शताब्दी पुरुष सत्यमोहन जोशी अस्पतालय् भर्ना जुयादिगु दु । वयकःयात नयेगु इच्छा म्हो जुयावंगुलि वनाच्वंगलिं वयकः किस्ट अस्पतालमा भर्ना याःगु दु ।

जोशीयात पिसाब संक्रमण, पुलांगु छाती व मुटुया समस्या लिसें डेंगू नं खनेदुगु धका अस्पतालं धाःगु दु। अस्पतालया कथं वयकःयात डिलक्स क्याबिनय् सुक्ष्म निगरानी तयातःगु दु ।

वयकःयात म्हिगः सुथय् संस्कृति, पर्यटन नाप नागरिक उड्डयनमन्त्री जीवनराम श्रेष्ठ नाप हलि नेवाः दबूया पदाधिकारीपि वना स्वास्थ्य स्थितिया जानकारी काःवंगु खः।

निर्वाचन आयोगं तुतां (लौरो) चुनाव चिं स्वतन्त्र उम्मेदवारपिनिगु खँ धका प्रचार जुयाच्वंगुलि राके यायेत निर्देशन बिःगु दु।

थुगु चुनाव चिं हाम्रो नेपाली पार्टीया जूगुलि आयोगं ‘स्वतन्त्र नाप वैकल्पिक शक्तिया लौरो अभियान’या नामं जुयाच्वंगु प्रचारयात रोके यायेत निर्देशन बिःगु दु।

आयोगं हाम्रो नेपाली पार्टीयात स्पष्टीकरण न्यनेगु झ्वलय् सोध्दै स्वतन्त्र उम्मेदवारया तुतां निर्वाचन चिं धइगु प्रचार यायेगु कानुन सम्मत मजु धका धाःगु दु। तुतां चिं कानुन विपरीत भ्रम सिर्जना याउगुलि कारबाही छाय् मयागु धका हाम्रो नेपाली पार्टी व उकिया अध्यक्ष अनन्तराज घिमिरेयात आयोगं स्वन्हुया दुने स्पष्टीकरण न्यगु दु।

प्रदेश व प्रतिनिधिसभा निर्वाचनया लागि वइगु असोज १५ गतेनिसे २० गते दुने निर्वाचन अधिकृतया कार्यालय स्थापना जुइगु दु।

निर्वाचन आयोगया प्रवक्ता शालिग्राम शर्मा पौडेलया कथं कार्यालय स्थापना जुइ धुका आयोगयात जानकारी बिइमाः।

निर्वाचन आयोगं निर्वाचन आचारसंहिता असोज ११ गतेनिसे लागु यायेगु तयारी याःगु दु।

निर्वाचन आयोग स्रोतया कथं आचारसंहिता पालनाया प्रतिबद्धता व्यक्त यायेत आइतबाः दलपिन्त ल्हाःचिं तयेत सःत्येगु तयारी याःगु दु।

प्रधानमन्त्री शेरबहादुर देउवा, गृहमन्त्री बालकृष्ण खाँणपिन्त तक ल्हाःचिं तइगु धका आयोग धाःगु दु। “निर्वाचन आचारसंहिताया छु बुदाँ लागु यायेत निर्देशन बिइ धुकुगु दु।

दक्को ११ गतेनिसे आचारसंहिता लगे यायेगु आयोगया तयारी दु।”

लुँ तोलां द्धःछि थहावंगु दु। लुँ तोलां थौं द्धःछि थहावना ९२ हजार ८ सय रुपैयाँ थ्यःगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न झीन्यातका थहावंगु दु। वहः तोलां झीन्यातका थहावना १ हजार २ सय रुपैयाँ न कारोबार जूगु दु धका धाःगु दु।