थौ वसन्त पञ्चमी आखः ब्बनिपिन्स सरस्वती द्यःया पूजायाना हनिइगु याइ। सरस्वती द्यःयात भक्तजन तय्स भारती, शारदा, हंसवाहिनी, जगन्माता, वागीश्वरी, कौमारी, वरदायिनी, बुद्धिदात्री, ब्रह्मचारिणी, चन्द्रघण्टा व भुवनेश्वरी थे जाःगु नामं हनिइगु याइ।

सरसस्वती द्यःयात विशेष याना साहित्यकार, कलाकार, पत्रकार, शिक्षक व विद्यार्थी तय्स थः थःगु कला–साधनाया वस्तु कलम, कापी, कुची व वाद्ययन्त्रयात पुजा याना हनिइगु याइ। थौ भिंगु ज्यायायेगु निति साइत स्वयेम्वाः धका धायेगु याइ। उकि थौ ब्याहा, कय्ता पुजा, बाह्रा तयेगु व इहि नाप सामाजिक व धार्मिक ज्या यायेत साइत स्वय् म्वाः धका धायेगु याइ।

अथेहे थौया दिं मचा तयेत आखः ब्बकेगु याइ। थौया दिं डिल्लीबजाः, स्वयम्भू, मैतीदेवी व गैरीधारास्थित नीलसरस्वती, यलया लेलेय् सरस्वती द्यःया थाय् मेला लगे जुइगु याइ।

राष्ट्रियसभाया थौंया बैठकय् तिलगङ्गा नेत्र विश्वविद्यालय विधेयक, २०८१ सम्बन्धी समितिया प्रतिवेदन न्ह्यब्वःगु दु। बैठकय् विधायन व्यवस्थापन समितिया सभापति तुलसाकुमारी दाहालं उगु विधेयक न्ह्यब्वयादीगु खः।

राष्ट्रियसभाय् उत्पति जूगु उगु विधेयकय् दफाबार सहलहया निंतिं समितिइ छ्वःगु खः। उगु विधेयकय् २९ म्ह सांसदतय्सं ७१ संशोधन प्रस्ताव यानादीगु खः। सभापति दाहालं विधेयकय् संशोधन नापं विज्ञप्तिपाखें सुझाव काःगु व विधेयकया आज्जु मिखा उसाँय् सेवाय् मनूतय् पहुँच अप्वयेकेगु, मिखाया वासःया ख्यःलय् न्हूगु प्रविधिया विकास यायेगु, गुणस्तरीय सेवा बिइगु व सार्वजनिक विश्वविद्यालय न्ह्याकेगु तयातःगु सदनयात जानकारी याकादिल।

समितिं थ्व हे माघ १५ गते उगु विधेयक समितिं पारित याःगु खः। राष्ट्रियसभाया मेगु बैठक थ्व हे माघ २४ गते बिहीबाः न्हिनसिया १ः१५ ताः इलय् च्वनीगु जूगु दु।

राष्ट्रियसभाया थौंया बैठकय् तिलगङ्गा नेत्र विश्वविद्यालय विधेयक, २०८१ सम्बन्धी समितिया प्रतिवेदन न्ह्यब्वःगु दु। बैठकय् विधायन व्यवस्थापन समितिया सभापति तुलसाकुमारी दाहालं उगु विधेयक न्ह्यब्वयादीगु खः।

राष्ट्रियसभाय् उत्पति जूगु उगु विधेयकय् दफाबार सहलहया निंतिं समितिइ छ्वःगु खः। उगु विधेयकय् २९ म्ह सांसदतय्सं ७१ संशोधन प्रस्ताव यानादीगु खः। सभापति दाहालं विधेयकय् संशोधन नापं विज्ञप्तिपाखें सुझाव काःगु व विधेयकया आज्जु मिखा उसाँय् सेवाय् मनूतय् पहुँच अप्वयेकेगु, मिखाया वासःया ख्यःलय् न्हूगु प्रविधिया विकास यायेगु, गुणस्तरीय सेवा बिइगु व सार्वजनिक विश्वविद्यालय न्ह्याकेगु तयातःगु सदनयात जानकारी याकादिल।

समितिं थ्व हे माघ १५ गते उगु विधेयक समितिं पारित याःगु खः। राष्ट्रियसभाया मेगु बैठक थ्व हे माघ २४ गते बिहीबाः न्हिनसिया १ः१५ ताः इलय् च्वनीगु जूगु दु।

राष्ट्रियसभा दुजःपिंसं थौंया बैठकय् समसामयिक विषयय् सरकारया ध्यानाकर्षण यानादीगु दु। लिसें वय्कःपिंसं अछामया ढकारी गाउँपालिकाय् छुं न्हि न्ह्यः निम्ह मनू सीनाच्वंगु लूगु घटनाया अनुसन्धान यायेत सरकारया ध्यानाकर्षण यानादीगु दु। सभाया थौंया बैठकया शून्य इलय् वय्कःपिंसं घटनाय् ल्हाःदुपिंत कारबाही यायेत माग यानादिल।

