प्रधानमन्त्री पुष्पकमल दाहाल प्रचण्डया दोहा भ्रमण रद्द जूगु दु।

अल्पविकसित राष्ट्रपिनिगु न्याक्वःगु सम्मेलनय् ब्बति कायेगु निति प्रधानमन्त्री फागुन १९ गते शुक्रबाः कतार वनेगु ज्याझ्वः दुगु खः।

तर राष्ट्रपतिया निर्वाचन लगायतया राजनीतिक परिस्थितिया कारण भ्रमण रद्द जूगु दु धका प्रेस संयोजक सूर्यकिरण शर्मा न जानकारी बिःगु दु।

फागुन २१ गतेनिसे सुरु जुइगु अल्पविकसित राष्ट्रपिनिगु सम्मेलनय् ब्बति कायेगु निति प्रधानमन्त्री प्रचण्ड दोहा वनेत्यःगु खः।

यलया चिकंबहिलिया ऐतिहासिक सप्तपुर महाविहारया आजु, अजि नापं सर्वसंघया दुजःपिंत भोजन दान ज्याझ्वः जुगु दु।

चिकंबही सप्तपुर महाविहारया शाक्य पूर्वज नेपालय् बुद्ध जयन्ती हनेज्याया न्ह्यलुवाःया नापनापं नेपालभाषाया न्हापांम्ह पत्रकार धर्मादित्य धर्माचार्य जगतमान वैद्यया किपाःया उलेज्या नं जुउगु खः । उगु किपाः बुद्धरत्न शाक्यं कियादीगु खः ।

येँया लगं त्वालय् च्वंगु तःबहाःया संघ दुजः नापं मेत्तागार धम्म परिवारया दुजः शान्तरत्न शाक्य व वय्कः जहान लक्ष्मीदेवी शाक्यं उगु पंचदान व संघयात भोजन दान ज्याझ्वःया ग्वसाः ग्वयादीगु खः । वय्कःपिंसं थः पाजुबाज्यापिं (वैद्य खलः)या बरे छुइगु ऐतिहासिक महाविहारय् उगु ज्याझ्वः यानादीगु खः ।

थेरवाद बुद्ध धर्म पुनर्जागरणया न्ह्यलुवा, नेपालभाषालिसें मातृभाषाया न्हापांम्ह पत्रकार, महाविहारया संघ दुजः धर्मादित्य धर्माचार्य (जगतमान वैद्य)या बहाःकथं नं म्हसिउगु विहार सुधार समितिया नायःयात दातापिंसं भोजन दान लःल्हानादीगु खः ।

शाक्य महाविहार संघया नायः शुभकाजी शाक्यया मूपाहांकथं झायादीगु ज्याझ्वलय् बौद्ध विद्वान प्रा. डा. वज्रराज शाक्य, विहार संघया दुजः मानकाजी शाक्यं नुगःखँ तयादीगु खःसा लोककवि राजभाई जकःमिं धर्मादित्यया बारे चिनाखँ न्यंकादीगु खः ।मुक्कं शाक्यत जक दुथ्यानाच्वंगु थुगु विहारया सर्वसंघय् १४८ म्ह दुजःत दुथ्यानाच्वंगु दु । थुकथंया बौद्ध विहारया सर्वसंघया दुजःपिंत गृहस्थ भिक्षु धायेगु यानातःगु दु ।

प्रधानमन्त्री पुष्पकमल दाहाल प्रचण्डयात मेगु स्वंगु मन्त्रालयया जिम्मेवारी वःगु दु। राष्ट्रिय प्रजातन्त्र पार्टी पाखे सरकारय् दुथ्यापि मन्त्रीपिन्स राजीनामा बिइवं खाली जूगु मन्त्रालयया कार्यभार प्रधानमन्त्री प्रचण्डं कःघाःगु दु।

राष्ट्रपति विद्यादेवी भण्डारीं प्रधानमन्त्रीया सिफारिसय् थौं थीथी स्वंगु मन्त्रालयया कार्यभार प्रधानमन्त्रीं हे कःघायेगु कथं तोके याःगु दु धका राष्ट्रपति कार्यालयं पिकाःगु विज्ञप्तिइ उल्लेख याःगु दु।

राप्रपापाखे सरकारय् सहभागी जूपि मन्त्रीपिन्स म्हिगः शनिवाः प्रधानमन्त्री दाहालयात राजीनामा लःल्हाःगु खः। राजीनामा बिउपि मन्त्रीपि उपप्रधान नाप ऊर्जा, जलस्रोत नाप सिँचाइ मन्त्री राजेन्द्र लिङ्देन, सहरी विकास मन्त्री विक्रम पाण्डे, कानुन न्याय नाप संसदीय मामिला मन्त्री ध्रुवबहादुर प्रधानपि खः।

