बागमती प्रदेशय् डेंगू सङ्क्रमणं झींछम्हेगिु ज्यान वंगु दु।

स्वास्थ्य निर्देशनालय बागमती प्रदेशया तथ्याङ्क कथं सङ्क्रमणया कारण थीथी जिल्लाय् ११ म्ह सीगु दु।

स्वास्थ्य निर्देशनालय बागमती प्रदेशया प्रमुख महेश्वर श्रेष्ठं छ डेंगूं येँ प्यम्ह, यलय् निम्ह, सिन्धुपाल्चोकय् निम्ह, मकवानपुरय् छम्ह, सिन्धुली छम्ह व धादिङय् छम्ह सी धुकुगु दु धका जानकारी बिःगु दु।

सत्तारुढ गठबन्धनया प्यंगू राजनीतिक दलं नागरिकता विधेयक प्रमाणीकरण मयाउगुलि राष्ट्रपति विद्यादेवी भण्डारीया पलाः संवैधानिक व्यवस्थाय् हे प्रहार याःगु ठहर धका धाःगु दु।

नेपाली कांग्रेस, नेकपा माओवादी केन्द्र, नेकपा एकीकृत समाजवादी व जनता समाजवादी पार्टीपिनिगु मंकाः विज्ञप्ति जारी यासे राष्ट्रपतिं संविधानया पालना यायेमाःगु कर्तव्यया संवैधानिक व्यवस्थाय् हे प्रहार याःगु ठहर याःगु खः।

‘राष्ट्रपतिया थुगु गैर संवैधानिक पलाःपाखे जनतां निर्वाचित याःगु संघीय संसदया घोर अपमान व अवमूल्यन याःगु दु’ प्रधानमन्त्री नाप कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, एकीकृत समाजवादीया अध्यक्ष माधवकुमार नेपाल व जसपा अध्यक्ष उपेन्द्र यादवं जारी याःगु विज्ञप्तिइ धाःगु दु।

सत्तारुढ गठबन्धनय् दुगु राष्ट्रिय जनमोर्चा न धाःसा थुगु विज्ञप्तिइ ल्हाःचिं तःगु मदु।

नेपालय् डेंगूया संक्रमणं सीपिनिगु ल्याः २४ म्ह थ्यंगु दु। इपिडिमियोलोजी नाप रोग नियन्त्रण महाशाखाया तथ्यांक कथं असोज ४ गते तक संक्रमित जूपिनिगु ल्याः १९ हजार २३ व सीपि २४ म्ह थ्यःगु दु धका धाःगु दु।

महाशाखाया कथं दकलय् अप्पो येँ हजार १३१ म्हेसित संक्रमण पुष्टि जूगु धका धाःगु गु दु। अथेहे यलय् ५ हजार १०४ व ख्वपय् ७१३ म्ह थ्यःगु दु । स्वनिगलय् जक डेंगू संक्रमित जूपिनिगु ल्याः १० हजार ९४८ म्ह थ्यःगु दु।]

अथेहे मकवानपुरय् १ हजार ८२९, दाङय् १ हजार १८०, रुपन्देहीइ ६७९, चितवनय् ४५१, धादिङय् ३९९, गुल्मीइ २९२ व कैलालीइ २०२ म्हेसित संक्रमण पुष्टि जूगु दु।

लुँया भाः तोलां थौं न्यासः कुहावंगु दु। लुँ तोला न्यासः कुहावया तोलां ९१ हजार ३ सय रुपैयाँ थ्यःगु दु धका नेपाल सुनचाँदी व्यवसायी महासंघं धाःगु दु।

अथेहे, वहः तोलां न झीतका कुहावःगु दु। वहः तोलां झीतका १ हजार १ सय ७० रुपैयाँ न कारोबार जुगु दु धका महासंघं धाःगु दु।

न्यू प्लाजा न्ह्यने मतया तारय् मिँ न्वंगु दु। सुथय् १० बजेनिसे मतया तारय् मिँन्वःगुलि दमकलया ग्वहालि मिँ स्यायेत तालाःगु दु।

मत सर्ट जूया तारय् मिँ च्याःगु खः। मिँ च्याःगु कारण उगु रुटय् चले जुइगु सवारी साधन छु ईया लागि अवरुद्ध जूगु खः।