सांसद गङ्गाकुमारी बेल्बासें अछामया ढकारी गाउँपालिकाय् सरस्वती खड्का व ईश्वरी खड्कायात स्यापिंत कडा कानुनी कारबाही यायेत व आः वइगु न्हिसं थजाःगु घटना जुइके मबीत सरकारयात ध्यानाकर्षण यानादिल। सांसद शारदादेवी भट्टं मनू स्याःपिंत कडासिबें कडा कारबाही यायेत सरकारया ध्यानाकर्षण यानादिल। वय्कलं मिसा हिंसाया घटना म्ह्वः जुइ मपूmगु व न्हिया न्हिथं मिसा हिंसाया घटना तच्वनाःवंगु दुःखया खँ खः धयादिल।

सांसद गोपीबहादुर सार्की अछामीं सिन्धुपाल्चोकया भोटेकोशी गाउँपालिकाया मतिनामि २२ दँया दिनेश विकयात नापलाः वंबले गामय् च्वंपिंसं दांयाः स्याःगु घटनाया छानबिन यानाः दोषीयात कारबाही यायेत माग यानादिल। सभाया मेम्ह दुजः जगप्रसाद शर्मां स्वच्छ लः त्वनेगु नागरिकया नैसर्गिक हक छ्यलाबुलाय् हयेत व खानेपानी वितरण प्रक्रियाय् वनाच्वंगु मतया महसुल मिनाहा यायेत सरकारया ध्यानाकर्षण यानादिल।

सांसद तारामान स्वाँर, मायाप्रसाद शर्मा व तुलसाकुमारी दाहालं सुदूरपश्चिम प्रदेशया राजधानी निर्माणया निंतिं संघीय सरकारं ध्यान बिइमाःगु, जाजरकोटयठ् भुखाचं प्रभाविततय् आवास पुनःनिर्माणय् लिबाके मज्यूगु व संविधानया भावनाकथं कानुन निर्माण यायेत संघीय संसद्या आःया अधिवेशन केन्द्रित जुइमाःगु खँय् बः बियादिल।

भूमि व्यवस्था, सहकारी व गरिबी निवारणमन्त्री बलराम अधिकारीं भूमिसम्बन्धी समस्या ज्यंकेत आः दयेकेगु आयोग अन्तिम जुइकथं सरकारं ज्या न्ह्याकाच्वंगु धयादीगु दु। चाबहिलय् च्वंगु मालपोत व नापी ज्याकू भवन उलेज्या यानादिसें वय्कलं भूमि समस्या ज्यंकेत आः दयेकूगु आयोगयात अधिकार नं बियाःगु दु धयादिल।

न्हापा आयोग दयेकेगु अले अधिकार धाःसा मबिइगु समस्या दूगुलि ऐन संशोधन यानाः अधिकार बियाःगु मन्त्री अधिकारीं धयादिल। “नागरिकता नम्बरपाखें देय् न्यंकं सुयागु नामय् गन जग्गा दु धकाः सिइके फइ, मेथाय् सुनां जग्गा काःगु खनेदत धासा कारबाही जुइ”, मन्त्री अधिकारीं धयादिल। नियम व विधि अःखः ज्या मयायेत मालपोत व नापी ज्याकूया कर्मचारी तय्त निर्देशन बियादिसें वय्कलं जनताया हित अखः ज्या याःसा कारबाही जुइगु ख्याच्वः बियादिल।

विसं २०२१ सं भूमि सुधार छ्यलाबुलाय् वयाः हदबन्दीइ लाउगु जग्गा आः दर्ता यानाःगु थःपिनिगु कमजोरी जूगु धयादिसें मन्त्री अधिकारीं अजाःगु खँत भिंकेमाःगु दु धयादिल। सार्वजनिक जग्गा गुलि दु, उकिया नं धलः दयेकाः तयेत वय्कलं निर्देशन बियादिल। सरकारी संरचना दयेकेया निंतिं जग्गा माःगु खःसा प्रक्रिया पूवंका न्ह्यःनेवसा थःपिंसं मपनेगु नं मन्त्री अधिकारीं धयादिल।

मालपोत व नापी ज्याकूया ज्या छगू हे थासं यायेगु कथं ज्याकू दयेकाःगु मन्त्री अधिकारीं धयादिल। थी थी समस्याया हुनिं तराईया अप्वः धइथें जग्गाया आःतक नं नापी जुइ मपूmगुया हुनिं समस्या वःगु वय्कः धापू दु। भूमि व्यवस्था, सहकारी व गरिबी निवारण मन्त्रालयया सचिव अर्जुनप्रसाद पोखरेलं मालपोत व नापी ज्याकूत तापानां समस्या जुयाच्वंगुलिं छथाय् हे निगूलिं ज्याकुथि तया ज्या न्ह्याकेत अःपुकाःगु धकाः धयादिल। भवन न्हूगु जूथें न्हूगु बिचाः तया कर्मचारीं नं ज्या यायेमाःगु खँय् सचिव पोखरेलं बः बियादिल।

सलंसः दँ पुलांगु अभिलेखयात च्वय्या तल्लाय् सुरक्षित कथं तयेत वय्कलं निर्देशन नं बियादिल।