होलि पर्वया झ्वलय् कन्ह्यः अष्टमि (फागुन १५ गते) सोमवाः कुन्हु चीर स्वाइगु जूगु दु ।

नेपाल पञ्चाङ्ग निर्णायक विकास समितिं चीर स्वाइगु साइत नं पिकायेधुंकूगु दु ।

समितिया कथं फागुन १५ गते सुथय् ७ः४५ बजेया साइतय् चीर स्वायेगु ज्या जुइ । अथेहे थुगु चीर होलि पुन्हि कुन्हु क्वःथली याइ।

समितिं बिःगु साइत कथं फागुन २२ गते सुथय् ५ः४५ बजे चीर क्वःथली । अथे क्वःथःगु चीर तिंख्यलय् यंकाः छ्वयेकीगु चलन दु ।

नेवाः पत्रकार राष्ट्रिय दबूया समन्वय नाप  प्रेस काउन्सिल नेपालया ग्वसालय् अन्तर्राष्ट्रिय मातृभाषा दिवसया लसताय् ‘धर्मादित्य धर्माचार्य व मातृभाषा पत्रकारिता’ विषय अन्तक्र्रिया ज्यभाm्वः जुगु दु।

प्रेस काउन्सिलया हलय् शुक्रबाः क्वचाःगु ज्याझ्वलय् मातृभाषा पत्रकारिता विकासया लागि प्रेस काउन्सिल, नेपाल आदिवासी पत्रकार महासंघया नापनापं मातृभाषी पत्रकारपिनिगु संघसंस्था छप्प जुया वनेमाः धका धाःगु दु।  उगु ज्याझ्वलय् नेपाःया न्हापाम्ह मातृभाषा पत्रकार धर्मादित्य धर्माचार्य व नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया किपाताय् स्वामां देछाना ज्याझ्वः न्ह्यागू खः।

उगु ज्याझ्वलय वरिष्ठ पत्रकार सुरेश मानन्धरं भाषा संरक्षणया लागि मातृभाषा पत्रकारिता व  सञ्चार माध्यमया विशेष भूमिका दु धका धयादीसे मातृभाषा पत्रकारिका विकासया लागि राज्यस्तरपाखे ग्वाहालि यायेगु निति काउन्सिलपाखे भूमिका म्हितेमाः धका धयादीगु खः। अथेहे वयकलं काउन्सिलं मातृभाषी सञ्चार माध्यमयात स्वयेगु अलग्ग हे विभाग दयकेमाः धका धयादीगु खः। वयकलं छगु भाषा सीतकि छगु इतिहास, संस्कृति, परम्परा, सम्पदा न सी धका धयादीसे, ‘मनू सीतककि दक्को त्वःता वनिइ, तर छगु भाषा सीतकि त्वःता वनिइ मखु, यक्को खँ यकिइ। छगू भाषा नाश जुलकि उकिइ छगू इतिहास, व नाप भाषा दुने दुगु संस्कृति, परम्परा, सम्पदा दक्को थः नाप यकिइ। उकिइ भाषायात बचे यायेगु राज्यया हे कर्तव्य खः।’ प्रेस काउन्सिल नेपालया अध्यक्ष बालकृष्ण बस्नेतं मातृभाषा पत्रकारिता विकासया लागि सहजीकरण यायेत काउन्सिल तयार दु धका धयादीसे ।

अन्तक्र्रियाया मूपाहाँ बस्नेतं धयादीगु दु, ‘छगु भाषाय् जक ज्यायाना काउन्सिलया दायित्व पूरा जुइमखु, दक्को भाषाभाषीया पत्रकारितायात छगु हे स्वामां थे हना काउन्सिल न्ह्यावनेगु जुइ।’  ज्याझ्वलय् न्ववानादीसे वयकलं मातृभाषाया न्हापाम्ह पत्रकार धर्मादित्य धर्माचार्ययात राज्यस्तरपाखे मान्यता बिइकेगु नाप सत्यनारायण बहादुर श्रेष्ठयार्त नेपाल पत्रकार महासंघया संस्थापक कथं मान्यता बिइकेगु लागि प्रेस काउन्सिलं सहजीकरण यायेगु धका धयादीगु खः।

