमुख बालेन्द्र साह न सम्मान याःगु खः। महानगर प्रमुख साह न न्यद्धः नाप हनापौं लःल्हागु खः।

उगु ज्याझ्वलय् महानगरं प्रकाशित याःगु महानगर बुलेटिन महानगर प्रमुख बालेन्द्र साह, उपप्रमुख सुनिता डंगोल, यल महानगर प्रमुख चिरिबाबु महर्जन लगायतपिन्स पितब्बज्या याःगु खः।

येँ महानगरपालिकां २८ क्वःगु महानगर दिवसया लसताय् च्याःगु ब्बनेकुथि नाप शिक्षकपिन्त हंगु दु ।

महानगरदुने च्वःगु च्याःगु सामुदायिक नाप संस्थागत विद्यालययात नगद १ लाख व हनापौं लःल्हागु खः।

येँ महानगरं सामुदायिकपाखे एसईईया लिच्वःया आधारय् उत्कृष्ट श्रम राष्ट्रिय माध्यामिक विद्यालय कुमारीगाः, कक्षा १२ या लिच्वः कथं ज्ञानोदय मावि बाफल, संस्थागतपाखे एसईईपाखे एलिक्सर एकेडेमी खरीबोट, कक्षा १२ या लिच्वं कथं सेन्ट जेभियर्स थापाथली लगायत च्याःगु विद्यालययात उत्कृष्ट विद्यालय कथं १ लाख नगद नाप राष्ट्रिय ध्वाँय् पुरस्कृत जूगु दु धका महानगरं धाःगु दु।

नेवाः पत्रकार राष्ट्रिय दबूया प्यक्वःगु महाधिवेसन थ्व हे वइगु पुस २३ गते जुइत्यःगु दु।

उगु प्यक्वःगु महाधिवेसन यलय् जुइगु दु। प्यक्वःगु महाधिवेसनया निति तयार जुगु लोगो थौं छगु ज्याझ्वः दथुइ उलेज्या याइगु ज्याझ्वः दु धका दबुया नायः सुरजबीर बज्राचार्यं लहनान्युजयात जानकारी बियादीगु दु।

लोगो राकेश महर्जनं तयार यानादीगु खः।