गृहमन्त्री बालकृष्ण खाँण व कानुनमन्त्री गोविन्द बन्दीं प्रमुख प्रतिपक्षी नेकपा एमालेया अध्यक्ष केपी शर्मा ओलीयात नापलाउगु दु।

नागरिकता व सक्रमणकालीन न्याय लगायतया विधेयक, संसदया चालु अधिवेशन लगायतया विषय छलफल यायेत निम्ह मन्त्रीपि बालकोटये वःगु खः।

एमालेपाखे निर्वाचित पालिकाया प्रमुख व उपप्रमुखपिनिगु भेलां २० बुँदे सङ्कल्प प्रस्ताव पारित याउगु दु।

एमालेपाखे निर्वाचित जनप्रतिनिधिपिनिगु म्हिगः व थौं शुक्रवाः जुगु प्रशिक्षणं २० बुँदे सङ्कल्प जारी यासे पारित याउगु दु।

उगु सङ्कल्पय् ‘जिपि शासक मखुु जनताया सेवक जुइ, सरकारी गाडी, इन्धन व सरकारी स्रोतयात मितव्ययी ढङ्गं नाप सार्वजनिक हितय् प्रयोग याये’ धइगु बुँदा उल्लेख याउगु दु।

सरकारं नीति तथा कार्यक्रमय् आमसंचार प्रशिक्षण प्रतिष्ठान गठनय् कृष्णप्रसाद भट्टराईया नां स्वाकाः हःगु व थुकिं नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया योगदानप्रति बेवास्ता याःगुली ध्यानाकर्षण यासें फोनिजया ग्वसालय् जूगु” आमसंचार प्रशिक्षण प्रतिष्ठान र पत्रकार महासंघको संस्थापक अध्यक्ष” बिषयक अन्तरक्रिया ज्याझ्वः जुगु दु।

उगु ज्याझ्वलय् नेपाल पत्रकार महासंघया अध्यक्ष बिपुल पोखरेलं विधानं १२ सालनिसे न्हापाम्ह अध्यक्ष कृष्णप्रसाद भट्टराई धयातगु दु। ८ साल व १२ साल दथुइ समस्या छु खः?’ पोखरेलं धाःगु दु, सत्यनारायण संगठकया रुपं स्वयेत थःत छु न आपति म दु।’ न्हापाम्ह संगठन खः सत्यनारायण श्रेष्ठ, वयकःया योगदानया मखु धका धाये मज्यु। थुकियात सत्यतथ्य अध्ययन यायेत महासंघ तयार दु व छलफल तक याये तयार दु। धका वयकलं धयादीगु खः।

प्रेस युनियनयाा उपाध्यक्ष इश्वरी ओझां प्रतिष्ठानमा भट्टराई या नां स्वाउगु बिषय विवाद यायेमाःगु विषय मखु। ’आमसञ्चार प्रतिष्ठान कृष्णप्रसाद भट्टराईया नां विवाद याये माःगु छु न कारण मदु,’ धका धयादीगु खः।

अथेहे प्रेस चौतारी नेपालया उपाध्यक्ष राजेश राई न सत्यनाराणय पत्रकार संघया न्हापाम्ह अध्यक्ष सू खः धका बहसया विषय दयकेगु बेकारया तर्क खः। थ्व स्वया न्ह्यः प्रतिष्ठानय् भट्टराईया नां मस्वायेगु सहमति जुइ धकुगुलि मेगु बहस आवश्यक मदु धका दाबी यानादीगु खः। ’२०७३ सालय् सञ्चार नीति दयकूगु खः, शेरधन राई सञ्चारमन्त्री जुगु इलय् नां मस्वायेगु सहमति न्हापा हे जुगुलि बहस बेकार खः। कृष्णप्रसाद भट्टराई संस्थापक अध्यक्ष मखु।’ प्रतिष्ठानमा भट्टराईया नां स्वागुलि आपत्ति प्वकूगु खः।

नेवाः पत्रकार राष्ट्रिय दबुया अध्यक्ष सुरजवीर बज्राचार्य न तथ्य हे हाकन अध्ययन यायेम्वाः धका धयादीगु खः। ’२०५४ सालय् भट्टराई प्रधानमन्त्री जुगु इलय्  संस्थापक अध्यक्ष धका चर्चा जुगु खः। उगु इलय् सत्यनारायणया परिवारं थुगु खँय  बालाक्क बिचाः मयाउगु खः। तर थुलिमछि तथ्य दु। हाकनं अध्ययन यायेगु? थुकि गन थ्यनिइ?,’ धका वयकलं न्ह्यसः तयादीगु खः।

अथेहे दबुया महासचिव सुनिल महर्जनं तथ्यया आधारय् पत्रकार महासंघया संस्थापक सत्यनाराणय हे जुइमाः व वया लिपा प्रतिष्ठान वयकःया नामय् जुइमाः धका धयादीगु खः। ’विद्यामान तथ्यया आधारय् फैसला जुइ। तथ्यया आधारय् संगठित पत्रकार अध्यक्ष सत्यनारायण श्रेष्ठ हे खः। सत्यनारायण श्रेष्ठया हे नामय् प्रतिष्ठान दयके नु,’ धका दबुया महासचिव महर्जनं धयादीगु खः।

