नेपाःया बामपन्थी आन्दोलनया नेत्री नानीमैयाँ  नकःमि मन्त।

वय्कः २००५ सालय् राजनितिक कारणं जेल लाःगु खःसा उगु इलं निसें बामपन्थी आन्दोलनय् निरन्तर सक्रिय रुपं ब्वति कया वयाच्वम्ह खः।

पुष्पलाल श्रेष्ठ निस्वंगु नेपाल कम्युनिष्ट पार्टीया न्हापांगु अभिवेशन नं वयकःया छेँ प्यूखाय् जुगु खः।

वयकः जहान नाप निम्ह काय् व छम्ह म्ह्याय दी।

वयकःया अन्तिम संस्कार थौं सोमवाः सुथय् पशुपती आर्यघाटय् जुइत्यंगु दु।

येँ महानगरपालिकां अय्लायात अन्तर्राष्ट्रिय स्तरया ब्रान्डिङ यायेगु घोषणा याउगु दु।

नेवाः तयेस उत्पादन याइगु अय्लायात अन्तर्राष्ट्रिय स्तरया ब्रान्डिङ यायेगु धका महानगरया निति तथा कार्यक्रमय् उगु घोषणा याउगु खः।

येँ महानगरपालिकां आर्थिक वर्ष २०७९÷०८० या नीति तथा कार्यक्रम प्रस्तुत यासे मेयर बालेन साह न गज्यागु पेय पदार्थयात ब्रान्डिङ यायेगु धका उल्लेख धासा याउगु मदु।

तर महानगरपालिकाया अधिकारीपिन्स धासा ‘अय्ला’ यात इंगित यासे अज्यागु घोषणा याउगु धका धाउगु दु।

येँ महानगरपालिकां कोचिङ सेन्टर व शैक्षिक परामर्श केन्द्र नियमन याइगु जुगु दु।

येँ महानगरपालिकाया मेयर बालेन्द्र साह न आर्थिक वर्ष २०७९÷०८० या नीति तथा कार्यक्रम सार्वजनिक यासे महानगरपालिकां कोचिङ सेन्टर र शैक्षिक परामर्श केन्द्र नियमन याइग्ु जुगु दु।

नेपाल आयल निगमं पेट्रोलियम पदार्थया भाः हाकन थकाउगु दु।

निगम सञ्चालक समितिया बैठकं डिजेल व मचिकनय् लिटरं २७ रुपैयाँ व पेट्रोल लिटरं २१ रुपैयाँ न थकाउगु दु। न्हुगु भाः थौं चान्ह्यः १२ बजेनिसे लागु जुइ धका निगमं धाउगु दु।

न्हुगु भाः कथं पेट्रोल लिटरं आः १९९ रुपैयाँ थ्यःगु दु। अथेहे डिजेल व मचिक लिटरं १९२ थ्यःगु दु। निगमं हवाई इन्धन आन्तरिक पाखे १९ रुपैयाँ थकया १८५ रुपैयाँ लिटर थ्यःगु दु।

हवाई इन्कधन पिने याउगु १०० अमेरिकी डलरं थाहावंगु दु।

मदुगु झिंप्यदँ लिपा मदुम्ह इतिहासविद् सह प्राध्यापक गोवर्धन शर्माया सफू पिदंगु दु । वंगु शुक्रबाः येँय् जूगु छगू ज्याझ्वलय् मदुम्ह सह प्राध्यापक शर्माया समालोचना सफू ‘उपन्यासया चाकलय् गिरिजा’ पितब्वज्या जुल ।

ज्याझ्वलय् समालोचक पूर्णकाजी ताम्राकारलिसें नेवाः देय् दबूया नायः पवित्र बज्राचार्य, ईल्वहँ पब्लिकेशनया प्रवन्ध निर्देशक नरेशबीर शाक्यलिसें नं मंकाः कथं सफूया विमोचन यानादिल । राजोपाध्याय समाजया ग्वसालय् जूगु ज्याझ्वःया वक्तातय्सं नेपालभाषाया साहित्य क्षेत्रय् समालोचना विधां व्यापकता काय् मफूगुलिइ चिन्ता प्वंकूगु खः ।

समालोचनायात सुझावया रुपय् मकाःसे आलोचनाया रुपय् कायेगु प्रवृत्तीया हुनिं थ्व विधाया विकास जुइमफूगु बिचाः वक्तातयसं तःगु खः ।

ज्याझ्वलय् न्ववानादीपिं देय् दबूया नायः बज्राचार्य, नेवाः जातिय महासंघया नायः मनोज नेवाः खड्गी, ईल्वहँ पब्लिकेशनया प्रवन्ध निर्देशकलिसें वरिष्ठ पत्रकार शाक्य, समालोचक ताम्राकारलिसें नं महाकवि गिरिजा प्रसाद जोशीया व्यक्तित्वया चर्चालिसें गोवर्धनया समालोचकिय गुणया चर्चा यानादीगु खः ।

अथे हे, गोवर्धन शर्माया तःधिकःम्ह काय् सुभाष शर्मां थः अबुजुया व्यक्तित्वयात कयाः जः ह्वलादिसा राजोपाध्याय समाजया निवर्तमान नायः वदन ज्वालानन्द राजोपाध्याय व नायः संजय शर्मा राजोपाध्यायं समाजया उद्देश्य व यानावःगु ज्याखँया बारे जानकारी बियादीगु खः ।

पितब्वज्या जूगु सफुतिइ नेपालभाषा साहित्य क्षेत्रया महाकवि गिरिजा प्रसाद जोशीया उपन्यासया मदुम्ह इतिहासविद् सह प्राध्यापक शर्मां समालोचना यानादीगु दु । राजोपाध्याय समाजं पिथंगु सफूया मू ३५०/– तका तयातःगु दु ।

थुगु हे ज्याझ्वलय् कोरोना महामारीया इलय् संक्रमितया उपचारय् खटेजूपिं राजोपाध्याय स्वास्थ्यकर्मीत व २०७६ र ७७ सालमा एस.ई.ई परिक्षा पास जूपिं राजोपाध्याय विद्यार्थीतयत सम्मान नं याःगु खः ।

समाजं सफू पितब्वज्याया नापं सफू ब्वज्या नं याःगु खः । ब्वज्याय् वेद, तन्त्र, नेपालया धर्म, संस्कार, संस्कृतिया नापं ख्यःलिसे सम्वन्धित सफूत तःगु खः ।