स्वनिगः अटो प्रा.लिं नखःया लसताय् इलेक्ट्रीक बाइक व स्कुटीइ थीथी अफर ब्यूगु दु । स्वनिगः इन्भेस्टमेन्ट ग्रुप अन्तर्गतया स्वनिगः अटो प्रा.लिं. महाराजगंज नारायण गोपाल चोकय् चायेकूगु शोरुमपाखें इलेक्ट्रीक बाइक व स्कुटीइ अफर ब्यूगु खः ।

शोरुमया उलेज्यालिसें नखःया लसताय् शोरुमपाखें जुइगु प्रत्येक खरीदय् ८ हजार तका क्यासब्याकया सुविधा ब्यूगु दु । लिसें प्योर कम्पनीया हेलमेट, टिसर्ट, क्याप, कीचेन व विनचिटर उपहारया अफर नं तयातःगु दु ।

पुलांगु पेट्रोलया बाइक वा स्कुटीलिसे एक्सचेन्जया यायेबलय् पुलांगु साधनया रीसेल भावय् ८ हजार तका थप नं बीगु जूगु दु । थुगु अफरत वइगु अक्टोबर २६ तक लागू जुइ ।

छुं दिं न्ह्यः तिनि हे छगू ज्याझ्वः यासें स्वनिगः अटोया शोरुम उलेज्या याःगु खः । स्वनिगः इन्भेस्टमेन्टया नायः सुरेश प्रधानं रिबन चानाः शोरुमया विधिवत् उलेज्या यानादीगु खः ।

स्वनिगः अटोया प्रमुख कार्यकारी अधिकृत विनय श्रेष्ठं थःपिन्सं उच्च गुणस्तर व उच्च क्षमताया भारतीय इलेक्ट्रीक स्कुटी व बाइक हयागु धयादिल । थुकिया परफमेन्स व क्वालिटीया ल्याखं भाः नं अप्वः मजूगु प्रमुख कार्यकारी अधिकृत श्रेष्ठया धापू दु ।

‘जिमिके भारतया प्योर कम्पनीलिसें ग्रिन फ्यूचर कम्पनीया इलेक्ट्रीक स्कुटी व बाइक दु । ग्रिन फ्यूचरया ट्र्याकसन स्कुटीइ ला ब्याक गियर तकं दु, स्कुटी व बाइकया क्वालिटीया ल्याखं थ्व बाइक तसकं दं’ अधिकृत श्रेष्ठं धयादिल ।

आः थुगु शोरुमय् १५सःनिसें २२सः वाटतक्कया स्कुटी व बाइक उपलब्ध दु । उगु स्कुटी व बाइकया मू १ लाख ९९ हजारनिसें ३ लाख ९९ हजारतक्क दु । याकनं हे इलेक्ट्रिक साइकल नं हयेत्यनागु श्रेष्ठं जानकारी बियादिल ।

थःपिन्सं न्यूनतम ब्याजदरय् फाइनान्सया सुविधा तकं बियाच्वनागु स्वनिगः इन्भेस्टमेन्टया शेयर होल्डर कजि दिपक तुलाधरं जानकारी बियादिल ।

याकनं हे कम्पनीया शाखात विस्तार यानावनेगु योजनाय् थःपिं दुगु व येँया पुलांगु बस्ती दुने शाखाया नितिं थाय् स्वयाच्वनागु तुलाधरया धापू दु । वयां लिपा येँया मेमेगु थाय् व ख्वपय् नं शाखा विस्तार यायेगु योजनाय् थःपिं दुगु तुलाधरं धयादिल ।

संस्कृति, पर्यटन नाप नागरिक उड्डयन मन्त्री जीवनराम श्रेष्ठं सुरक्षागार्डयात ज्वंगु घटनायात कया सत्यतथ्य थुइका जक प्रतिक्रिया बिइत इनाप याःगु दु।

लाइनय् च्वनेत इनापयाम्ह सुरक्षागार्डयात मन्त्रीं तपिक आदेश बिया प्रहरीं ज्वकूगु धका आलोचना जुयाच्वम्ह मन्त्री श्रेष्ठं घटनाबारे सत्यतथ्य थुइका जक प्रतिक्रिया बिइत इनाप याःगु दु।

