ख्वपया मनोहरा खुँसि बस्तीइ दुहावंगु दु। म्हिगः मंगलबाः चान्ह्यः खुँसि बाःवया खुँसिया जःखःया बस्ती डुवे जुगु दु धका जिल्ला प्रहरी कार्यालय ख्वपं धाउगु दु।

खुँसि बाः वया करिब १०० छेँ प्रभावित जूगु दु। वडानम्बर १ दुवाकोट बेसी मनोहरा खुँसि सिथय् नीखा छेँ डुबे जुगु दु सा प्यम्हेसित उद्धार याउगु दु धका प्रहरीं धाउगु दु।

अथेहे, मध्यपुर ठिमी नगरपालिका–२ मनोहरा खुँसि सिथय् च्वंगु कृषि फर्म न डुवे जुगु दु। अनया ह्येँ न्यासम्ह व निसःम्ह बंगुर नाप साः निम्ह उद्धार याउगु दु।

वंगु चान्ह्यः खुसिवाः वया नुवाकोट व रसुवाया सतक व ताँय् क्षति जूया यातायात आवागमन अवरुद्ध जूगु दु।

रसुवाया उत्तरगया गाउँपालिका–५ बनुवा घुम्तीइ पासाङ ल्हामु राजमार्ग हे चलः वया निर्खेरं सतकय् सवारी आवागमन ठप्प जूगु दु। प्रहरीया कथं अन लँ दयेकेगु कुतः जुयाच्व्ंगु दु धका धाउगु दु। पासाङ ल्हामुइ क्षति जूया सिलू वनेपि पर्यटक व स्थानीयपि न प्रभावित जुगु दु।

जिल्ला प्रहरी कार्यालय नुवाकोटया कथं तादी खुसिइ दयका तःगु ताँ भत्के जूगु दु। नुवाकोट प्रहरीया कथं पञ्चकन्या गाउँपालिका, दुप्चेश्वर गाउँपालिका, तादी गाउँपालिका व लिखु गाउँपालिकाया सतक व ताँय् न क्षति जूगु दु।

अथेहे देवीकोटया द्यःया थाय्, खैरहनी ताँ लगायतया थासय् न चलः जूगु दु।

नर्भिक अस्पतालं सरकारी जग्गाय् अवैध संरचना दयकूगु विषय अध्ययन यायेत येँ महानगरपालिका व अस्पतालया प्राविधिकसहितया अध्ययन समिति गठन यायेगु सहमति जूगु दु।

महानगरं नर्भिकं सार्वजनिक जग्गाया संचरना हटे यायेत २४ घण्टे अल्टिमेटम बिउगुु तत्काल अल्टिमेटम कथं संरचना मथुनेगु जुगु दु।

मंगलबाः येँ महानगरपालिकाया मेयर बालेन्द्र शाह अस्पतालय् वना महानगरपालिका व अस्पतालका प्राविधिकपि च्वना प्राविधिकपिनिगु निर्देशन कथं न्ह्यावनेगु सहमति जूगु दु। शाहं न प्राविधिपिन्स बिउगु सुझाव कथं ३० निसे ३५ दि दुने संरचना व्यवस्थापन यायेमाः धका धाउगु दु। अस्पतालया अध्यक्ष राजेन्द्रबहादुर सिंहं सरकारनाप जुगु जग्गा लिजया सम्झौताया पूर्ण रुपं पालना यानच्वनागु दु।

वयकलं आः न अस्पताल नाप सम्झौता जूगु कथं च्यादँ ल्यःदनिइ। अध्यक्ष सिंहं महानगर व अस्पतालया प्राविधिकपिनिगु समितिं बिउगु सुझाव कथं न्ह्यावनेगु जुइ धका धाउगु दु।

नर्भिक अस्पतालं लिजय् कयातःगु १ रोपनी ८ आना जग्गा पश्चिमपाखे सम्झौता विपरीत व नक्शा पास मयासे टहरा दयकूगु धका महानगरं द्धपः बिउगु खः।

नेपाल समाजवादी पार्टीया अध्यक्षपि डा. बाबुराम भट्टराई व महेन्द्र राय यादव प्रधानमन्त्री शेरबहादुर देउवायात नापलायेत बालुवाटारय् वंगु दु।

मंगलबाः न्हिनय् बालुवाटार वना समाजवादी पार्टीया केन्द्रीय सदस्य विश्वदीप पाण्डे न जानकारी बिउगु दु। जनता समाजवादी पार्टीपाखे अलग जूपि भट्टराई व यादवं नकतिनि हे न्हुगु पार्टी गठन याउगु खः।

समसामयिक राजनीतिक विषय, गठबन्धन, चुनावी तालमेल लगायतया विषय छलफल जुइ धका पाण्डे न जानकारी बिउगु खः।

येँ महानगरपालिकाया मेयर बालेन्द्र साह (बालेन) न नर्भिक अस्पतालं दयकूगु संरचना हटे यायेत मानवीय संवेदनाया आधारय् ई बियागु धका धाउगु दु।

मंगलबाः न्हिनय् नर्भिक अस्पताल वना बालेनं सामाजिक सञ्जाल फेसबुक पाखे स्पष्टीकरण बिउगु दु, ‘कानुन सकसिगु लागि बराबर खः धइगुलि जिपि प्रष्ट दु।

सतकय् जुइमा वा महलय् जुइमा, कानुनया पालना बराबर किसिमं जुइमाः। नर्भिक अस्पतालय् कानुनया पालना यायेत ई बियागु दु।’ नर्भिक अस्पतालं भाडाय् कया १ रोपनी ८ आना जग्गाय् नक्सापास मयासे संरचना दयकूगुलि येँ महानगरपालिकां सोमबाः २४ घण्टा दुने थुकनेत अल्टिमेटम बिउगु खः।

वया लिपा मंगलबाः न्हिनय् बालेन थः हे अस्पतालय् वंगु खः। वयालिपा नर्भिक अस्पतालया अध्यक्ष राजेन्द्रबहादुर सिंहं अस्पतालया सेवा प्रभावित जुइ धका धासे तत्काल संरचना थुनेफइ मखु धका धाउगु खः।

वयालिपा मेयर बालेन व अस्पताल प्रशासन दथुइ येँ महानगरपालिका व अस्पतालया प्राविधिकं तोके याउगु इलय् हे संरचना थुनेयेगु सहमति जूगु खः।