नेपाल आदिबासी जनजाति पत्रकार महासंघया  उपाध्यक्ष अमरध्वज लामां मातृभाषायात राष्ट्रियता, राष्ट्रिय गौरब, ब्यापार, स्वास्थ्यनाप स्वाना संविधानपाखे हे मातृभाषीया हक अधिकारबारे सम्बोधन यागु दु धका धयादीसे राज्यं संविधान जक कार्यान्वयन यायेत स्वल धाःसां मातृभाषा विकासय् महत्वपूर्ण योगदान जुइ धका धयादीगु खः।

अथेहे मधेसी पत्रकार समाजया अध्यक्ष मोहन सिंह मातृभाषापाखे पत्रकारिता यायेगु नः या बजि न्ह्ययेगु थे जुइ धका धयादीसे वयकलं धयादीगु दु थ्व नाप ज्या यानाच्वपि भाषाप्रेमीपिनिगु संकल्पं जक आःतक मातृभाषाया पत्रकारिता म्वानाच्वंगु दु धका बिचाः तयादीगु खः। वयकलं धयादीगु दु, ‘प्रेस काउन्सिल, सरोकारवाला संस्थापि नाप सहकार्य जुल धासा राज्यस्तरपाखे माःगु ग्वाहालि जुइफु।’

ज्याझ्वलय् सार्क पत्रकार समाजया अध्यक्ष राजु लामां प्रेस काउन्सिल, नेपाल आदिवासी पत्रकार महासंघ व समाजपि नाप सहकार्यं अन्तर्राष्ट्रिय मातृभाषा पत्रकार सम्मेलन यायेगु प्रस्ताव तयादीगु खः।

ज्याझ्वःया कजि तेजनारायण महर्जनं न्हापाम्ह मातृभाषी पत्रकार धर्मादित्य धर्माचार्यं मातृभाषाया पत्रकारिता सुरु यानादीगु सँच्छि दँ दयेधुकुगु दु सा न मातृभाषा पत्रकारिताया विकास जुइ मफुगु धका धयादीसे थुकिया लागि सरोकारवाला संस्था, प्रेस काउन्सिलं म्हित्ये माःगु भूमिका बारे छलफल यायेगु निति हे थुगु ज्याझ्वः यानागु खः धका धयादीगु खः।

काउन्सिलया दुजः शरद अधिकारीं लसकुस यानादीसे विविध भाषाभाषीया पत्रकारिता विकासया लागि काउन्सिलं यानावयाच्वंगु ज्याझ्वःया जानकारि बियादीगु खः। पत्रकार दबूया महासचिव केके मानन्धरं धर्मादित्य धर्माचार्ययात न्हापाम्ह मातृभाषी पत्रकारया मान्यता बिइकेगु निति व सत्यनारायण बहादुर श्रेष्ठयात नेपाल पत्रकार महासंघया संस्थापक अध्यक्षया रुपमा मान्यता बिइकेगु निति दबू न यानाच्वनागु ज्या व मातृभाषी पत्रकार नाप पत्रकारिताया विकासया लागि याना वयाच्वनागु गतिविधी बारे जानकारी बियादीगु खः।

दबूक.या सहसचिव सुनिता महर्जनं न्ह्याकादिगु उगु ज्याझ्वलय् सभानायः नेवाः पत्रकार राष्ट्रिय दबूया अध्यक्ष नृपेन्द्रलाल श्रेष्ठं धर्मादित्य धर्माचार्ययात राज्यस्तरपाखे मान्यता बिइकेगु निति हुलाक टिकट प्रकाशन यायेगु, वयकःया शालिक तयेगु, धर्मादित्यया नामय् मातृभाषी सञ्चार प्रतिष्ठान दयकेगु निति काउन्सिलं कुतः यायेमाः धका ध्यानकार्षण पौं काउन्सिलया अध्यक्ष स्नेतयात लःल्हानादीगु खः।

राष्ट्रपतिया उम्मेदवार सुवासचन्द्र नेम्बाङं थःगु नामय् न राष्ट्रिय सहमति जुइफु धका धाःगु दु।

