वंगु २४ घण्टाया दुने देयन्यक ८९५ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ५ हजार ९०९ म्हेसिगु परीक्षण याउगुलि ८९५ म्हेसित संक्रमण पुष्टि जुगु दु। ३ हजार ६५८ पीसीआर परीक्षणय् ६३२ म्ह व २ हजार २२४ म्हेसित परीक्षणय् २६३ म्ह संक्रमण पुष्टि जुगु दु।

वंगु २४ घण्टाया दुने २६४ म्ह संक्रमणमुक्त जुगु दु। मन्त्रालयया कथं कोरोना संक्रमणं छम्हेसिगु ज्यान वंगु दु। आःतक देयन्यक कोरोना भाइरसया सक्रिय संक्रमितपिनिगु ल्याः ४ हजार ९३४ म्ह थ्यःगु दु।

संक्रमितपि मध्ये येँ ३७३, यलय् ६६, कैलालीइ २२ म्ह थ्यःगु दु।

नेकपा एमालें बजाः भाः व भ्रष्टाचारविरुद्ध थौं येँ जनप्रदर्शन याइगु जुगु दु।

सरकारं महँगी नियन्त्रणया लागि छु न कुतः मयाउगु धासे एमालेें जनप्रदर्शन यायेत्यःगु खः। थौं न्हिनय् २ बजे वसन्तपुरय् जनप्रदर्शन सुरू जुइ धका एमालें धाउगु दु।

एमालेया वरिष्ठ उपाध्यक्ष ईश्वर पोखरेलं बजाः थहावना नागरिकपिन्त तधःगु समस्या जूसा बजाः भाः नियन्त्रणया लागि छु न कुतः मयागुलि हे जनप्रदर्शनपाखे सरकारयात खबरदारी यायेत्यःनागु खः धका धाउगु दु।

वयकलं जनप्रदर्शनयात व्यवस्थित व सङ्गठित शक्तियात परिचालन यायेत निर्देशन बिउगु दु।

पोखरा महानगरपालिका–६ डिहिकोपाटनय् चलः वया छेँ ल्हाना छम्हेसिगु ज्यान वंगु दु।

अथेहे निम्ह घाःपाः जुगु दु। वंगु चान्ह्यः मदिक्क वाः वंगुलि चलः वया सन्तोष सुनारया ज्यान वंगु दु।

चलखं ल्हाना सुनिता सुनार व सिमन सुनार घाःपाः जुगु खः। सुनितायात पोखराया गण्डकी मेडिकल कलेजय् उपचार जुयाच्वंगु दु धका कास्कीया निमित्त प्रहरी प्रमुख डीएसपी सुन्दर तिवारीं जानकारी बिउगु दु।

सुनिता व सिमन निम्हेसिगु न स्वास्थ्य अवस्था सामान्य दु धका धाउगु दु।

नवनियुक्त अर्थमन्त्री जनार्दन शर्मा न पदभार ग्रहण याउगु दु।

थौं आइतबाः अर्थमन्त्रीइ नियुक्त जुया बहनि शर्मा न राष्ट्रपति कार्यालय, शीतल निवासय् जुगु समारोहय् राष्ट्रपतिसमक्ष पद व गोपनीयताया शपथ काउगु खः।

वया लिपा सिंहदरबारय् मन्त्रालय वना पदभार ग्रहण याउगु खः। मन्त्रालयय् लसकुस याउगु ज्याझ्वलय् शर्मा न बजेट विवादबारे छु न न्ववानामदी।

वयकलं थःम्हेसिया बजेट कार्यान्वयन यायेगु झ्वलय् थःत हाकन अवसर बियादीगुलि प्रधानमन्त्री शेरबहादुर देउवा व माओवादी केन्द्रया अध्यक्ष पुष्पकमल दाहाल, माधवकुमार नेपाल, उपेन्द्र यादव, राष्ट्रिय जनमोर्चाया दुर्गा पौडेलया नां हे कया सुभाय् बिउगु दु।

अर्थमन्त्री जनार्दन शर्मा न पद व गोपनीयताया शपथ काउगु दु।

थौं आइतबाः बहनि राष्ट्रपति कार्यालय आयोजित समारोहय् राष्ट्रपति विद्यादेवी भण्डारीं अर्थमन्त्री शर्मायात शपथ बिउगु खः।

बजेट निर्माणय् अनधिकृत मनू सहभागी याउगु धइगु द्धपनय् नेकपा एमालें विरोध यायेवं २२ असारय् संसदीय छानबिन समिति गठन याउगु खः।

शर्मां वया कारण हे राजीनामा बिउगु खः। तर संसदीय समितिं शर्मायात बिइगु द्धपनय् पुष्टि मजुइवं प्रधानमन्त्री शेरबहादुर देउवां हाकन अर्थमन्त्री याउगु खः।