फोनिजया अध्यक्ष गजुरधन राईया सभाध्यक्षताय् जुगु खः। उगु ज्याझ्वः सरकारं पत्रकारपिन्त प्रशिक्षण बिइगु उद्देश्यं सञ्चार प्रतिष्ठान गठन यायेगु इलय् इतिहासया तथ्य न्हुया भट्टराईया नां स्वायेत स्वगुलि थःपिनिगु आपत्ति दु धका फोनिजया अध्यक्ष राई न धयादीगु खः। इतिहासं पत्रकार महासंघया संस्थापक अध्यक्ष सत्यनारायण बहादुर श्रेष्ठ प्रमाणित जुगुलि भट्टराईयात न्हापाम्ह अध्यक्ष माने यायेगु  थीक मजु धका वयकल धयादीगु खः।

फोनिजका निर्वतमान अध्यक्ष डण्ड गुरुङं पत्रकार महासंघं सत्ययात सूचिकां किसुनजीया अपमान याउगु द्धपः बियादीगु खः। ’नेपाल पत्रकार महासंघं छम्ह नेवाः जुगुलि सत्यनारायण बहादुर श्रेष्ठ नां सुचुकां कृष्णप्रसाद भट्टराईया नां हःगुलि आपति प्वकादीगु खः। वयकलं धयादीगु दु प्रधानमन्त्री जुइ धुुकम्ह व सन्त नेतां रुपं चर्चित मनूया नामय् प्रतिष्ठानया नां स्वायेगु धइगु भट्टराईया हे अपमान जुगु दाबी यानादीगु खः। उगु ज्याझ्वलय् फोनिजया सल्लाहकार खिम घले, सञ्चारिका समूहया अध्यक्ष विमला तुम्खेवा व प्रेस सेन्टरया अध्यक्ष जुगल सापकोटापिन्स थःथःपिनिगु बिचाः तयादीगु खः।

परिसूचक नेप्से २९.८९ अंकं घटे जुगु दु।

बुधबाः २२९ गु कम्पनीया ४१ लाख ८२ हजार ३६९ कित्ता सेयर ३० हजार ६०२ पटक खरिद बिक्री जुगुलि कुल कारोबार रकम १ अर्ब ४९ करोड १७ लाख रुपैयाँय् सीमित जुगु दु।

थौं बुधबाः कारोबार जुगु १७३ कम्पनीया भाः घटे जुगु दु सा २० कम्पनीया सेयर भाः थहावःगु दु। अथेहे स्वंगु कम्पनीया भाः छु न ह्यूपाः वंगु मदु। थौं कारोबार जुगु मध्ये दक्को उपसमूह घटे जुगु दु।

उकि मध्ये व्यापार, लगानी, लाइफ इन्स्योरेन्स, जलविद्युत् व फाइन्यान्स उपसमूहया सूचक २ प्रतिशतं घटे जुगु खः। आँधीखोला व सीवाईसी लघुवित्तया सेयर सर्किट लेभलय् थहावंगु दु। निगु हे कम्पनीया सेयर भाः ९ प्रतिशतं थहावंगु खः।

अथेहे बलेफी हाइड्रो, लाईफ इन्स्योरेनस कर्पोरेसनया सेयर भाः ८ प्रतिशतं घटे जुगु खः। यक्को कारोबार स्वंगु कम्पनीए नेपाल टेलिकम, हिमालयन डिस्टीलरी व बैंक अफ काठमाडा खः।

थुगु कम्पनीया १२ करोड, ५ करोड २८ लाख व ५ करोड १६ लाख बराबरया सेयर खरिद बिक्री जुगु खः। 

येँया शाक्य महाविहार संघया ग्वसालय् ज्यापुन्हिया लसताय् मङ्गलबाः छगू तःजिक पन्जरां ज्याझ्वः जूगु दु।

बौद्ध धर्मया ख्यलय् दानया तःधंगु महत्व दयाच्वंगुयात विशेष प्राथमिकता बिया पंचबुद्धया प्रतिक कथं श्रद्धेय स्थविर थाय्पा आजूपिन्त येँया श्रीगणेश व श्रीभैरवया समुपस्थितिइ श्रीघः विहारय् पंचदान प्रदान यायगु ज्याझ्वः महाविहार संघया ग्वसालय् ज्याःपुन्हि कुन्हु याःगु खः।

नापं उगु ज्याझ्वलय् लायकूया श्री कुमारीयात दान प्रदानया झ्वलय् भाग देछाःगु खः। येँ देया शाक्यपिं वन्दे लुइगु (प्रवज्याभिषेक) बिइगु झिगू बहाःया न्याम्ह न्याम्ह याना मुक्कं न्येयम्ह (५०) श्रद्धेय थाय्पा वा बहाःया प्रतिनिधिपिन्त बज्रयानी विधिविधान कथं पंज्ररां बिइगु ज्या यानागु खँ संघया मूछ्याञ्जे संघरत्न शाक्यं न्ह्यथना दिल।

संघया नायः शुभकाजी शाक्यया सक्रियताय् न्ह्याःगु थुगु ज्याझ्वलय् संघया जःपिन्सं व्यवस्थापनया ज्या न्ह्याकुगु खःसा थीथी बहाःया आपालं दुजःपिन्सं धर्मचित्त उत्पति याना दान प्रदान याःगु खः। बौद्ध परम्परा अनुसार येँय् भाद्र कृष्ण त्रियोदशी, गुँलागा जुगः च¥हेया दिनय् पंज्ररां न्यायकेगु प्रचलन दयाच्वंगु दु।