नेकपा एमाले न पूर्व सभामुख नेम्बाङयात उम्मेदवार दयकूगु खः। पार्टीया शीर्ष नेतापिनिगु उपस्थितिइ उम्मेदवारी दर्ता याये धुका सञ्चारकःमिपि नाप खँ ल्हायेगु झ्वलय् नेम्बाङं म्हिगः संविधानसभाय् ३१ दलया सर्वसम्मत अध्यक्ष जूया संविधान जारी यायेगु भूमिका म्हितगु धका धाःगु खः।

व हे संविधानया संरक्षक जुइगु अवसरया लागि वनाच्वनागु धका धयादीसे, वयकलं धयादीगु दु ‘राष्ट्रिय सहमति जिगु हकये न जुइफु।’ नेम्वाङया मनोनयन यायेगु निति प्रस्तावकय् पार्टीया अध्यक्ष नाप संसदीय दलया नेता केपी शर्मा ओली, पृथ्वीसुब्बा गुरुङ, गोकर्ण विष्ट व छविलाल विश्कर्मापि खः।

अथेहे समर्थकय् एमालेया हे नेतापि योगेश भट्टराई, टोपबहादुर रायमाझी, जुलीकुमारी महतो, दिलकुमारी थापा (रावल) व अमनकुमार मास्केपि खः।

आदिवासी जनजाति पत्रकार महासंघ (फोनिज) युके पत्रकारिता सिरपाः पत्रकार नृपेन्द्रलाल श्रेष्ठ व ्वःपत्रकार रमिता लामायात सम्मान याःगु दु।

छगु ज्याझ्वः दथुइ संघीय मामिला व सामान्य प्रशासनमन्त्री अमनलाल मोदी मूपाहाँ कथं झायादीगु खः। उगु ज्याझ्वलय् मूपाहाँ मन्त्री मोदीं हनापौ फोनिज युकेया नायः मय्जु गोमा रानां दां लःल्हाना दिगु खः।

ज्याझ्वः फोनिजया संघीय नायः गजुरधन राईया सभाध्यक्षताय् जूगु खः। पुरस्कार छनौट समितिया संयोजक नाप फोनिज युकेया नायः गोमा रानां निर्णायक समितिया बैठकं सर्वसम्मत कथं लामायात सम्मान व श्रेष्ठयात सिरपाः लःल्हायेगु निर्णय जूगु खँ कनादिल । सम्मानित लामां २०४९ सालनिसे पत्रकारिता ख्यलय् पलाः तयादीम्ह खः।

वयकः रेडियो नेपालया न्हापाम्ह तामाङ्ग भासं समाचार बियादीम्ह खः। अथेहे नृपेन्द्रलाल श्रेष्ठ २०४९ सालनिसे पत्रकारिताया ख्यलय् प्रचलित लिपिया म्हसिकाया पत्रिका म्हसिकाया सम्पादक जुयादीम्ह खः।

थौं कन्ह्यः लहना वाःपौं नाप लहनान्युज डटकमया प्रधान सम्पादन न जुयादीइसा नेवाः पत्रकार राष्ट्रिय दबूया नायः न जुयादी ।

राप्रपाया प्यम्ह मन्त्रीपिन्स प्रधानमन्त्री पुष्पकमल दाहाल प्रचण्डयात राजीनामा लःल्हाःगु दु।

थौं शनिबाः न्हिनय् बालुवाटारय् वना राजीनामा पौं लःल्हाःगु खः। सरकारय् राप्रपापाखे ऊर्जा राजेन्द्र लिङ्देन, सहरी विकासया विक्रम पाण्डे, कानुन मन्त्रीया ध्रुबबहादुर प्रधान व सिंचाई राज्यमन्त्री दीपक सिंहपिन्स राजिनामा पौं लःल्हाःगु खः।

राप्रपां थौं सुथय् च्वंगु बैठकं सरकारयात बिःगु समर्थन लितकाःगु खः सा सरकारपाखे पिहावनेगु न निर्णय याःगु खः।