भूमि आयोग येँ जिल्लाया अध्यक्षय् श्यामकृष्ण प्रजापति नियुक्त जुगु दु।

म्हिगःया मन्त्रिपरिषद् वैठकं प्रजापतियात भूमि आयोग येँ जिल्ला अध्यक्षय् नियुक्त यायेगु निर्णय याउगु खः।

प्रजापति सत्तारुढ गठबन्धद दलया समर्थनय् आयोगय् येँ जिल्लाया अध्यक्ष जुगु खः।

नेपाःया आदिवासी जनजाती आवद्ध संघ संस्थापिन्स ‘२८ क्वःगु विश्व आदिवासी दिवस’ मंकाः कथं छवाः तक हनिइगु जुगु दु। वंगु दँय् थे थुगु दँय् न नेपाल आदिवासी जनजाती महासंघं नेतृत्व आदिवासी जनजातीजन्य संघ संस्थापिन्स मंकाः कथं विश्व आदिवासी दिवस हनेत्यःगु खः।

महासंघया संघीय कार्यालय भीमसेनगोलाय् ‘२८ क्वःगु विश्व आदिवासी दिवस–२०२२ मूल समारोह’ न पत्रकार सम्मेलनयासे थुगु दँय् न वंगु दँय् थे थीथी ज्याझ्वः याना विश्व आदिवासी दिवस हनेगु जानकारी बिउगु दु। पत्रकार सम्मेलनय् न्ववासे महासंघया अध्यक्ष गेल्जे लामा शेर्पा नताः ईनिसे आन्दोलनया झ्वलय् न अधिकार सुनिश्चित जुइ मफुगु धका धयादीसे उत्सवया रुपं हेगु ज्याझ्वःपाखे न अधिकार सुनिश्चिततया लागि राज्ययात दबाब बिइगु जुइ धका धयादीगु खः।

अध्यक्ष शेर्पा न धाउगु दु, ‘जिमिसं आदिवासी जनजाती समुदाय ताः ईनिसे आन्दोलन याना वयाच्वनागु दु। तर, झीगु अधिकार सुनश्चित जुगु मदुनि। उकिइ झीसं हनेगु उत्सवपाखे झीगु मागपाखे राज्ययात न्यके चाहे जु, क्यने चाहे जु।’ दिवसया लसताय् थुगु दँय् मूल समारोहया रुपय् महासंघं साउन २४ गते नेपाल प्रज्ञा प्रतिष्ठान कमलादीइ छगु ज्याझ्वः यायेत्यःगु दु।

महासंघया कथं उगु ज्याझ्वलय् प्रधानमन्त्री शेरबहादुर देउवा मूपाहाँ कथं ब्बति काइगु जुगु दु।

२८ क्वःगु विश्व आदिवासी दिवस व थःगु २३ क्वःगु स्थापना दिवसया लसताय् नेपाल आदिवासी जनजाती पत्रकार महासंघ (फोनिज) न येँ साउन २३ गते ‘आदिवासी जनजाती आन्दोलनया समीक्षा व आःयाउगु कार्यदिशा’ विषय अन्तरक्रिया याइगु ज्याझ्वः दु।

हलियकं आदिवासीपिन्स दँय् दँसं ९ अगष्टयात अन्तर्राष्ट्रिय आदिवासी दिवसया रुपय् हनावया च्वंगु खः।

निर्वाचन आयोगं वइगु प्रतिनिधिसभा व प्रदेश सभा निर्वाचनय् १ करोड ८६ लाख मतदाता जुइगु सम्भावना दइगु अनुमान याउगु दु।

प्रमुख निर्वाचन आयुक्त दिनेशकुमार थपलियां २०७४ सालय् प्रतिनिधिसभा व प्रदेश सभा निर्वाचनय् सहभागी मतदाता स्वया १० लाख मतदाता थपे जुइगु अनुमान याउगु दु।

प्रतिनिधिसभा व प्रदेश सभाया निर्वाचन वइगु मंसिर ४ गते तोके याउगु बारये आयोगं बिहीबाः ग्वसाः ग्वंगु पत्रकार सम्मेलनय् गुलि मतदाता सहभागी यायेगु बारे प्रमुख निर्वाचन आयुक्त न्ववागु खः।’

म्हिगः तक याउगु तथ्यांक कथं न्हापागु निर्वाचनय् १ करोड ७७ लाख मतदाता दुगुलि वइगु निर्वाचनय् १ करोड ८६ लाखतक जुइगु प्रारम्भिक अनुमान दु। करिब १० लाख मतदाता थपे जुइगु आकलन दु,’ धका वयकलं धयादीगु दु।

वंगु २४ घण्टाया दुने देयन्यक थप ७६० म्हेसित कोरोना संक्रमण पुष्टि जुगु दु।

अथेहे छम्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं ५ हजार ९२६ म्हेसिगु परीक्षण याउगुलि ७६० म्ह संक्रमण पुष्टि जुगु दु।

उकि मध्ये २ हजार ५८९ म्हेसिग पीसीआर परीक्षण याउगुलि ४९४ म्ह व ३ हजार ३३७ म्हेसिगु एन्टिजेन परीक्षण यागुलि २६६ म्ह संक्रमण खनेदुगु दु धका मन्त्रालयं धाउगु दु।

थ्व नाप कोरोना भाइरसया सक्रिय संक्रमितपि ५ हजार ६०२ म्ह थ्यःगु दु। अथेहे २४ घण्टाय् ३२४ म्ह संक्रमणमुक्त जुगु दु।

सरकारं प्रतिनिधिसभा व प्रदेशसभा निर्वाचन ४ मंसिरय् यायेगु घोषणा यायेवं मतदाता नामावली संकलन स्थगित जुइ धका धयादीगु खः।

प्रमुख निर्वाचन आयुक्त दिनेश थपलियां थौं शुक्रबाःनिसे मतदाता नामावली संकलन स्थगित जुइ धका धयादीगु दु।

आयोगं आः देयन्यक जिल्ला निर्वाचन कार्यालय, जिल्ला प्रशासन कार्यालय, इलाका प्रशासन कार्यालयनाप थीथी थासय् फोटानाप मतदाता नामावली संकलन याना च्वंगु खः।

चुनाव घोषणा लिपा मतदाता नामावली संकलन न स्थगित याइगु प्रचलन दु।