वयकलं सामाजिक सञ्जाल फेसबुकपाखे उगु घटनाय् लाइनय् मच्वसे मखुसे थःगु अङ्गरक्षकयात दुर्व्यवहार याःगु कारण धका दाबी यानादीगु खः। मन्त्री श्रेष्ठं दक्को नेता व मन्त्री खराब खः धका धायेकेगु षड्यन्त्र जुयाच्वंगु धयादीसे थुगु पाखे सजक जुइत इनाप याःगु दु। मन्त्रीनाप विवाद जुइवं सुरक्षागार्डयात न्यान्हुया निति कूगु दु।

वयकलं थःथगु फेसबुकय् च्वयादीगु दु, ‘छायाँ सेन्टरय् जुगु घटनाबारे पब्लिकपाखे वःगु प्रतिक्रियाय् जिगु गम्भीर ध्यानाकर्षण जूगु दु । पब्लिकया प्रतिक्रिया स्वाभाविक खः, तर उगु घटना लाइनये मच्वसे मखु जितः व जिगु सेक्युरिटीयात दुर्व्यवहार याःगुलि सेक्युरिटीं थःगु निकाययात जानकारी याःगु खः। घटनाबारे सत्य तथ्य थुइका जक प्रतिक्रिया बिइत व दक्को नेता व मन्त्री खराब खः धइगु भाष्य निर्माण यायेगु षड्यन्त्रप्रति चनाखो जुइत इनाप याये।’

श्रद्धेय भन्ते धर्ममूर्ति महास्थवीरजु व श्रद्धेय भन्ते शान्त सिद्धार्थ स्थवीरया ल्हातं नेपालभाषाया च्वमि नाप कवि पुष्परत्न तुलाधरं च्वयादीगु बुद्धधर्मय् गर्भावक्रान्ति सफू चिखि फ्यने ज्या आनन्द कुटी विहार स्वयम्भूइ मंकाः कथं शनिवाः पितब्बज्या जुगु दु।

नेपालभाषा परिषदया ग्वसालय् जुगु उगु ज्याझ्वलय् सफूच्वमि पुष्परत्न तुलाधरजुं लसकुस याना न्ह्याःगु खः । ज्याझ्वलय् पितव्वज्या जूगु सफूयात कयाः धर्ममूर्मि भन्तेपाखें गर्भधारण जूम्ह जीवयात गर्भधारणया विकास जुया वनिबलय् थीथी दुःख जुइगु खँ थुगु सफू ब्वनेबलय् सिकेफइगु धारणा तया बिज्यासें धर्मय् नं थुकथंया खँत दुला धैगु सिके फइगु सफू ब्वना स्वल धाःसा प्रष्ट जुइगु खँ वसपोल कयाबिज्यागु दु।

कवयित्री प्रतिशरा सायमिं न्ह्याकादीगु उगु ज्याझ्वलय्, भिक्षु धर्ममूर्ति महास्थवीर, मंगला कारन्जितं थःथःगु नुगँ खँ तयादीगु खः।

नेपाल भाषा व साहित्य ख्यलय् वंगु ६० दँ निसे सक्रियया एतिहासिक संस्था विराट नेपालभाषा साहित्य सम्मेलन गुथि, ख्वपया नी छक्वःगु तःमुज्या व न्यय्निक्वःगु दँ जःमुज्या क्वःचाःगु दु।

शनिवाः जुगु उगु ज्याझ्वःया सल्लाहकार त्रिरत्न मानन्धरं उलेज्या याना न्हाःगु खः। उगु तःमुज्यां अध्यक्षय् महेन्द्रगोपाल कर्माचार्य सर्वसम्मत ल्यःगु खः।

अथेहे उपाध्यक्षय् महेन्द्रलाल कायस्थ, सचिवय् प्रदीपरत्न शाक्य, कोषाध्यक्षय् रामगोपाल चगुठी व सहसचिवय् सूलोचना सैँजूयात न सर्वसम्मतं ल्यःगु खः।

 दुजलय् हिरण्य साङ्गामी, विजेन्द्रवीर कर्माचार्य, इन्द्र शाखः, रत्नालक्ष्मी भैल, योगी स्यःस्यःयात ल्यःगु खः।