कलाकार भुवन केसी नेपाली कांग्रेस प्रवेश याउगु दु।

अभिनेता केसीनाप कलाकारपि रविन्द्र खड्का व अभिनेत्री श्वेता खड्का न मंगलबाः कांग्रेसय् प्रवेश याउगु दु।

प्रधानमन्त्री निवास बालुवाटारय् जुगु ज्याझ्वलय् पार्टी सभापति नाप प्रधानमन्त्री शेरबहादुर देउवां कलाकारपिन्त पार्टी प्रवेश याकूगु खः।

चलचित्र कलाकार संघया अध्यक्ष अभिनेता खड्कां लोकतान्त्रिक दल नेपाली कांग्रेसयात ग्वाहालि यायेगु धका धयादीगु खः।

माइती नेपालया अध्यक्ष अनुराधा कोइरालाया कुतलं भुवन, श्वेता व थः कांग्रेस प्रवेश यानागु धका खड्कां धाउगु दु।

थौं मंगलबाः लुँया भाः तोलां १ हजार रुपैयाँ घटे जुगु दु।

नेपाल सुनचाँदी व्यवसायी महासंघया कथं थौं छापावल लुँ तोला द्धःछि कुहावया ९७ हजार २ सय रुपैयाँ तोके याउगु दु धका धाउगु दु।

अथेहे तेजावी लुँ ९६ हजार ७ सय रुपैयाँ तोके याउगु दु धका महासंघं धाउगु दु।

वहः धासा म्हिगः थे स्थीर जुया तोलाया १२ सय ९० रुपैयाँ न कारोबार जुगु दु धका महासंघं धाउगु दु।

थौं देयन्यक मुस्लिम समुदायया ईदउल फित्र नखः खः।

ईदया लसताय् सरकारं थौं देयन्यक सार्वजनिक विदा बिउगु दु। मुस्लिम समुदायपि लच्छियक व्रत (रोजा) पूरा याना थुगु नखः हनेत्यःगु खः।

सुथय् सुद्यः लुइगु न्ह्यः व बहनि सुद्यः बिइ धुका जक मुस्लिम समुदायं गुक्वःगु रमजान महिनाया भोजन याइ।

लुँया भाः थौं तोलां च्यासः घटे जुगु दु।

लुँ तोलां थौं च्यासः क्वहावया ९८ हजार २ सय रुपैयाँ थ्यःगु दु।

अथेहे, वहः धासा थौं तोलां झीतका १ हजार २ सय ९० रुपैयाँ कारोबार जुगु दु।

मुस्लिम धर्मावलम्बीया नखः इदया लसताय् कन्ह्य मंगलबाः  सार्वजनिक बिदा जुइगु दु।

इदया लसताय् थौं सोमबाः विदा जुइ धका धासा म्हिगः आइतबाः बहनि तिमिला खनेमदुनि थौं विदा जुइमखु धका गृह मन्त्रालयं धाउगु दु।

मन्त्रालयया कथं मुस्लिम आयोगं सिफारिस याउगु कथं इदया विदा बिइगु निर्णय जुइ, आइतबां आयोगं सिफारिस याउगु मदु।