आइतबाः सुरुवाती इलय् ६१ अंकं थहा कुहावसां लिपागु इलय् सेयर बजाः सामान्य थहावना बन्द जूगु दु।

आइतबाः नेप्से ४.५५ अंक (०.२२ प्रतिशत) न थहावना २०२७.१९ अंकय् बन्द जुगु दु। बैंकिङ, जीवन बीमा, उत्पादनमूलक व व्यापार उपसूचकमा गिरावट हुँदा लघुवित्त उपसूचक भने करिब ३ प्रतिशतले बढेको छ । बैंकिङ उपसूचक ०.८९ प्रतिशत, जीवन बीमा उपसूचक ०.१४ प्रतिशत, उत्पादनमूलक उपसूचक ०.३० प्रतिशत र व्यापार उपसूचक १.४० प्रतिशतं कुहावंगु दु।

लघुवित्त उपसूचक सर्वाधिक २.७८ प्रतिशतं थहावःगुलि होटल नाप पर्यटन उपसूचक २.३४ प्रतिशतं थहावःगु दु। आइतबाः बजाः साढे २ अर्ब स्वया अप्पो कारोबार जूगु दु। ५० हजार ५३२ गु कारोबारं ६५ लाख १५ हजार ८५२ कित्ता धितोपत्र किनबेच जुगुलि २ अर्ब ५२ करोड ५० लाख ७२ हजारया कारोबार जूगु खः।

उकि मध्ये हिमालयन डिष्टिलरीया सर्वाधिक १० करोड ७९ लाखया कारोबार जुगुलि एनआईसी एशिया बैंकया ७ करोड ८७ लाख व छिमेक लघुवित्तया ७ करोड १७ लाख कारोबार जूगु खः। कुल २१७ कम्पनीया सेयर कारोबार जूगुलि १४६ गू कम्पनीया सेयर भाः थहावःगु दु। ६२ कम्पनीया सेयर भाः कुहावःलि गूगु कम्पनीया सेयर भाः धाःसा स्थिर जूगु दु।

विजय लघुवित्तया सेयर भाः सर्वाधिक ७.९४ प्रतिशतं थहावःगुलि ग्रिन डेभलपमेन्ट बैंकया सेयर भाः ७.६० प्रतिशत व अभियान लघुवित्तया सेयर भाः ७.२६ प्रतिशतं थहावःगु दु। जनउत्थान सामुदायिक लघुवित्तया सेयर भाः ५.२६ प्रतिशतं कुहावःगुलि नेपाल इन्भेष्टमेन्ट मेगा बैंकया सेयर भाः ३.९४ प्रतिशत व नेस्डो समृद्धि लघुवित्तया सेयर भाः ३.२७ प्रतिशतं कुहावःगु खः।

सरकारं जनयुद्धया शहीदपिन्त राष्ट्रिय शहीद घोषणा यायेगु तयारी याःगु दु। प्रधानमन्त्री पुष्पकमल दाहाल प्रचण्डं थुगु खँया जानकारी बिःगु दु।

आइतबाः जनयुद्धया शहीद नाप बेपत्ता योद्धाया परिवारपि नाप जूगु छगु अन्तरक्रियाय् प्रधानमन्त्री प्रचण्डं जनयुद्धया शहीदपिन्त राष्ट्रिय शहीद घोषणा यायेगु धका धयादीगु खः। नेपाःया राजनीतिक ह्यूपा हयेत तधःगु योगदानयापि जनयुद्धया शहीदपिन्त तधःगु सम्मान नाप राष्ट्रिय शहीद घोषणा यायेगु तयारी जुयच्वंगु दु धका धयादीगु खः।

आइतबाः जनयुद्धया झ्वलय् न्हापाम्ह बलिदान याम्ह शहीद दिलबहादुर रम्तेलया स्मृति दिवस न दुगु धयादीसे प्रचण्डं धाःगु दु, ‘वर्तमान सरकारं जनयुद्ध लगायत दक्को आन्दोलनया शहीदपिन्त राष्ट्रिय शहीद घोषणा यायेगु तयारी जुयाच्वंगु दु।’ २००७ सालया क्रान्तिनिसे झापा विद्रोह, जनआन्दोलन व जनयुद्धया शहीदपिन्त नेपाःया राष्ट्रिय गौरव जूगुलि उमित तधःगु सम्मान यायेमाः धइगु सरकार दु धका प्रधानमन्त्री प्रचण्डं धयादीगु खः।