सरकारं प्रदेश व प्रतिनिधि सभा निर्वाचन मंसिर ४ गते छगु हे चरणय् यायेगु निर्णय याउगु दु।

बिहीबाः च्वंगु मन्त्रिपरिषदया बैठकं प्रतिनिधि सभा निर्वाचन मंसिर ४ गते यायेगु निर्णय याउगु दु।

निर्वाचन आयोगं सरकार घोषणा याउगु ४ मंसिरया मितिइ प्रतिनिधिसभा व प्रदेशसभा निर्वाचन यायेत  तयार दु धका धाउगु दु।

सरकारं निर्वाचनया मिति घोषणा यायेवं प्रमुख निर्वाचन आयुक्त दिनेश थपलियां तोके याउगु इलय् हे स्वच्छ, निष्पक्ष, विश्वसनीय ढंगं निर्वाचन सम्पन्न यायेगु आयोग तयार दु धका धाउगु दु।

वयकलं शुक्रबाःनिसे मतदाता नामावली संकलन स्थगित यायेगु चुनावया तयारी दु धका धयादीगु खः। ‘जिमिसं मतदाता नामावलीया दर्ता प्रक्रिया कन्ह्यनिसे स्थगन याना दर्ता जुइ धुकुगु मतदातापिनिगु नामावली ६ हजार ७ सय ५३ गु वडा कार्यालय सार्वजनिक याना अद्यावधिक यायेगु प्रक्रिया सुरु जुइ,’ प्रमुख निर्वाचन आयुक्त थपलियां धयादीगु दु,‘स्थानीय तह निर्वाचनय् जुगु कमी कमजोरी न जिमिसं थुगु पालिइ सच्ये याये।’

सरकारं प्रदेश व प्रतिनिधि सभा निर्वाचन मंसिर ४ गते छगु हे चरणय् यायेगु निर्णय याउगु दु।

थौं बिहीबाः च्वंगु मन्त्रिपरिषदया बैठकं प्रतिनिधि सभा निर्वाचन मंसिर ४ गते यायेगु निर्णय याउगु दु धका छम्ह मन्त्रीं धाउगु दु।

थ्व स्वया न्ह्यः बुधबाः सत्तारुढ गठबन्धनया शीर्ष नेतापिन्स मंसिर ४ य् प्रदेश व प्रतिनिधि सभा निर्वाचन यायेगु सहमत याउगु खः।

मन्त्रिपरिषद् बैठक सिंहदरबारय् सुरु जुगु दु। उगु बैठकं प्रतिनिधि सभा व प्रदेश सभाया निर्वाचनया मिति क्वछिइ धका धाउगु दु।

सत्तारुढ गठबन्धनं मंसिर ४ गतेया लागि निर्वाचन यायेगु सहमति जुइ धकुगु दु। निर्वाचन आयोगं मंसिर २ गतेया लागि निर्वाचन मिति प्रस्ताव याउगु खः।

नयाँ दिल्लीइ मेम्ह छम्ह विदेशी नागरिकयात न मंकीपक्स संक्रमण खनेदुगु दु। थ्व नाप राजधानी नयाँ दिल्लीइ प्यम्ह विदेशी नागरिकपिन्त मंकीपक्स संक्रमण जुइ धुकुगु दु।

लिपा जुम्ह ३१ दँ दुम्ह मिसायात मंकीपक्स संक्रमण खनेदुगु खः। उम्ह मनूखं विदेश यात्रा याउगु दु वा मदु धाःसा सिइमदुनि। भारतय् आःतक गुम्हेसित मंकीपक्सया संक्रमण जुइ धुकुग दु।

आः उगु ल्वय जूपि केरला व दिल्लीयापि खः। उम्ह मिसायात ज्वरो व छ्यगूया समस्या जुगु खः। वयात लोक नायक जय प्रकाश अस्पतालय् उपचार जुयाच्वंगु दु धका प्रेस ट्रस्ट अफ इन्डियां धाउगु दु।